Asayîşa Herêma Kurdistanê / Silêmanî bi daxuyaniyek nivîskî ronahî xist liser bûyera çiyayê Ezmerê (15-10-2019) û aşkere kir ku 2 kadroyên KCK’ê bi rêya balafirên bê balafirvan yên Tirkiyê ve hatine kuştin.
Asayîşa Herêma Kurdistanê / Silêmanî, ragihand; piştî lêkolînên wan li ser bûyera êvara roja 15’ê vê heyvê ku di nêvbera demjimêr 15:10 xulek bo 15:15 xulekan de qewimiye; derketiye ku  du kadroyên bala yên Koma Civakên Kurdistanê (KCK) bi navên Cemîl û Demhat, ji aliyê balafirên bê balafirvan yên Tirkiyê ve hatine armanckirin. 
Herwiha di daxuyaniyê de serinc bo cîhê bûyer lê qewimiyê hatiye kişandin ku cîhekî geştiyariyê ye û bi berdewami welatiyên sivîl serdana wir dikin û hatiye diyarkirin ku ew, tev binpêkirinên liser xak û serweriya Iraq û Herêma Kurdistanê şermezar dikin û bang li hemû aliyekî dikin xaka Iraq û Herêma Kurdistanê ji bo êrişkirin bo ser welatên cînar, bikar neynin. 
Puknow
Metîn Mihemed