ستران عەبدوڵڵا

لە نێوان كۆشكی ئەلیزێ ‌و گرین زۆندا

  2017-12-05 13:12      876 جار بینراوە        کۆمێنت

هیچ شتێك وەكو دۆسێی دیپلۆماسیی نێودەوڵەتی (عیراقی پۆست تەوافوق) ناشەمزێنێ ‌و تووشی دڵەڕاوكێی ناكات. لە ماوەی كەمتر لە دوو مانگی رابردوودا كە بە حیساب كۆمەڵی نێودەوڵەتی پشتیوانی لە حكومەتی عەبادی كردووە بۆ پاراستنی (یەكێتیی عیراق) لە بەرامبەر ریفراندۆمی كوردستاندا، چەند رووداوێك قەومان، بەغدایان خستە ژێر پرسیاری دیپلۆماسی‌و فۆكسی پایتەختە دۆستەكانی عەبادی-یەوە.
ئەمریكا وردیلە سەرنجی لەسەر حەشدی شەعبـی ‌و تۆماری تیرۆری سەركردەكانی دەربڕی، لێیان كردە هەڵڵا. فەرەنساش كە ماكرۆن لەگەڵ عەبادی قسەی كرد بە تەلەفۆن، راگەیەنراوی كۆشكی ئەلیزێ لە پاریس جیاوازبوو لە راگەیەنراوی گرین زۆن لە بەغدا. سەرۆك وەزیرانی بەریتانیا خانم تیریزا مای شتێكی وت ‌و نووسینگەی راگەیاندنی سەرۆك وەزیران عەبادی شتێكی تری وت، راستتر پەیڕەوی (وەرگێڕان بە دەستكارییەوە)ی كرد.
كە ماكرۆن لە پاریس سەرۆكایەتیی حكومەتی هەرێمی كوردستانی دیت، دیاربوو بەغدا پێی ناخۆش بوو. مالكی خۆی پێ نەگیراو لەسەر چەككردنی حەشدی شەعبـی نوتقی فەرموو. ئەلیزێ جوابی دایەوە گوایە پاریس لەسەر ئەمە لەگەڵ عەبادی سازاون ‌و بڕاوەتەوە.
بە كورتی وردە وردە جیاوازی دیپلۆماسیی عیراق ‌و دیپلۆماسیی پایتەختی نێودەوڵەتی دەردەكەوێت. واشنتۆن ‌و پاریس ‌و بۆن بە عیراق دەڵێن هێلكەی پشتیوانیمان دووزەردێنەیە: عیراقێكی یەكگرتوو و پارێزراو لە تیرۆری داعش، بەڵام فیدرال ‌و دیموكراتیش كە مافی دەستووریی كورد بپارێزێت، عیراق بەشەكەی خۆی خۆش دێتە گوێ ‌و لەوی كورد رانەهاتووە.
كاتی خۆی هەڤاڵ مام جەلال، لە دەورانی رژێمی بەعسدا، بە خزمانی روسیای دەوت ئێمە ناڵێین دۆستی بەغدا مەبن كە بەرژەوەندییان لەگەڵی هەیە. بەڵكو دەڵێین وەكو روسیاكەی جاران بن، دۆستی بەغدا و دۆستی بزووتنەوەی كوردیش بن.
باشترین شتێك كە دیپلۆماسیی كوردستان بیكات ئەوەیە لە واقیعی گەمارۆدانی هەرێمدا بە هێمنی دنەی دۆستانی بەغدا بدات كە بە دۆستی بەغدا و هی كوردستانیش بمێننەوە تا زوو دووڕوویی دیپلۆماسیی بەغدایان بۆ دەردەكەوێت. با بزانن جەماعەت لە بەغدا حەزیان لە چەك ‌و تەقەمەنی دۆستانە بۆ بەرپەرچدانەوەی تیرۆری داعش ‌و حەزیان لە گوشاری رۆژئاوایە بۆ گەمارۆدانی كورد، بەڵام كە قسە دێتە سەر دیوی دووەمی گوشارەكە: دابینكردنی مافەكانی كورد، ئەوا ناكرێ‌و نابێ لەكایەدایە.
كوردستانێكی بەهێز لەچوارچێوەی عیراقێكی ئیتیحادیدا مانشێتی دیپلۆماسیی رۆژئاوایە، وەرگێڕی بەدەستكاری وەك عیراقێكی (وەحدەیی) ئحمی بۆ دەكات، ئەمما كە دێتە سەر مەرجی كوردستانێكی بەهێز، ئەوا تووشی كۆكەو پژمین دەبن.
خێربێ ئینشائەڵڵا!

 

وتاری زیاتر








رەفیقەکانی شەهید ئاتیلە‬ ستران عەبدوڵڵا
2023-08-25 17:41      179 جار بینراوە



قسە هەزار و یەکی بەکارە ‬ ستران عەبدوڵڵا
2023-07-06 17:43      293 جار بینراوە


شایەتی ترم ماوە‬ ستران عەبدوڵڵا
2023-05-21 10:18      168 جار بینراوە

زنجیر و تەگبیر‬ ستران عەبدوڵڵا
2023-05-20 06:28      122 جار بینراوە

دەنگ و رەنگ‬ ستران عەبدوڵڵا
2023-05-18 22:36      125 جار بینراوە

چیرۆکی یاداشت‬ ستران عەبدوڵڵا
2023-05-17 19:07      84 جار بینراوە

شاری پەنهان‬ ستران عەبدوڵڵا
2023-05-17 19:06      107 جار بینراوە

مامۆستای هیوا ‬ ستران عەبدوڵڵا
2023-05-17 19:06      119 جار بینراوە

شۆرشگێران‬ ستران عەبدوڵڵا
2023-05-14 23:28      126 جار بینراوە

پێنج ئەستێرە‬ ستران عەبدوڵڵا
2023-05-14 11:13      85 جار بینراوە

شەهادەکان‬ ستران عەبدوڵڵا
2023-05-13 20:47      96 جار بینراوە

ماسییەکانی سورداش‬ ستران عەبدوڵڵا
2023-05-11 22:14      112 جار بینراوە

ڕاماڵینی جەنەڕال‬ ستران عەبدوڵڵا
2023-05-11 11:42      94 جار بینراوە

هەڵۆی سوورەکانی بەغدا‬ ستران عەبدوڵڵا
2023-05-10 18:40      97 جار بینراوە

تیپی شەهادەت‬ ستران عەبدوڵڵا
2023-05-09 17:09      106 جار بینراوە

جەولە و كاروان‬ ستران عەبدوڵڵا
2023-05-08 13:45      117 جار بینراوە

پاڵەوانەکەی مونیف‬ ستران عەبدوڵڵا
2023-05-07 10:31      75 جار بینراوە

پەڕینەوەی شۆڕش‬ ستران عەبدوڵڵا
2023-05-07 10:30      125 جار بینراوە

زەماوەندی شەرمن‬ ستران عەبدوڵڵا
2023-05-07 10:10      112 جار بینراوە

ئەیهێنێ‬ ستران عەبدوڵڵا
2023-05-01 00:25      161 جار بینراوە

نوێترین هەواڵەکان

بیروڕا

گەلەری

کەشو هەوا

زۆرترین سەردانکراو