ناوەندی ئۆلف پاڵمە و مەکتەبی رێکخراوە دیموکراتییەکان پرۆژەی هاوبەش ئەنجام دەدەن

  2022-05-21 20:29      97 جار بینراوە        کۆمێنت

ناوەندی ئۆلف پاڵمە و مەکتەبی رێکخراوە دیموکراتییەکان 
پرۆژەی هاوبەش ئەنجام دەدەن

ئەمڕۆ هەڤاڵ ( جوتیار نوری ) ئەندامی مەکتەبی سیاسی و لێپرسراوی مەکتەبی ڕێکخراوە دیموکراتییەکان، بە ئامادەبوونی ئەندامانی مەکتەب، پێشوازیکرد لە شاندێکی پارتی سۆسیال دیموکراتی سوید و ناوەندی ئۆلف پاڵمە، کە پێکهاتبوون لە بەڕێزان
١. تۆرگنی لارشۆن سەرۆکی ئەنجومەنی هەرێمی ئۆریبرو
٢. تۆماس کارلهێد (لێپرسراوی پرۆژەکانی سۆسیال دیموکرات و ناوەندی پالمێ هاوکات بەرپرسی رۆژهەڵاتی ناوین و باکوری ئەفەریقا) پرۆژەی MENA
٣.فەرهەنگ شیخ محەممەد ئەندامی ئەنجومەنی هەرێمی ئۆریبرو
٤. دێنیس بێگیچ ئەندامی پەرلەمانی سوید
٥. خاتوو ئێڤا ئێریکسۆن لێپرسراوی ڕیکخراوی ژنان (بە شێوەی ئۆنلاین لە گەڵمانە)
٦. خاتوو ئەلێسیا گۆنشاریک
٧. مەتیلدا یۆهانسۆن بەرپرسی خوێندکارانی سۆسیال دیموکرات.
پاش بە خێر هاتنیان، هەڤاڵ (جوتیار نوری) باسێکی سەبارەت بە پەیوەندییە لە مێژینەییەکانی نێوان هەردوو حزبی دەستە خوشک( یەکێتیی نیشتمانیی کوردستان و حزبی سۆسیال دیموکراتی سوید)پیشکەش بە میوانەکان کرد،  هەماهەنگی و هاوکارییە بەردەوامەکانی نێوان هەردووحزب و پشتیوانییەکان لە بوارە جیاجیاکاندا، بە بەردی بناغەی ئەم پەیوەندیەو فاکتەری سەرکەوتنی بۆهەردوولادانا. بەگرنگی زانی کە ڕێکخرا و سەندیکاکان بەهرەمەندبن لە شارەزایی و توانا و ئەزمونەکانی ناوەندی ئۆلف پاڵمەو سۆسیال دیموکراتەکانی سوید، وەک مەکتەبی رێکخراوە دیموکراتییەکانیش ئامادەیی تەواوی دەربڕی بۆ هەمو کار و چالاکی و پرۆژەیەکی پێکەوەیی، لەبەرمبەردا شاندی میوان، سوپاسی ئەو پێشوازی و بەتەنگەوە هاتنەیان کرد و بەڵێنیاندا ، بەرداوام بن لەکردنەوەی خول و ئەنجامدانی پرۆژەی کوردت خایەن و درێژ خایەن، بەمەبەستی ئاڵ و گۆڕی ئەزمون و پێگەیاندنی کادیر و سەرکردەی رێکخراوەیی، دروستکردنی پردێکی بەتینی پەیوەندی و ئاڵ و گۆڕی کەلتوری، واشبڕیارە لە چەند ڕۆژی ئایندەدا خولێکی هاوبەش لەنێوان ناوەندی ئۆلف پاڵمە و مەکتەبی رێکخراوە دیموکراتییەکاندا بۆ کادیرانی مەکتەب و لێپرسراوانی ڕێکخراو و سەندیکاکان بەڕێوەبچێت.

 

بابەتی زیاتر

نوێترین هەواڵەکان

بیروڕا

سۆشیال میدیا

گەلەری

کەشو هەوا

زۆرترین سەردانکراو