ستران عەبدوڵڵا

فەزای داعش لەعیراق

  2019-08-25 20:54      401 جار بینراوە        کۆمێنت

مایك پۆمپیۆ وەزیری دەرەوەی ئەمریكا بەئاشكرا وتی: داعش ماوە، ئەگەرچی ئەم دانپێدانانەی پەیوەستی كۆمەڵێ لاكین و ئەگەر كرد، بەڵام راپۆرتە هەواڵگرییەكان و ناوەندەكانی توێژینەوە بەڕاشكاوتر قسە دەكەن لەسەر ئەگەری گەڕانەوەی داعش. تەنانەت میدیاكانی عیراقیش بێ پێچ و پەنا قسەیان لەسەر ئەم باسە كردو ستوونێكی سیاسییان نییە شرۆڤەی لەسەر نەكردبێ.
هەڵبەت هەڵسەنگاندنی بەهێزبوونەوەی باسكی رێكخراوە تیرۆریستییەكەی پێش چەند ساڵ پانتاییەكی زۆری عیراقی داگیركردو لكاندنی بەپایتەختی خلافەتەكەی لەڕەقەی سوریا، تەداروكێكی هەستیارانەی میدیاو ناوەندەكانی لێكۆڵینەوەی ناوخۆیی و جیهانییە، بێئەوەی خەڵك بوروژوێنرێ و جارێكی تر فەزای تەوەحوش و ترس و تۆقاندن، كە خۆی ستراتیژی داعشە، سەرپێ بخرێتەوە.
ئەوەی لەم بابەتەدا گرنگە هەر ئەوە نییە بابەتی داعش گەورە بكرێت وەك رێكخراوێك ناوی بە بەدی و رەفتار تۆقێنەرو تیرۆریستی رۆیشتووە، بەڵكو شتی دیكەش گرنگە، ئەگەر داعش بە ناوو ناسنامەوە ئێستا ناسراوە و چەند ساڵە بەكۆششی ئیقلیمی و نێودەوڵەتی، عیراقی و كوردستانیش ئیحتیوا دەكرێت، ئەی داخۆ تەكلیفی شانەی نووستووی گروپی تیرۆریستی تر كە هێشتا لەمنداڵدانی ژینگەی ئالودەی وڵات و ناوچەكەن، چۆن رۆشن دەكرێت؟. لە بۆكۆ حەرامەوە تا زۆر ناونیشانی تر بەئاشكرا وتویانە ئێمە سەر بەخەلافەتی داعشین و دیارە كە خۆیان بە بەغدادییەوە گرێداوە. ئەی ئەو داعشانەی تر كە ئەگەری هەیە خۆیان لەداعش پێ زەبەلاحتر بێت و وەك ئەوان، یان توندتر لەوانیش بن؟ ئەوانەش مەترسیین، بەڵام لەخۆیان ناگرن تەنانەت دان بەخوێندنگەی داعشیشدا بنێن؟. ئەی ئەوان چۆن دیاری بكرێن و بناسرێنەوە؟. خۆ مەعلومە قاعیدە هات و چوو، گەشەی كردو پشەی كردو هێشتاش نەیانتوانی، یان نەیانویست لەنێوان زەرقاوی و زەواهیری خۆیان یەكلایی بكەنەوەو ناوەندێتییەك گەڵاڵە بكەن. داعش هات و سەری بەرزكردەوە و سەری تێداچوو، نە قاعیدە دانی بەواندا نا، نە ئەوانیش حەجیان بۆ دیاری قاعیدە كرد. ئێ كێ دەڵێ (داعش)ی تر ناوی قەبەی تر لەخۆیان نانێن؟، ئینجا تا بە كەپوودا دەناسرێنەوە، خوێن و فرمێسكێكی زۆری دەوێت.
مەعلومە كە پەرتبوونی هەر ژمارەو هێزێك لەتوانایان كەمدەكاتەوە. تەنها هێزی تیرۆر نەبێ كە تا زۆرترو پەرتترو كەم هەماهەنگتر بن، ئەوا زیانەكانیان بۆ خەڵك و خوای وڵاتان زیاترە، چش با زیانیان بۆ خۆشیان هەبێت.
لەداعش مەترسیدارتر ئەوەیە ژینگەی سیاسیی چی تیا چاككراوە كە رێگە لەدووبارە قیتبوونەوەی داعش و توندڕەوی بگرێت؟.
بنچینەی پێكهاتنی (داعش)ی عیراقی و پێش ئەویش قاعیدە لەوڵاتی نێوان دوو زێدا، بۆشایی سیاسیی بوو كە لە پانزە ساڵی رابردوودا پڕۆسەی سیاسیی عیراق نەیتوانیووە پڕی بكاتەوەو چارەسەری بكات. هەمان ژینگەی ناوچەی سوننی نەگۆڕاوەو سوننەی رەسمیی ناو دەوڵەت تەنها شەریكن لەبەشی خۆیان، بێ ئەوەی شەریك بن لە بەرپرسیارێتی تیماركردنی برینەكانی ناوچەكانی خۆیان.
كوردستانیش كە شەریكی بە خوێن بەرەنگاریی داعش بوو، ئێستا لەكۆی پڕۆسەكە دڵی شكاوە، چونكە نەك دەستكەوتی ئەو بەشدارییەی لەبەرەنگاریی داعش نەچینیووەتەوە، بەڵكو بەردەوام و لەسەرپێ هەوڵی ئیحتیواكردنی دەدرێت.
پڕۆسەی سیاسیی وڵاتیش كە بە دڵی زۆرینەی شیعەیە لەجەنگی بەرەنگاریی داعشدا قورسایی زۆری خستە سەر چارەسەری ئەمنی و سەربازیی. مەترسییەكە ئەوەیە بێئەوەی بەرنامەیەكی سیاسی پێبێت بۆ پڕكردنەوەی كەلێنی هەمیشە قیتبۆوەی داعش، پێیوایە وا چارەسەری دۆخەكەی كردووە.
بە پێچەوانەوە ئێستا زۆرینەی شیعەش گرفتاری دەردی دیاردەكانی حەشدی شەعبییە كە لەبنچینەدا مەرجەعییەت فەتوای بۆ دا تا شەڕی پاراستنی پڕۆسەی سیاسیی پێ بكات لەمەترسی داعش، كەچی ئێستا خۆی بۆتە شەریك لە ئاڵۆزییەكان و خەریكە دەستی سیاسەتی رەسمیی وڵاتیش رادەكێشێتە ناو ململانێی ئیقلیمی و نێودەوڵەتییەوە. ئەوەی حەشد لەسەر ئەمریكاو ئیسرائیل دەیڵێن، ئەوە لێ لێ-یە، هێشتا لۆ لۆ-كەیان ماوە.
لەم فیستیڤاڵی تەرەبە خوێناوییەدا گەڕانەوەی بەهێزی داعش، هەواڵی پلە دوو دەبێ لەچاو مانشێتی بەسەرهاتەكانی بەغدا.

وتاری زیاتر





ئەو شەوەی شەوی پێشمەرگە بوو‬ ستران عەبدوڵڵا
2022-08-02 22:00      153 جار بینراوە

شنەی شەماڵ بە فیڕۆی دا‬ ستران عەبدوڵڵا
2022-06-26 12:10      81 جار بینراوە


رۆژی نامەو نامەی رۆژ‬ ستران عەبدوڵڵا
2022-04-23 18:39      211 جار بینراوە

کورت و پوخت ‬ ستران عەبدوڵڵا
2022-01-10 20:52      215 جار بینراوە

بۆشایی ئەمنی ‌و بۆشایی تریش ‬ ستران عەبدوڵڵا
2021-12-04 20:52      142 جار بینراوە

زۆر بڵێی و کەم عەمەلی‬ ستران عەبدوڵڵا
2021-10-23 22:08      128 جار بینراوە

بەیانیت باش مام جەلال‬ ستران عەبدوڵڵا
2021-10-03 12:06      166 جار بینراوە














با دوا فه‌رمان بێت ‬ ستران عەبدوڵڵا
2020-08-03 23:37      301 جار بینراوە


رۆژی دواتر یەک ببینینەوە‬ ستران عەبدوڵڵا
2020-07-17 18:01      274 جار بینراوە

یان کوردستان یان کوردستان‬ ستران عەبدوڵڵا
2020-06-28 16:22      289 جار بینراوە

یادی یەكێتی‬ ستران عەبدوڵڵا
2020-05-18 16:14      382 جار بینراوە

نوێترین هەواڵەکان

بیروڕا

سۆشیال میدیا

گەلەری

کەشو هەوا

زۆرترین سەردانکراو