د.جوان ئیحسان فەوزی

کاتی ئەوە هاتووە پسپۆڕان و کاربەدەستان چاوێك بە(سیاسیەی جینائی) دا بخشێنەوە

  2022-02-23 19:10      130 جار بینراوە        کۆمێنت

هەواڵی لەدەستدانی شنيار خەمبارو دڵتەنگی کردم ، بەتایبەتی کە بەتاوانێکی قێزەون و دڕندانە گیانی لەدەستدا ، ئەم ڕوداوە کۆستێکی ترە بۆ هەموولایەك و شەرمەزارییە بۆهەموو ئەولایەنانەی کەبەکردار ڕێگە لەم تاوانانە ناگرن و لەسەردەمێکی وەك ئەمڕۆدا کەلەساڵی (٢٠٢٢) داین و کەسانێکی دڕندە دەستیان دەچێتە خوێنی کەسانی بێ تاوان . داواکارم له پسپۆران بە (سیاسیەی جینائی ) دا بچنەوە و چاوێك بەسزاکاندا بخشێننەوه، چونکە ڕێژەی تاوانکردن لەکۆمەڵگە لەبەرزبوونەوەدایەو تاوانباران زۆر بێباکانە و بێ سڵەمینەوە دەستیان داوەتە تاوانکردن ، لێرەوە داوا لەپەڕلەمانی کوردستان دەکەم لەڕێگەی فراکسیۆنەکانی ولیژنە تایبەتییەکانییەوە بەدواداچوون بۆئەم جۆرە تاوانانە بکەن ، بارودۆخەکە بەرەو مەترسییەکی زۆر دەڕوات ،  بەڕێز جێگری سەرۆك وەزیران جەنابی کاك قوباد تاڵەبانی ڕۆڵێکی گرنگی بۆبەدواداچوون لەم جۆرە کەیسانەدا هەیە بەڵام پێویستە هەموو ئەو کەسایەتی و لایەنانەی کاریگەریان لەسەر بڕیار هەیە ڕۆڵێکی گرنگیان هەبێت و بێدەنگ نەبن ، لەبەرئەوە  ئەم کێشانە دووبارە دەبنەوە و پێویستە بنەبڕبکرێت ، لێرەوە پرسەو هاوخەمیم ئاڕاستەی کەس وکارو بنەماڵەی شنیار خان دەکەم لەپەروەردگار داواکارم سەبوری و ئارامیان پێ ببەخشێت وهەرچی زووە تاوانبار سزای یاسایی خۆی وەربگرێت .

وتاری زیاتر


نوێترین هەواڵەکان

بیروڕا

سۆشیال میدیا

گەلەری

کەشو هەوا

زۆرترین سەردانکراو