راگه‌یەندراوێك له‌ وه‌زاره‌تی پێشمه‌رگه‌وه‌

  2022-03-13 16:22      567 جار بینراوە        کۆمێنت
راگەیەندراو

ئەمڕۆ یەکشەممە 13ی ئادار، وەزارەتی پێشمەرگەی حکومەتی هەرێمی کوردستان، راگەیەندراوێکی سەبارەت بە هێرشە مووشەکییەکەی سەر پارێزگای هەولێر بڵاوکردەوە، ئەمە دەقەکەیەتی:
وه‌زاره‌تی پێشمه‌رگه‌ی حكومه‌تی هه‌رێمی كوردستان، سه‌ركۆنه‌ی توندی ئه‌و په‌لامارو ده‌ستدرێژیانه‌ی سه‌ر شاری هه‌ولێری پایته‌خت ده‌كات، دووپاتی ده‌كه‌ینه‌وه‌ ئه‌مه‌ ده‌ستدرێژییه‌كی ئاشكرایه‌ بۆ سه‌ر ئاسایش و سه‌قامگیری و پێكه‌وه‌ ژیانی پێكهاته‌كانی ناوچه‌كه‌. په‌لامار و هێرشی له‌و شێوه‌یه‌،  ئیراده‌ی گه‌لی كوردستان لاواز ناكات و به‌ ئیراده‌ی پۆڵاینی پێشمه‌رگانه‌وه‌ رووبه‌ڕوی مه‌ترسی و هه‌ڕه‌شه‌كان ده‌بینه‌وه‌.
هێزی پێشمه‌رگه‌ی كوردستان، خوازیاری پاراستنی ئاشتی و ئارامی ناوچه‌كه‌یه‌، خه‌باتیشی بۆ به‌رگریكردنه‌ له‌ خاك و خه‌ڵكی كوردستان و ناوچه‌كه‌. له‌مڕوانگه‌یه‌شه‌وه‌: داوا له‌ كۆمه‌ڵگه‌ی نێوده‌وڵه‌تی و حكومه‌تی عێراقی فیدڕاڵ ده‌كه‌ین، كاری جددی بكه‌ن له‌سه‌ر ئه‌و په‌لامارو هه‌ڕه‌شانه‌‌.
نیگه‌رانین به‌ رووداو و په‌لاماری له‌و شێوه‌یه‌، هه‌ر هێرشێك بۆ سه‌ر هاوپه‌یمانان و دۆستانمان بكرێت، به‌هێرش و په‌لاماری سه‌ر پێشمه‌رگه‌ و خه‌ڵكی كوردستانی ده‌زانین، هێزی پێشمه‌رگه‌ له‌هه‌رێم، هاوشان له‌گه‌ڵ هێزه‌ هاوپه‌یمانه‌كان و سوپای عێراق ئه‌ركی ئه‌وله‌ویه‌تی ئێستایان روبه‌ڕوبونه‌وه‌ی داعش و راوه‌دوونان و تێكشكاندنیانه‌.
سه‌لامه‌تی و پاراستنی ئاسایشی هه‌رێم، به‌ئه‌ركی راسته‌قینه‌ی سه‌رشانی خۆمانی ده‌زانین، له‌و ئه‌ركه‌ش درێخی ناكه‌ین.

 وه‌زاره‌تی پێشمه‌رگه‌ی حكومه‌تی هه‌رێمی كوردستان 
13ی ئاداری 2022

بابەتی زیاتر

نوێترین هەواڵەکان

بیروڕا

گەلەری

کەشو هەوا

زۆرترین سەردانکراو