پەیامی دامەزراوەی سەرۆک جەلال تاڵەبانی، بۆ خانەوادەی قوربانیانی کارەساتەکەی سلێمانی

  2022-11-18 21:09      169 جار بینراوە        کۆمێنت
پرسەنامە و هاوخەمی

باڵیۆز دکتۆر محمد سابیر، سەرۆکی دامەزراوەی سەرۆک جەلال تاڵەبانی، پەیامێکی ئاراستەی بنەماڵەی قوربانیانی رووداوەکەی گەڕەکی کازیوەی سلێمانی کردووە، ئەمە دەقەکەیەتی:

بەرێز/ بنەماڵەی بابەشێخی سیرێ و خانەوادەی قوربانییەکان

 بەغەم پەژارەیەكی زۆرەوە، هەواڵی ئەم كۆستە گەورەیەمان پێگەیشت، کە تێیدا پازدە لە ئەندامانی خانەوادەکەتان و دۆستانی ئازیزتان، بەهۆی روداوێکی نەخوازراوە بوونەتە قوربانی و گیانیان لەدەستداو دوانزە لە ئەندامای تری خانەوادەکەتان بریندار بوون، رووداوەكە بۆ ئێمە غەمێکی قوڵ و ئازارێکی گشتی و  سەرتاسەرییە کە لە دڵی هەموو کوردێکدا بەهۆی ئەم روداوە نەخوازراوە دروستبووە، هاوبەشی غەم و پەژارەتانین، لەیەزدانی مەزن و میهرەبان داوادەکەین کە ئارامی و سەبوری بەبنەماڵە و خانەوادەی بەرێزتان بدات و شیفای خێرا بۆ بریندارانی ئەم روداوە ناخ هەژێنە بنێرێت و هەموو كۆچكردوان بەبەهەشتی بەرینی خۆی شاد بكات. خودا سەبوری و ئارامی بە ئێوەو خەڵکی شاری سلێمانی و کوردستان ببەخشێت .


باڵیۆز دکتۆر محمد سابیر 
سەرۆکی دامەزراوەی سەرۆک جەلال تاڵەبانی

بابەتی زیاتر

نوێترین هەواڵەکان

بیروڕا

سۆشیال میدیا

گەلەری

کەشو هەوا

زۆرترین سەردانکراو