خاتوو شاناز ئیبراهیم ئەحمەد بۆ باشتر پێشکەشکردنی خزمەتگوزاری بە هاوڵاتیان پشتیوانی دووپاتدەکاتەوە

  2022-06-27 18:04      109 جار بینراوە        کۆمێنت

خاتوو شاناز ئیبراهیم ئەحمەد بۆ باشتر پێشکەشکردنی خزمەتگوزاری بە هاوڵاتیان پشتیوانی دووپاتدەکاتەوە 

ئەمڕۆ ٢٧ی حوزەیرانی ٢٠٢٢، خاتوو شاناز ئیبراهیم ئەحمەد کارگێڕی مەکتەبی سیاسی (ی.ن.ک) و سەرپەرشتیاری مەڵبەندەکانی(سلێمانی، چەمچەماڵ، شارەزوور، گەرمیان و راپەڕین)، لەنووسینگەی تایبەتی خۆی لەشاری سلێمانی لەدوو دیداری جیادا پێشوازیکرد لەبەڕێوەبەر و ژمارەیەک لە دادنووسانی فەرمانگەی دادنووسی سلێمانی و دەوروبەری لەگەڵ جێبەجێکارانی دادی پارێزگای سلێمانی و لەچۆنیەتی بەرێوەچوونی ئیش و کارەکانیان و ڕایی کردنی مامەڵەی هاوڵاتیانی پرسییەوە سەرباری گفتوگۆکردن لەسەر کەم و کورتی فەرمانگەکانیان، پشتیوانی خۆی بۆ دووپاتکردنەوە.
لەو دیدارانەدا کە تەلار لەتیف ئەندامی سەرکردایەتی و لێپرسراوی ناوەندی کاروباری یاسایی(ی.ن.ک) ئامادەی بوو، پوختەیەک لەبارەی شێوازی بەڕێکردنی کاروچالاکی هەردوو فەرمانگەکە پێشکەشکرا، هاوکات ئاماژە بەو کێشە و کەموکورتیانە کرا کە گرفت و ئاستەنگی لەڕاییکردنی کاروبارەکانیان دروست کردووە و لەم ڕووەشەوە سوپاسگوزاری خۆیان بۆ پشتیوانی و بەدەنگەوەهاتنی خاتوو شاناز بۆ داواکانیان دەربڕی و وەک وەفا و رێزێکیش وێنەیەکی دێرینی بەردەرکی سەرای سلێمانیان پێشکەشکرد.
لای خۆیەوە، خاتوو شاناز ئیبراهیم ئەحمەد بۆ باشتر پێشکەشکردنی خزمەتگوزارییەکان بەهاوڵاتیان و نەهێشتنی کەم و کورتی و ئاستەنگەکانی بەردەم ڕایی کردنی مامەڵەکانیان، پشتیوانی خۆی دەربڕی بۆ ئەو پێشنیازانەی کە پێشکەشیان کرد، بۆ هەوڵ و ماندوبوونیشیان ستایشی کردن کە بەوپەڕی دڵسۆزییەوە ئەرکەکانیان جێبەجێ دەکەن.

بابەتی زیاتر

نوێترین هەواڵەکان

بیروڕا

سۆشیال میدیا

گەلەری

کەشو هەوا

زۆرترین سەردانکراو