Serokê Encumena Bilind a Siyasî û Berjewendiyê ya Yekîtiya Niştimaniya Kurdistanê (YNK) Kosret Resûl Elî, bi helkefta 45mîn salroja damezrandina YNKê (01-06-1975) peyamek weşand.
Tekst peyamê:
Peyama Kosret Resûl di 45’mîn salroja damezrandina YNKê de
Girseya berxwedêr û fedekar ya YNKê
Endam û alîgrên YNKê
Malbat û kesûkarên serbilind yên şehîdan
Pêşmergeyên qehreman, têkoşerên dêrîn
Kêmendamên çeperan û zindaniyên siyasî
Gencan û lawan, jinan û xwendevanan
Di çil û pêncemîn salroja demezrandina YNKya me Yekîtiya Niştimaniya Kurdistanê de pîrozbahiyê li we dikim.
45 sal beriya niha di wê demê de ku bê hêvîtiyê bandora xwe li hemû Kurdistanê kiribû û rejîma faşîst a Beas xwêdî hêza xwe a herî xurt bû, YNK ji aliyê têkoşerên gelê me ve bi serkirdayetiya heval Mam Celal hat demazrandin. Tenê, paş derbasbûna salekê ji ser damezrandinê ve, Şoreşa Nû a gelê me li çiyayên bilind yên Kurdistanê dest pê kir û hevî ji bo gelê me vegerand.
 Yekîtiya Niştimaniya Kurdistanê (YNK) di xebata xwe ya bi salan de bi sedan pêşmerge û serkirdeyên qehreman bi niştiman bexşiye û peyvên “kêm bijî û hêja bijî” ji bo Kurdistaneke azad, kiriye diruşm.
Dost, alîgir û endamên YNKê...
Di heyama 45 saliya xwe de YNKya me, ji gellek hevraz û berjêriyên cûrbicûr re derbas bû ye; neyarên me, herdem di kemînê de bûn ji bo me û hewlê şikandin û ji nav birina partiya me dane; lê, hemu carekê bi piştevaniya dilsoz û yekgirtiyiya me, me şikest bi planên wan aniye û me selmand ku YNK hêzekê ku pişta wê nayê erdê.
Qonaxa nexweşketina Mam Celal û koça dawîn qonaxekê yekcar dijwar bû ji bo me hemûyan, YNK li ber rewşek gellekî giran û mezin de bû, me berdewam kir û YNKê ji parçebûnê parast.
Evroj jî di salroja damezrandina YNKya me de ez ji bo îro û siberojê sozê didim ku bi armanca parastin û geşkirina YNKê bi heman ruhe rojên dijwar yên xebatê, parêzervanê YNKê û rêbaza pîroz ya şehîdan bim.
Dubare, salroja damezrandina Yekîtiya Niştimaniya Kurdistanê li me hemuyan pîroz be û bi helkefta vê bûneya pîroz jî silavê dîşînim ji bo giyanê pak yên şehîdan û hemu aliyekî dilniya dikin ku emê berdewamiyê bidin rêbaza wan û bi cîbicîkirina bernameya YNKya me, emê hewl ji bo geşbûn û baştirkirina jiyan û debara hemwelatiyên xwe bidin. 
Bijî Kurd, Bijî Kurdistan
                                                                          Serokê Encumena Bilind a Siyasî û Bejewendiyê ya
                                                                                       Yekîtiya Niştimaniya Kurdistanê 
                                                                                                        Kosret Resûl Elî

Metîn Mihemed