ئەمڕۆ بە خەمێکی قووڵەوە یادی کۆچی دوایی سەرکردەیەکی مەزنی شۆڕشی نوێی گەلەکەمان، سیاسییەکی بەئەزموون، نووسەر و رۆژنامەنووسێکی گەورەی کوردستان دەکەینەوە.

ژیان و خەباتی کاک نەوشیروان مستەفا لەپێناو سەربەرزی و سەرفرازیی خەڵکی کوردستان بۆ هەمیشە لە یادەوەریماندا بە زیندوویی دەمێنێتەوە و سەری ڕێز بۆ ئەو مێژووە پڕ دەسكەوت و درەوشاوەیە دادەنەوێنین.

خەونی هاوبەش و لەمێژینەی هەردوو هاوڕێ و هاوخەبات سەرۆك مام جەلال و كاك نەوشیروان، دەستەبەركردنی ژیانێكی شەرەفمەندانە و حوكمڕانییەكی تەندروست بوو بۆ خەڵكی كوردستان. بۆیە ئەرك و بەرپرسیارێتی ئێمەیە بەشوێنپێی ئەواندا لە هەوڵ و تێكۆشان بەردەوامبین بۆ بونیادنانی داهاتوویەكی سەقامگیر و خزمەتكردنی هاووڵاتییان.

بافڵ جەلال تاڵەبانی
١٩ی ئایاری ٢٠٢٢