سەرۆک بافڵ جەلال تاڵەبانی: كاك ئاكام بەتەمەنێکی کەم و لێهاتووییەکی زۆرەوە داستانێکی تۆمارکرد

  2023-01-21 18:20      89 جار بینراوە        کۆمێنت

بافڵ جەلال تاڵەبانی، سەرۆکی یەکێتیی نیشتمانیی کوردستان دوای بەشداریکردنی لە مەراسیمی چلەی ماتەمینی شەهیدبوونی فەرماندە ئاکام عومەر پەیامێکی بڵاوکردەوەو دەڵێت: کوردستان وەک چاومان دەپارێزین و هێزی کۆماندۆی کوردستان کە بەرهەمی هەوڵ و تێکۆشانی ئەو برایەمان بوو، گەورەتر و پتەوتر دەکەین.
دەقی پەیامەکە.…
چل رۆژ لەمەوبەر فەرماندەیەكی قارەمان، پێشمەرگەیەكی چاونەترس، برا و هاوڕێیەكی شیرینمان چووە ریزی شەهیدان و بەڵێنەكەی خۆی بەرامبەر خاك و خەڵكەكەی بەجێهێنا، كە ئەمەش ئاكاری هەمیشەیی پێشمەرگە و فەرماندە تێكۆشەرەكانی یەكێتیی نیشتمانیی كوردستان بووە و هەرواش دەبێت.
ئەوەی كاك ئاكام لە جەنگی رووبەڕووبوونەوەی تیرۆر و پاراستنی خاكی كوردستاندا ئەنجامیدا، زۆر لەوە زیاتر و گەورەتربوو كە لێی چاوەڕێدەكرا. ئەو بەتەمەنێکی کەم و لێهاتووییەکی زۆرەوە داستانێکی تۆمارکرد کە بۆ هەمیشە لە یادەوەریماندا بە زیندوویی دەمێنێتەوە و بەشانازییەوە لە مێژوودا دەنووسرێتەوە.
بەڵێنی خۆمان بۆ رۆحی شەهید ئاکام و هەموو هاوسەنگەرەکانی دووپاتدەکەینەوە کە خەبات و ماندووبوونەکانی ئەو فەرماندەیەمان لەیاد ناکەین و درێژەی پێدەدەین، کوردستان وەک چاومان دەپارێزین و هێزی کۆماندۆی کوردستان کە بەرهەمی هەوڵ و تێکۆشانی ئەو برایەمان بوو، گەورەتر و پتەوتر دەکەین.
دروود بۆ رۆحی شەهید ئاکام عومەر و سەرجەم شەهیدانی رێگای رزگاریی کوردستان

 

بابەتی زیاتر

نوێترین هەواڵەکان

بیروڕا

سۆشیال میدیا

گەلەری

کەشو هەوا

زۆرترین سەردانکراو