هه‌روه‌ها تیشكی خسته‌ سه‌ر هه‌ڵوێستی نه‌گۆڕی یه‌كێتیی نیشتمانیی كوردستان كه‌ ئه‌وله‌ویه‌تی كاره‌كانی مسۆگه‌ركردنی مووچه‌ی ته‌واوی موچه‌خۆرانی هه‌رێمه‌ كه‌ هه‌موو هه‌وڵه‌كانی خۆی خستۆته‌كار بۆ ئه‌و مه‌به‌سته‌ كه‌ له‌سه‌ر هه‌موویانه‌وه‌ هه‌وڵه‌كانی سه‌رۆك بافڵ جه‌لال تاڵه‌بانی-یه‌ كه‌ یه‌كێتی خه‌می سه‌ره‌كی باشكردنی ژیان وگوزورانی خه‌ڵكه‌، چونكه‌ به‌خوێنی ڕ‌ۆڵه‌كانی كه‌سوكاروخانه‌واده‌ی ئه‌وان ئه‌م ئازادیه‌ فه‌راهه‌مكراوه‌.

وتیشی: پێویسته‌ هه‌موو پێكه‌وه‌ له‌گه‌ڵ لایه‌نه‌سیاسیه‌كاندا یه‌ك هه‌ڵوێستبین بۆ یه‌كخستنی ماڵی كورد له‌به‌غدا تا له‌وێ داكۆكیكاری سه‌رسه‌ختبین بۆ به‌دیهێنانی مافه‌كانمان دواتر له‌به‌شێكی تری كۆبونه‌وه‌كه‌دا باسی له‌به‌ستنی پێنجه‌مین كۆنگره‌ی یه‌كێتیی نیشتمانیی كوردستان كرا كه‌ یه‌كێتی ده‌یه‌وێت كۆنگره‌ی خۆی ببه‌ستێت له‌سات و كاتی خۆیدا ئه‌شمانه‌وێت كۆنگره‌، كۆنگره‌ی نوێگه‌ری له‌كاردا و كۆده‌نگی له‌بڕ‌یارداندا بێت بۆیه‌ هه‌موو پشتیوانی سه‌رخستنی كۆنگره‌ی پێنجه‌م ده‌كه‌ین تایه‌كێتی به‌هێزوبه‌هێزتربكه‌ین.