‎ژمارەیەک ئەفسەری نوێ كۆلێژی سەربازیی قەڵاچوالانیان تەواوکرد

  2022-05-22 14:44      155 جار بینراوە        کۆمێنت

‎بەئامادەبوونی بافڵ جەلال تاڵەبانی و نێچیرڤان بارزانی سەرۆکی هەرێمی کوردستان و خاتوو شاناز ئیبراهیم ئەحمەدو قوباد تاڵەبانی و ژمارەیەکی زۆر لەبەرپرسانی حزبی و حکومی، رێوڕەسمی ئاهەنگی دەرچووانی خولی ١٦ی بنەڕەتی و خولی پێگەیاندنی ئەفسەران ژمارە ٦ی وەزارەتی پێشمەرگە لەکولیەی عەسکەری قەڵاچوالان بەڕێوەچوو.
‎لەچەند وتەیەکدا رۆڵ و هیممەت و سیاسەتی دوربینانەی سەرۆک مام جەلال بەگرنگییەوە باسکرا کەخاوەنی بیرۆکەی دامەزراندنی کولیەی عەسکەری بووەو یەکەم خولیش لەساڵی ١٩٩٢دا کراوەتەوەو بەمجۆرەو بەپشتیوانی سەرۆک مام جەلال کولیەی عەسکەری لەخەوێکەوە بۆتە واقیع وەک یەکەمین دامەزراوەی ئەکادیمی سەربازی لەمێژووی کوردا هاتە ئاراوە بۆ پێگەیاندنی ئەفسەران بۆ ریزەکانی هێزی پێشمەرگەی کوردستان.
‎لەڕێورەسمەکەدا دەستخۆشی لەگشت فەرماندە و پلەدارانی کولیەی عەسکەری کرا کەئەرک و ماندووبونیان کێشاوە بۆ پەروەردەکردن و پێگەیاندنی ئەفسەران کەدەبنە درێژەپێدەری خەباتی نەپساوەی ئەو شەهیدانەی لەڕێگای ئازادی کوردستاندا خۆیان بەخت کرد، ئەوەش دووپاتکرایەوە کەکردنەوەی ئەم خولانە گرنگە بۆ بنیاتنانی سوپایەکی شایستە بەکۆمەڵی کوردەواری تا لەم هەلومەرجەدا ئەفسەران بەورەیەکی گەورەترو دڵسۆزانەتر بەرامبەر شاڵاوی هێرش و پەلاماری دوژمنانی گەلەکەماندا بوەستنەوەو بەرگری لەخاکی پیرۆزی کوردستان بکەن.
دەرچووانی ئەم خولە جیاواز لەخولەکانی پێشوو لەھەردوو رەگەز پێکھاتوون و ژمارەیان ٥٠٣ خوێندکارەو ماوەی دوو ساڵ و نیوو ھەندێکیان زیاتر لەدوو مانگ لەمەشقدا بوون.


بابەتی زیاتر

نوێترین هەواڵەکان

بیروڕا

سۆشیال میدیا

گەلەری

کەشو هەوا

زۆرترین سەردانکراو