سەرۆك بافڵ بۆ سەڵاحەدین بەهادین: هیوادارم ئەم یادەتان دەرفەتێك بێت بۆ قووڵكردنەوەی گیانی تەبایی
2023-02-06 10:24 80 جار بینراوە کۆمێنت
سەرۆكی یەكێتی نیشتمانیی كوردستان بەبۆنەی ساڵیادی راگەیاندنی یەكگرتووی ئیسلامی كوردستانەوە پەیامێك ئاراستەی ئەمیندار و ئەندامانی ئەنجومەنی جێبەجێكردنی حزبەكە دەكات.
لە پایامەكەی سەرۆك بافڵ بۆ یەكگرتووی ئیسلامی هاتووە، "هیوادارم ئەم یادە دەرفەتێك بێت بۆ قووڵكردنەوەی گیانی تەبایی و هەماهەنگی زیاتر لەپێناو سەقامگیریی هەرێمەكەمان و خزمەتكردنی زیاتری خەڵكە خۆشەویستەكەمان. "لە بەشێكی تری پەیامەكەیدا هاتووە، "ئەركی هەموولایەكمانە بە رۆحێكی كوردانە و دوور لە جیاوازییەكانمان خەبات بۆ مافەكانی كورد بكەین و پێكەوە كوردستان بەرەو ئاوەدانی و خۆشگوزەرانی زیاتر ئاڕاستە بكەین".سەرۆكی یەكێتیی نیشتمانی هەر لە پەیامەكەیدا دەڵێت، "بەبۆنەی ساڵیادی راگەیاندنی یەكگرتووی ئیسلامی كوردستانەوە پیرۆزباییەكی گەرم ئاڕاستەی ئێوە، ئەندام و لایەنگرانتان دەكەم".
بابەتی زیاتر