Rêxistinên mafên mirov yên Sûriyê, ragihandin ku di nav du rojan de jiber êrişên Artêş Tirkiyê, zêdetir ji 150 hezar şêniyên Efrînê, warên xwe bicîh hiştine û bûne koçber.
Ajansa Frans Press ji zarê rêveberê Nerîngeha Surî ya Mafên Mirov Ramî Ebdulrehman, ragihand ku şer û pevçûnên dijwar di navbera şervanan û Artêşa Tirkiyê – hevpeymanên wê de rû didin û Tirkiye bi berdewamî navenda bajarê Efrînê bombebaran dike. Ev jî bûye sedema koç ê.

       Ji aliyê din ve Nivsîngeha Peywendiyan ya HSDê ragihand ku 16 vê mehê jiber êriş û topbarana dijwar ya Artêş Tirkiyê ya li ser Efrînê, 47 kes şehîd bûne ku 16 ji wan zarokin, 14 ji wan jin in û 2 ji wan jinan jî ducanî bûne. 
       Çavkaniyekî ji Nerîngeha Sûriya ya Mafên Mirov bi ajansa Frans Press, ragihand ku roja Înê ( 16-03-2018) jiber êrişên Artêşa Tirkiyê bo ser nexweşxaneyêen bajêr, 9 welatî bûne qurbanî. 
puknow