ستران عەبدوڵڵا

نۆبەتی ئێمەو ئێوەی نوێبوونەوەخوازە

  2019-12-14 15:03      357 جار بینراوە        کۆمێنت

1
نۆرەی ئەوەیە یەكێتییە كۆنگرەخوازەكان، یەكێتییە دیموكراتخوازەكان، قسەی خۆیان بكەن و تەوقیتی خۆیان بچەسپێنن و رێنەدەن كەس تەوقیتی خۆی بسەپێنێ.
رۆژو دوو رۆژ كێشە نییە، حەوتی مانگ پێیان نەكرا، ٢١ی مانگ هەموومان پێمان دەكرێت و پێمان دەچەسپێندرێت. تا ئەو رۆژەش جگە لەكۆنفرانسی مەڵبەندەكان، رووداوی دیموكراسی و نوێبوونەوەی زۆرتریش دەبینین.
نۆبەتی ئێوەیە هەڤاڵانی یەكێتی، نۆبەتی نوێبوونەوەیە تا كوردایەتی نوێ ببیتەوە .
ساڵی نوێ سەركردایەتییەكی نوێ دەخوازێ و سەدەی نویێ كوردایەتییەكی تازەی گەرەكە.
ئیتر نۆرەی هەڤاڵانی كۆنگرەخوازە كە بەگیانی یەكێتییانەی دێرینەوە هەڤاڵ هەڤاڵ یەكێتی پتەو بكەن و خشت بەخشت تەلاری جەلالیزم بینا بكەینەوە.
2
نۆرەی بەهاری یەكێتی و یەكێتییەكانە
نۆبەتی بەهارێكی حزبیانەیە، بەهارەكانی تر لە دونیای عەرەب تا دونیای عەجەم پشتی بەدامەزراوەی حەریفانە نەبەستبوو.
بەهارەكانی تر بۆ ئازادی بوو ، بەڵام ئازادیخوازان لە بەرەكەیان نەخوارد. كۆنەپەرست و لۆمپەنەكان پێچە بەدەورەیان پێكرد. هەرچی بەهاری حزبایەتییە، ئەوا بەهاری دیموكراسیی بەرپرسانەیە. خاوو لەسەرخۆیە، بەڵام بەپتەویی دەڕواو هەنگاو دەنێ. شت ناشكێنێ، بەڵكو لەسەر خەرمانی رابردوو توێی خەرمانی تر دەچێنێ.
بەهاری نوێبوونەوە لەناو یەكێتی بۆ قازانجی هەموو یەكێتییەكانە، بۆ قاودان و تەوەلاكردن و ئەفرۆزكردنی كەس نییە، بەڵكو بۆ ئەبدەیتكردنەوەی ئاسۆیی و ستوونی رێكخراوەیی و بۆ هەڤاڵبەندی نوێ و شەراكەتی نەوە جیاجیاكان و بێگومان هێنانە پێشەوەی خوێنی تازەشە. بەهاری یەكێتی بەڕێوەیە و هۆڵی كۆنگرەش گۆڕەپانی بەهارەكەیە.
3
نۆرەی ئەوەیە یەكێتییەكان لەم كۆنگرەو لەوێ بەدواش دیادەیەكی خراپی حزبایەتی كوردستانی چارەسەر بكەن كە ئەویش دیاردەی بە بارمتەگرتنی حزبە بۆ خواستە كەسییەكان. سەرچاوەی ئەم بەڵایە هەر تەكەتول و باڵباڵێن نییە، بەڵكو هەندێك جار خودپەسەندی و خود تەوەری دەبێتە باعسی ئەوەی حزب بە جەماوەری دڵسۆز و شانوشەوكەتی خۆشییەوە دەرەقەتی دیاردەكە نەیات، چونكە خودپەسەندان كاتی هەستیار و وەرچەرخانی ململانێ گەورەكانی حزب هەڵدەبژێرن بۆ هەڕەشە لە حزب و یەكڕیزییەكەی.
حزبایەتی تێكۆشانێكی دەستەجەمعی و گشتییە كە هەقە دەركەوتنی كارەكتەر و دەركەوتووەكان بڕژێتە رووباری حزبەوە و هێزی بداتێ نەك ببێتە هەڕەشە و حزب و هەڤاڵەكانی و جەماوەری گەلیش بە بارمتە بگرێت تا ویستەكانی مسۆگەر دەكات.
4
نۆبەتی بوژاندنەوەی یەكێتایەتییەكی خاڵس و سەوزەڵانییە.
نۆرەی پابەندبوونە بە وادەی كۆنگرەكانەوە، خۆی قەرار بوو حەوتی دوانزە، رۆژی بەستنی كۆنگرە بێت، بەڵام رۆژەكەی خلیسكا ‌و ئیتر هەر چۆنێك بێت پێش سەری ساڵ دەكرێت.
لە كۆنفرانسی مەڵبەندەكانەوە یەكێتییەكان بەگڕ ‌و تینێكی دیموكراتی ترەوە تێهەڵچوونەوە بۆ بەرواری تازە لە (21/12) دا.
عەرەب بەمە دەڵێن لعل المانع یكون خیرا ‌و توركمانیش ئێژن: ئاخیرە باخن. كوردی دڵسۆزیش وای گوزارشت كردووە كە (كنگر ‌و ماست بە وادەی خۆی) .
هیوای یەكێتییەكان ئەوەیە ئەمجارە كۆنگرە لە وادەی خۆیدا بكرێت ‌و رەوشەكە ماستی مەیوو بێت، نەك موویەكی تێدا بێت.
نۆبەتی ئەوەیە كۆنگرەكانی یەكێتی ئیتر لە وادەی خۆیاندا بكرێن ‌و ئیلتزامی وادەكان و ئەجینداكان ببێتە بەشێك لە بڕیارەكانی چوارەمین کۆنگرە، ببێتە بەشێك لە نەریتی حزبایەتی ناو یەكێتی تا وەكو ئەم تەنگژانەی ئێستا بەهۆی كەڵەكەبوونی نەوەكان ‌و قەرەباڵەغیی ئیستحقاقی كۆنگرەوە دروست بوون، دووبارە نەبێتەوە.
5
نۆرەی نوێبوونەوە و نۆبەتی ئیستحقاقی ئەركە تازەكانە
دوا سێیەمین كۆنگرەی یەكێتی لە ساڵی 2010 كە مام ، گەورەترین پاوەری كوردایەتی و دیموكراتی و یەكێتایەتی، لە كایەدا بوو . ئەمە لەسەرەوە.
چیتر؟
ئەوسا بەهاری عەرەبی بە چاپی یەكەم لە ساڵی 2011 و چاپی دووەمی لە 2019 نەقەوما بوو، مارینزی ئەمریكا لە عیراق بوو ، نەك داعش و حەشدی شەعبی، كەركوك لای خۆمان بوو ، نەك لای شۆڤێنییەكان بە تایفەگەر و تۆرانی و رەفتار بەعسییەكانەوە.
ئەوسا دیمەشق و بەغدا و ئیقلیم دۆست بوو، ئێستا كەس نازانێ كێ دۆستەو كێ سەری تێدا دەچێ ؟! ئەوسا چاپی یەكەمی ئەردۆگان لە كایەدا بوو كە موخاتیبی ئاشتیخوازی كورد بوو كە ئێستا دووەمین چاپی زیاتر لە ئەتاتۆرك دەستی بە خوێنی گەلی كورد سوورە. ئەوسا مەسەلەی رەوای كوردستان لە هەموو بەشەكان سەرەتاتكێی بەهاری دیموكراتی و ئازادی بوو ، ئێستا نەك كوردایەتی، بەڵكو نەتەوە و نیشتمانەكەشمان بەر ملهوڕی دوژمنان و بەر دۆخی شڵەژاوی ناوخۆیی كورد كەوتووە. پڕیشكی ئەم شڵەژاوییەش بەر یەكێتی كەوتووە كە نەیاران هەوڵی ئیحتواو لە قاڵبدانی ئەم شاخە بڵندەی كوردایەتییە پێشكەوتنخوازە دەدەن.
ئەوسا وا و سەد ئێستای جیاواز هەیە كە دەبێ چوارەمین كۆنگرە هەڵوێستەی لە ئاستدا بكات و تیمی داهاتووی پێشمەرگایەتی سیاسیی خۆی لەسەر بنچینەی پێداویستی خەباتی نوێ دابرێژێتەوە.
6
بەیانیتان باش هەڤاڵانی یەكێتی
بەیانیتان باش دۆستان و لایەنگرانی یەكێتی
ئەمرۆ رۆژی شادی و شا رێی نوێبوونەوەیە
رۆژی دیموكراسی حزبی و زیندووكردنەوەی ژیانی حزبایەتی و گیانی هەڤاڵێتییە
رۆژی ئەوەیە بیسەلمێنین دیموكراسیی لە كۆمەڵی كوردەواری و لە دەزگای پەرلەمان و لە شارەوانییەكان و لە حكومەت، بە كوردستانی و فیدرالییەوە، هەموویان لە دیموكراتیزەكردنی ژینگەی حزبایەتییەوە دەست پێدەكات.
دیموكراسیی بێ حزبایەتی نابێ و حزبایەتییش بێ دیموكراسیی و دەنگدان و دەنگەدەنگ و دەنگ بەرزكردنەوەی ناوخۆیی و هەڤاڵانە نابێت.
ئێوە بە كۆنفراسیی مەڵبەندەكان و پێشتریش بە كۆنفرانسی كۆمیتەكان و دوای هەردوو كیشیان بە رۆژی حەشری كۆنگرە دووپاتی دەكەنەوە ئەسڵی سیاسەت و پرۆسەی دیموكراسیی حزب و حزبایەتییە.
ماكی كێشەكانی كوردستان نەمانی حزبایەتی دروست و دیموكراتە. چونکە ژیانی رێكخراوەیی بە قەدر و عافیەت و سەلامەت رێگایە بۆ ژیانێكی سیاسیی زیندوو و دیموكرات. بێ حزبی ئازا و ئازاد و دیموكرات زەحمەتە كوردەواری ئەبدەیت ببێتەوە بۆ روبەڕوبوونەوەی ئەركەكانی داهاتوو . چونكە فاقد الشئ لایعگیه، چونكە دەبێ ئەسپەكە لە پێش عەرەبانەكە دابنرێ. نەك پێچەوانەوە.
پیرۆزە لە هەڤاڵان بە بردنەوەی دەرچوون و بە بردنەوەی دیموكراسییەوە
پیرۆزە كۆنگرەی چاوەڕوان
*بەشێكە لە زنجیرە نووسینی ۆرەی نوێبوونەوە ، نۆبەتی ئێوە و ئێمەی نوێبوونەوە خوازە»

وتاری زیاتر





ئەو شەوەی شەوی پێشمەرگە بوو‬ ستران عەبدوڵڵا
2022-08-02 22:00      153 جار بینراوە

شنەی شەماڵ بە فیڕۆی دا‬ ستران عەبدوڵڵا
2022-06-26 12:10      81 جار بینراوە


رۆژی نامەو نامەی رۆژ‬ ستران عەبدوڵڵا
2022-04-23 18:39      211 جار بینراوە

کورت و پوخت ‬ ستران عەبدوڵڵا
2022-01-10 20:52      215 جار بینراوە

بۆشایی ئەمنی ‌و بۆشایی تریش ‬ ستران عەبدوڵڵا
2021-12-04 20:52      142 جار بینراوە

زۆر بڵێی و کەم عەمەلی‬ ستران عەبدوڵڵا
2021-10-23 22:08      128 جار بینراوە

بەیانیت باش مام جەلال‬ ستران عەبدوڵڵا
2021-10-03 12:06      166 جار بینراوە














با دوا فه‌رمان بێت ‬ ستران عەبدوڵڵا
2020-08-03 23:37      301 جار بینراوە


رۆژی دواتر یەک ببینینەوە‬ ستران عەبدوڵڵا
2020-07-17 18:01      274 جار بینراوە

یان کوردستان یان کوردستان‬ ستران عەبدوڵڵا
2020-06-28 16:22      289 جار بینراوە

یادی یەكێتی‬ ستران عەبدوڵڵا
2020-05-18 16:14      382 جار بینراوە

نوێترین هەواڵەکان

بیروڕا

سۆشیال میدیا

گەلەری

کەشو هەوا

زۆرترین سەردانکراو