سەرۆک بافڵ جەلال تاڵەبانی: یەکێتی دەرگای کراوەیە بۆ هەموو کەس و لایەنێک کە دەیەوێت لەڕێگەی ئەم حزبە تێکۆشەرەوە خزمەت بکات

  2022-06-25 19:25      400 جار بینراوە        کۆمێنت

بافڵ جەلال تاڵەبانی، سەرۆکی یەکێتیی نیشتمانیی کوردستان لە دەباشان پێشوازیکرد لە مستەفا غەفور ئاغای ھەمەوەندی، کەسایەتی دیاری سنووری چەمچەماڵ و ژمارەیەک لەخزمانی عەشیرەتی هەمەوەندی.

لەدیدارەکەدا شاڵاو عەلی عەسکەری، کارگێڕی مەکتەبی سیاسی و شاڵاو کۆسرەت رەسوڵ و پۆڵا سیروان تاڵەبانی، ئەندامی مەکتەبی سیاسی و رێبوار عومەر، لێپرسراوی مەڵبەندی رێکخستنی چەمچەماڵ ئامادەبوون.
لە دیدارەکەدا سەرۆک بافڵ ستایشی مستەفا غەفوور ئاغاو عەشیرەتی هەمەوەندی کرد کە رۆڵێکی گرنگیان گێڕاوە لەقووڵکردنەوەی گیانی تەبایی و برایەتی لەناوچەکەو رایگەیاند: یەکێتی موڵکی ئێمە نییە، بەڵکو موڵکی جەماوەرە دڵسۆزەکەیەتی و هەر ئەوانیش بەردەوامیی پێدەدەن و درێژە بەڕێبازەکەی دەدەن. دەرگاشمان بۆ هەموو کەس و لایەنێک کراوەیە کە دەیەوێت لەڕێگەی ئەم حزبە تێکۆشەرەوە خزمەت بکات.
لەدرێژەی دیدارەکەدا سەرۆکی یەکێتی بەگرنگییەوە باسی لەڕۆڵ و پێگەی عەشیرەت و کەسایەتییە کۆمەڵایەتییەکان کرد و وتی: ئێوە رۆڵێکی گرنگتان هەبووە لەپاراستنی بەھا بەرزەکانی کوردەواری و پەرەپێدانی تەبایی و پێکەوەژیان. یەکێتیی نیشتمانیی کوردستان بەچاوی رێزەوە لەهەوڵەکانتان دەڕوانێت و بەرز دەینرخێنین.

لەبەرامبەردا مستەفا غەفور ئاغای ھەمەوەندی سوپاس و پێزانینی خۆی گەیاندە بافڵ جەلال تاڵەبانی، سەرۆکی یەکێتیی نیشتمانیی کوردستان کە بەردەوام هاوکارو پشتیوان بووەو هەمووکات هەوڵەکانی لەپێناو چاکەی گشتیدا بووە.

بابەتی زیاتر

نوێترین هەواڵەکان

بیروڕا

سۆشیال میدیا

گەلەری

کەشو هەوا

زۆرترین سەردانکراو