بافڵ جەلال تاڵەبانی پرسەنامەیەك ئاراستەی كۆسرەت رەسوڵ دەكات

  2022-02-28 10:27      203 جار بینراوە        کۆمێنت

بۆ كۆچی دوایی خاتوو زوبێدە سەعید ئۆمەر، بافڵ جەلال تاڵەبانی پرسەنامەیەك ئاڕاستەی كۆسرەت رەسوڵ سەرۆكی ئەنجومەنی باڵای سیاسی و بەرژەوەندی یەكێتی دەكات و دەڵێت، خاتوو زوبێدە، دایكێكی خۆڕاگر بوو و بەھۆی ھەڵوێست و رۆڵ و بەشداریتان لە شۆڕشی نوێ و خەباتی رزگاریخوازی گەلەكەمان، تووشی زەحمەت، ماندوبوون و دەربەدەری زۆر بووە.

دەقی پرسەنامەكە:
بەڕێز كاك كۆسرەت رەسوڵ، سەرۆكی ئەنجومەنی باڵای سیاسی و بەرژەوەندی یەكێتیی نیشتمانیی كوردستان.
بەداخ و پەژارەیەكی زۆرەوە ھەواڵی كۆچی دوایی خاتوو (زوبێدە سەعید ئۆمەر) دایكی بەڕێزتانم پێگەیشت.
لە نزیكەوە خۆم بە ھاوخەمتان دەزانم و لەڕێی ئێوەشەوە پرسە و سەرەخۆشی لە كەسوكار و بنەماڵە تێكۆشەرەكەتان دەكەم.
خاتوو زوبێدە، دایكێكی خۆڕاگر و نموونەیی بوو كە لە تەمەنیدا بەھۆی ھەڵوێست و رۆڵ و بەشداریتان لە شۆڕشی نوێ و خەباتی رزگاریخوازی گەلەكەمان، تووشی زەحمەت، ماندوبوون و دەربەدەری زۆر بووە، كە ئەمەش ورەی پۆڵاینی بە ئێوە بەخشی و ھیچ رۆژێك بنەماڵەكەی سارد نەبووەوە لە پشتیوانیكردنی شۆڕش و خەباتی رەوای گەلی كورد.
بۆیە شێرەژنێكی ئاوا گەورە و كۆڵنەدەر كە ژیانئاوایی دەكات خەمێكی قوڵ لای ئێمە و ئێوەش جێدەھێڵێت.
بەم بۆنە خەمناكەوە لە خوای گەورە داواكارین سەبر و ئارامی بە ھەموومان بدات، ئەمە دواناخۆشی بێت و جێگای خوالێخۆخشبووی دایكتان بەھەشتی بەرین بێت.

دڵسۆزتان
بافڵ جەلال تاڵەبانی
28ی 2ی 2022

بابەتی زیاتر

نوێترین هەواڵەکان

بیروڕا

سۆشیال میدیا

گەلەری

کەشو هەوا

زۆرترین سەردانکراو