Îro, 34 sal bi ser kîmyabarana bajarê Helebceya berxwedêr re derbaz dibe, bi xemgîniyek kûr em wê karesata mezin bibîr tînin ku bi serê Gelê Kurd hat anîn.
Hewceye di vê rojê de em dev ji diruşman berdin û bi kirdar xizmeta Helebce û helebceyîyan bikin. Berpirsyariya me ya niştimanî û neteweyiye, birînên vê karesatê sarêj bikin û hêviyê ji bo helebceyiyan bigerînin. Pêwîste hikûmeta İraqê bi berpirsyarîtir serederiyê ligel Parêzgeha Helebceyê bike û kesûkarên şehîd û birîndaran qerebû bike. 
Daxwaz ji hikûmeta Herêma Kurdistanê dikim, awirekî ciddî bi daxwazên xelkê wî bajarî xweşdivî bide û zêdetir xizmeta helebceyiyan bike. Divê ew zulma li Helebce û şêniyên wê hatiye kirin bibe waneyek û ruhê yekgirtiyî û tebayiya me xurtir bike. Hewceye serkirdayetiya siyasî ya Kurd ji wê yekê têbigihêje di nerîn û xwendinê de ji bo siyasetê çend cûda bin, lê di êş û jan de em hevparin û divê kar bikin ku carekî din hemwelatiyên me rûbirû zehmetî û naxwaşiyan nebin. Hewceye em hemû bi yek çav temaşe xelkê xweşdivî yê Kurdistanê bikin û xizmetê pêşkêş bi wan bikin. 
Azadiya îro û durustbûna saziyên destûrî yên Herêma Kurdistanê, berhemê xwîna şehîdan û têkoşîna xelkê ye; erkê me ye berpirsyariya jiyan û debara xelkê bigrin stuyê xwe û beramber qurbaniyên wan wefadar bin. 
Slav li ruhê pak yê şehidên Helebce û tev şehîdên rêya rizgariya Kurdistanê
                                                                                                          Bafil Celal Talebanî
                                                                                                              16-03-2022
Puknow
MMS