بەبۆنەی ساڵیادی دامەزراندنی وێب سایتی PUKMEDIA ، مەکتەبی سیاسی یەکێتیی نیشتمانیی کوردستان، پەیامێکی پیرۆزبایی ئاراستەی سەرنوسەر و میدیاکارانی وێب سایتەکە کردووە، ئەمە دەقەکەیەتی:
بەرێزان سەرنوسەر و میدیاکارانی PUK MEDIA، لەساڵیادی دامەزراندنی وێب سایتەکەتاندا گەرمترین پیرۆزباییتان لێدەکەین . لەماوەی چەند ساڵی کارکردنتاندا توانیوتانە لە نێوکاروانی میدیای ئەلەکترۆنیدا بەگەیاندنی هەواڵی راست و بابەتی سەنگین وەک سەکۆیەکی پیشەییانەی پابەند بەئیتکی رۆژنامەگەریی بناسرێن ،ئەم هەوڵە سەرکەوتوانەیشتان جێگەی دەست خۆشی و مایەی شانازیی هەمووانە.
 هەر لەم بۆنەیەدا هیوای سەرکەوتنی زیاترتان بۆدەخوازین لەو هەنگاوانەی لەنوێگەری لایەنە جیاجیاکانی وێب سایتەکەدا گرتونانەتەبەر و لە پۆلێن و ڕیزبەندی ماڵپەر و سایتەکانی هەواڵدا لە پێشەنگیدا بتانبینین. 

                                        
       مەکتەبی سیاسی                                   یەکێتیی نیشتمانیی کوردستان