Serokê Hoza Herkî Cewher Mihyedîn Axa Herkî bi rêya weşandina peyameke nivîskî, bang li Eşîra Herkî û hozên dost û nêzîkî xwe dike ku di hilbijartinên Parlementoya İraqê de pişgiriyê bidin Lîsta Hevpeymaniya Kurdistan ku ji aliyê Yekîtiya Niştimaniya Kurdistan (YNK) û Tevgera Goran ve hatiye pêk anîn. 
Teksta peyamê: 
Peyamek ji Serokê Eşîra Herkî Cewher Mihyedîn Axa Herkî ve!
Komelên xelkê Kurdistanê!
Xweşdiviyên me yên ji Eşîra Herkî û dilovanên me yên ji hozên dost û nêzîk!
Ligel slav û rêzên bê sînor ji bo we hemûyan; bi pêwîst û giring dizanim ku daxwaz ji wê rêzdaran bikim; bi bandor beşdarî hilbijartinên Parlementoya İraqê (10-10-2021) bibin û dengê xwe bidin bi LÎSTA HEVPEYMANİYA KURDİSTANê ku ji aliyê rêzdar Qubad Talebanî ve serokatiya wê têkirin. 
Ev hilbijartin dîrokiye û em dikarin pêgeha gelê xwe li İraqê biçespînin û mafên mê yên pêknehatine bidestbixin. Tekane rê jî baweriye bi LÎSTA HEVPEYMANİYA KURDİSTAN ku bi hevpeymaniya YNK û Tevgera Goran pêk hatiye. Lewra, erkek pîroz ya mirovî, neteweyî û olî ye ku em bihevre kar ji bo serxistina netewa xwe bikin û bi dengekî bihêz û zêde Hevpeymaniya Kurdistanê bigihînin serkevtin ê. 
Em, xelkê berxwedêr û têkoşer yê devera Behdînan û dilovanên me yên li sînorên herdu parêzgehên Musil û Hewlêrê dilniya dikin ku YNK wek herdem, dê parêzvanê tebayî û yekrîziya netew, ol û mezhebên cûda cûda yên Kurdistan û İraqê be. 
Baweriya me ya temam bi kar û programa heval û birayê me Bafil Talebanî heye; jiber vê jî bi coş û bi moral berê xwe bidin sindoqên dengdanê û dengê xwe bidin bi berbijêrên Lîsta Hevpeymaniya Kurdistanê. 
Emê herdem bi we re bin û hûn jî wîjdanê xwe asûde bigrin û bi Lîsta Hevpeymaniya Kurdistanê re bin.
                                                                                                  Serokê Eşîra Herkî
                                                                                             Cewher Mihyedîn Axa Herkî
Puknow
Metîn Mihemed