بافڵ جەلال تاڵەبانی، سەرۆكی یەكێتیی نیشتمانیی كوردستان لە بەغدا چاویكەوت بە فالح فەیاز، سەرۆكی دەستەی حەشدی شەعبی.
‏‎لە دیدارێكدا شاڵاو كۆسرەت رەسوڵ و خالید شوانی، ئەندامی مەكتەبی سیاسی ئامادەیبوون، دوایین پەرەسەندنە سیاسی و ئەمنییەكان تاوتوێكران و هەوڵەكان بۆ چارەسەركردنی كێشەكانی بەردەم پرۆسەی سیاسی و رەوینەوەی گرژییەكان گفتوگۆی لەبارەوە كرا.
‏‎سەرۆك بافڵ جەلال تاڵەبانی جەختی لە بەرقەراربوونی ئاشتی و سەقامگیری كردەوە و داوایكرد، لایەنەكان نەرمی بنوێنن و سازش لە داواكارییەكان بكەن، چونكە ژیان و گوزەرانی هاووڵاتییان كاری لەپێشینەیە و دەبێت هەموو هەنگاوەكان بەو ئاڕاستەیەدا بێت.