Hemû nexweşên bi vîrusa covid-19 ketibûn baş bûne û vegeriya malên xwe
Pênc nexweşên din ku bi vîrusa koronayê ketibûn li bajarê Silêmaniyê, baş bûne û çi nexweşek li nexweşxaneyên Silêmanî neman e.
Rêveberê Giştî yê Tenduristiyê yê Parêzgeha Silêmaniyê Dr. Sebah Nesredîn, ragihand ku hemû nexweşên bi vîrusa koronaya nû (covid-19) ketibûn baş bûne û vegeriyane malên xwe û niha, çi pêketiyek li nexweşxaneyên Silêmanî neman e.
Li Silêmanî, 1ê Adara 2020ê, yekem haletê tûşbûn bi vîrusa koronayê hatibû tomarkirin û bi giştî li Parêzgeha Silêmaniyê 138 kes bi vîrusê ketibûn û 134 ji wana baş bûne 4 ji wana jî canên xwe ji dest dane.
Bi giştî li Herêma Kurdistanê, heta nihe 387 kes tûşî vê nexweşiyê bûne; 332 kes ji wana baş bûne û 5 kesan jî canên xwe ji dest dane.
Puknow
Metîn Mihemed