ئەو سەركردە كوردانەی بڕیاری یەكلایی كەرەوەیان ئەدا بەشێكی زۆریان لەژیان دا نەماون.
كورد كەوتۆتە نیوان زلھێزێكی وەك ئەمریكا و وڵاتیكی دراوسێ كە یاریزانێكی باشە لە ساحەی رۆژھەڵات دا، وە تەحەكم بە چارەنوسی زۆرێك لەم وڵاتانەوە ئەكات.
ھەردوو وڵات شەری خۆیان لەسەر خاكی عیراق بەرێوە دەبەن و حزبە عیراقیەكانیان بەسەر خۆیان دا دابەش كردوە.
شەقام بە ئارەزووی خۆیان دەجوڵینن.
ئەمڕۆ سیاسەت لە عیراق دا بریتیە لەھمجیەت و خیتابی پۆپۆلیستی و رق دژ بە یەك.
ھەموان لە ناخدا دژ بە كوردن، ھەرچەندە مەزھەبی جیاوازیان ھەبێت بەڵام عرب بوون و خۆشەویستیان بۆ عیراق كۆیان دەكاتەوە و لەم خاڵەدا كورد بە دوژمن تەماشا ئەكەن.
ھەركامێك لە شیعە یاخود سونەكان بە قوەت بن دەست بۆ ھەمواركردنەوەی دەستور دەبەن و ھەموو ئەو بڕگەو مادانەی كە زامنی مافی كوردە دەیگۆرن.
لەمساڵانەی كۆتاییدا بە سیاسەتی زۆرینە و كەمینە لەپەرلەمانی عیراق دا چەندەھا یاسایان تێپەراندوە كە لە بەرژەوەندی كورد نەبوون.
ئێمە ھیچ دۆستێكمان نیە لە عیراق دا و ھەرجارەو بۆ ماوەیەك دوستی بەرژەوەندی پارێزی لایەكیانین تا دەگاتە دەسەڵات و پشتمان تێئەكات.
ئێستا وا ھەموو حزب و فراكسێونە كوردیەكان لەھەولێر كۆدەبنەوە.
كاك مسعود لەگەل حزبە كوردیەكان لە دەسەڵات و توانایان دایە بریاری یەكلا كەرەوە بدەن.
بڕیارێكی كوردانە دور لە محسەسەی حزبی و بەرژەوەندی تاكی.
ئەوەتا وەفدی دانوسانی كورد بە شكسخواروی بەرەو ھەولێر بەرێكەوت.
ئێمە نە حزبە سونەكان دۆستمانن و نەحزبە شیعیەكان
با ئەمجارە دوبارە بە زەلیلی نەرۆینەوە بغداد