بۆ کۆچی دوایی خاتوو( حەفیدەخانی کچی شێخ مەولانا ) خێزانی خوالێخۆشبوو شێخ رەئوف سراج الدین، قوباد تاڵەبانی سەرپەرشتیاری مەکتەبی سکرتارییەتی سەرۆک مام جەلال، پرسەنامەیەکی ئاراستەی خانەوادەی کۆچکردوو، کردووە، ئەمە دەقەکەیەتی:

بەڕێز کاک شێخ مادح شێخ عثمان سراج الدین نەقشەبەندی 

بەڕێزان کاک شێخ یادگار شێخ رەئوف و برایانی

بەداخ و پەژارەیەکی زۆرەوە هەواڵى کۆچی دوایی خاتوو( حەفیدەخانی کچی شێخ مەولانا ) خێزانی خوالێخۆشبوو شێخ رەئوف سراج الدینم بیست.

خاتوو حەفیدەی کۆچکردوو لە بنەماڵەی گەورەی شێخانی سراج الدین، بنەماڵەیەكی تێکۆشەر و نیشتمانپەروەر وئاینی رەسەنی کوردستانن و ھەمیشە چاکە خواز و خزمەتکاری ئاین و پێکەوەژیان بوون، کۆچکردنی بۆ ئێمە جێگای داخە.
بەم بۆنە غەمناکەوە پرسەو سەرەخۆشی لەخێزان و هەموو بنەماڵەی گەورەی سراج الدین و خزمانی نەقشەبەندی و موریدانی تەریقەت ئەکەم و هاوبەشی خەم و پەژارەتانم.
خواى گەورە لە کۆچکردوو خۆش بێت و جێگاى بەهەشت بێت، سەبورى و دڵنەواییش بەهەموو لایەک ببەخشێت.

انا لله و انا الیه راجعون 

قوباد تاڵەبانی
سەرپەرشتیاری مەکتەبی سکرتارییەتی سەرۆک مام جەلال