بۆ کۆچی دوایی سیاسەتمەدارو تێکۆشەر مامۆستا کەریم   ئەحمەد، بەرهەم ساڵح سەرۆک کۆماری عیراق پرسەنامەیەکی ئاراستەی خانەوادەی کۆچکردوو کردووە، ئەمە دەقەکەیەتی
بەبیستنی ماڵئاوایی کەسایەتی سیاسی و خەباتگێڕی ناسراوی کوردستان و عێراق، سکرتێری پێشوی حیزبی  شیوعی کوردستان، ھاوڕێ کەریم ئەحمەد لەدڵەوە خەمبار بووین. 

مامۆستا کەریم ئەحمەد، یەکێک لەسەرکردە ئازادیخوازەکانی عێراق و کوردستان بوو ،کە ھەموو تەمەنی خۆی بۆ تێکۆشان لەپێناو ئازادی و بەختیاری گەلدا تەرخان کرد و وەک خەباتگێڕێکی پشودرێژ لە پێناوی دادپەروەر کۆمەڵایەتی و ئازادی، بەوەفاوە لەگەڵ بیروباوەڕەکەی بە درێژایی ڕۆژگارە جیاوازەکان وەک نمونەیەکی جوان بۆ  کۆڵنەدان مایەوە.

 لەم بۆنە خەمگینەدا، پرسە و ھاوخەمی خۆمان بۆ ئەندامانی خانەوادەی نیشتیمانپەروەری مامۆستا کەریم ئەحمەد و تەواوی ھاوڕێیانی شیوعی لە كوردستان و عێراق ڕادەگەیەنین، لە خوای میھرەبان نزادەکەین کەجێگای مامۆستا کەریم ئەحمەد بەهەشتی ئاسودەیی بێت و ئارامیش بە خێزان و کەوسوکار و ھاوڕێیانی ببەخشێت.

بەرھەم ساڵح
سەرۆک کۆماری عێراق