لە کوێتیش دزینی سەرە مەنهۆڵ دەستیپێکرد

  2021-11-25 16:41      90 جار بینراوە        کۆمێنت
دیاردەی دزینی سەرەمەنهۆڵ لە کوێت

پۆلیسی کوێت، کەسێکی دەستگیرکرد کە سەرە مەنهۆڵی لەناوچەی ئەلئەحمەدی دزی بوو، لەکاتی رووداوەکەدا  دەستگیرکراوەکە چوار سەرەمەنهۆڵی پێگیرا کە پێشتر دزیبوونی. 
رۆژنامەکانی کوێت، لەو بارەیەوە بڵاویانکردەوە کە دەوریەیەکی پۆلیس لەناوچەی ئەلئەحمەدی، لەکاتی بەجێهێنانی ئەرکەکەیاندا گومانیان لە ئۆتۆمبێلێکی جۆری مینی پاس کرد، دوای راگرتنی دەرکەوت کە شۆفێرەکەی عەرەبێکی نیشتەجێی کوێتە کە لەبنەڕەتدا خەڵکی وڵاتێکی ترە.
روونیشیان کردووەتەوە، لەمیانەی لێکۆڵینەوە سەرەتاییەکاندا، یەکێک لە پۆلیسەکان تێبینی کردووە چوار سەرە مەنهۆڵ لە نێو ئۆتۆمبێلەکەدایە، دەستبەجێ دەستبەسەر سەرەمەنهۆڵەکاندا گیراوە و کەسەکەش رادەستی لایەنی پەیوەندیدار کراوە.
ماوەیەکە، دیاردەی دزینی سەرە مەنهۆڵ لە عیراق بڵاوبووەتەوە و چەندین کەس بەو تۆمەتە دەستگیرکراوە، لە هەرێمی کوردستانیش چەندین کەس بەهەمان تۆمەت دەستگیرکراون.

سەرچاوە: سایتی "الامارات الیوم"
وەرگێڕان و داڕشتنەوەی: رێباز زەنگەنە PUKNOW

بابەتی زیاتر

نوێترین هەواڵەکان

بیروڕا

سۆشیال میدیا

گەلەری

کەشو هەوا

زۆرترین سەردانکراو