كاروان شێخ عوسمان

کۆستێک، دەکرێ بکرێتە هۆکاری تەبایی

  2022-11-19 12:09      43 جار بینراوە        کۆمێنت

کۆستێک ، دەکرێ ببێتە هۆکاری تەبایی
لە دوای  ڕوداوە کارەساتبارەکەی گەرەکی کازیوەی شاری سلێمانی کە تێیدا ژمارەیەکی زۆر هاوڵاتی بوونە  قوربانی،  ئەو هەڵمەتی بە دەنگەوە هاتنەی لێقەوماوان و فریاکەوتنیان کە گشت لایەنە سیاسی و حکومیەکان بە پەرۆشەوە وەک خەمێکی میللی لە ئەستۆیان گرت و لەیەکەم ساتەوە سەرۆکی  یەکێتی نیشتمانی  کوردستان و مەکتەبی سیاسی یەکێتی و جێگری سەرۆکی حکومەتی هەرێم و ئیدارەی سلێمانی وێڕای دەربڕینی هاوخەمی خۆیان ، بەلێنیاندا گشت هاوکاریەک پێشکەش بکەن بۆ فریاکەوتنی زیاتری  ئەوانەی کەوتبونە ژێر دارو پەردوی خانەوە ڕوخاوەکەوە و چارەسەرکردنی بریندارەکان و لێکۆڵینەوە لە هۆکاری ڕوداوەکە و دەزگا پەیوەندیدارەکانی سنوری ئیدارەی سلێمانیان ڕاسپارد کە هەموو هەوڵەکانیان بخەنە کار بۆ ئەوئەرکەیان .
 لە لایەکی تریشەوە هاتنە سەرهێڵی سەرۆکی هەرێمی کوردستان و  سەرۆکی حکومەتی هەرێم  و وەزارەتە پەیوەندیدارەکان  پەرۆشی و خەمێکی میللی بەخشی بە ڕوداوەکە .
  وێڕای  نیشانە تراژیدیەکانی ڕوداوەکە ، دەکرێت ئەو هاوخەمی وکۆدەنگیە جەماوەرییە کە لە زاخۆوە تاکو گەرمیانی گرتەوە ببێتە هەوێن و پاڵنەرێک  لە پێناوی نزیک بوونەوەی زیاترمان  بۆ تێپەڕاندنی ناکۆکی نێوان لایەنە سیاسیەکان کە کەس و کاری قوربانیەکان  بەبەردەوامی تەئکیدیان  لێ دەکردەوە ، وەک چۆن لە کارەساتی تەقینەوەکەی شوباتی 2004ی هەردووبارەگای مەڵبەند ولقی  یەکێتی و پارتی لە هەولێر ،خوێنی  تێکەڵی هەردوولا بوە هەوێنی وەلانانی کێشەلاوەکیەکان و گفتوگۆکانی رێکەوتنامەی واشنتنی خێراتر کرد و ئەو کۆستە کارەساتبارە بوە هاندانی چەسپاندنی تەبایی و کارکردنی پێکەوەیی.

وتاری زیاتر

بۆ ڕۆژی شەهیدی یەكێتيی ‬ كاروان شێخ عوسمان
2022-11-20 18:08      42 جار بینراوە


سەرۆكی چارەنووسساز‬ كاروان شێخ عوسمان
2022-08-29 12:23      60 جار بینراوە

یەکخستنەوەو ڕێکخستنەوە‬ كاروان شێخ عوسمان
2021-12-21 22:01      167 جار بینراوە




نوێترین هەواڵەکان

بیروڕا

سۆشیال میدیا

گەلەری

کەشو هەوا

زۆرترین سەردانکراو