لەدیدارێکدا لەگەل وەزیری پێشووی خوێندنی باڵای فەرەنسا، بافڵ جەلال تاڵەبانی: مەبەستمانە کەشێکی گونجاوتر بۆ خوێندکاران بڕەخسێنین

  2022-02-19 19:27      297 جار بینراوە        کۆمێنت


لەدیدارێكدا ئەمین بابە شێخ و پۆڵا سیروان تاڵەبانی، ئەندامانی مەكتەبی سیاسی و د.یوسف گۆران، وەزیری پێشووی خوێندنی باڵاو توێژینەوەی زانستیی حكومەتی ھەرێم ئامادەیبوون، گفتوگۆ كرا لەبارەی پرۆسەی خوێندنی باڵا، ئاستی زانكۆكانی ھەرێم، پێشخستنیان، ریفۆرم لەپرۆگرام و چاكسازی لەقۆناغەكانی خوێندن و چۆنێتی فەراھەمكردنی ژینگەی لەبار بۆ خوێندكاران و گرنگی بەتوانا زانستییەكانیان بدرێت.
خۆپیشاندانەكانی ئەم دواییەی خوێندكاران و گرنگیدان بەتوانای گەنجان لەناو یەكێتی و دەستگیرۆییان و راگرتنی ھاوسەنگی جێندەری لەسەركردایەتیی یەكێتی و تواناو ھێزی ژنان لەسەركردایەتیكردن، بۆچوونیان لەبارەوە خرایەڕوو.
بافڵ جەلال تاڵەبانی لەسەر كۆی تەوەرەكان ھەڵوەستەی كردو روونیكردەوە، زانكۆكانی ھەرێم لەجێی متمانەن و لەسەر ئاستی زانكۆكانی عیراق لەیەكەمەكاندان، كە ئەمە جێگای خۆشحاڵییەو ھانمان دەدات پەرۆشیی پێشخستنی زیاتری ئاستی زانستییان بین و ھەوڵبدەین پرۆگرامی خوێندن بەشێوەیەك بێت خوێندكارو گەنجی نموونەیی و بەكارو راھێنراو لەبوارە جیاجیاكاندا بەرھەمبھێنێت، لەگەڵ پێشكەوتنەكانداو بۆ پێویستی ئەمڕۆ ئامادەیان بكەین.
لەوڕووەوە وتی: مەبەستمانە ریفۆرم بكەین لەخوێندنی باڵاو كەشێكی گونجاوتر بۆ خوێندكاران بڕەخسێنین تا  ھاوتەریب لەگەڵ پێشكەوتنەكانی دونیای دەرەوە خۆیان نوێبكەنەوەو بەشێوەیەك ئاستی زانستییان گرنگی پێبدرێت تازانكۆكانمان رۆڵی گرنگی و زیاتر بگێڕن لەبەڕێوەبردن و ئیدارەدانی ھەرێم.
ھەر لەدیدارەكەدا لەسەر رێكخستنەوەو گەشەپێدانی ئۆرگانەكانی یەكێتی و ھێنانەپێشەوەی گەنج و ژن و سەركردایەتیكردنیان لەناو كاری رێكخراوەیی بافڵ جەلال تاڵەبانی بەرچاوروونیداو جەختیكردەوە، گەنج و لاوان شادەماری بەردەوامی ژیانی حزبیی یەكێتی دەبن و تواناكانیان دەخرێتە خزمەت گەشەپێدانی كاری رێكخراوەیی، لەو نێوەندەشدا ژنان زیاتر دەھێنرێنە پێشەوەو رۆڵیان لەسەركردایەتیكردندا دەبێت و یەكێتی باوەڕی تەواویشی بەھاوسەنگی جێندەری ھەیەو پارێزگاریكردن لەمافەكانیشیان بەئەركی خۆمان دەزانین.
هەر لەدیدارەكەدا چۆنێتی دروستكردنی ھەماھەنگی و پەیوەندی لەنێوان زانكۆكانی ھەرێم، كەسانی پسپۆڕو شارەزاو زانكۆكانی دونیای دەرەوە گفتوگۆیان لەبارەوە كراو چەند میكانیزمێك خرایە بەرباس.
 

بابەتی زیاتر

نوێترین هەواڵەکان

بیروڕا

سۆشیال میدیا

گەلەری

کەشو هەوا

زۆرترین سەردانکراو