کوردستانی نوێ‌

ئیرادەیەكە راوەستانی بۆ نییە

  2021-11-06 19:06      101 جار بینراوە        کۆمێنت

لەهەناوی یەكێتیدا بیرۆكەیەكی رەسەن، ئیرادەیەكی تۆكمە ‌و كۆنكرێتی هەیە بۆ بەرەوپێشەوە چوون. ئیرادەیەك كە نایەوێ بەرەو دواوە بڕوا، چونكە بەرژەوەندیی یەكێتی ‌و جەماوەرەكەی ‌و گەلەكەشمان لە رانەوەستان ‌و تەواوكردنی ئەركەكەدا دەبینێتەوە.

-بیرۆكەكە دەیەوێ یەكێتی بكاتەوە بە یەكێتییەكەی مام، بەڵێ یەكێتییەكەی مام، ئەمەش پێچەوانەی پرەنسیپی حزبایەتی ‌و دامەزراوەیی یەكێتی نییە، ئەمەش هیچ عەیبی تێدا نییە چونكە یەكێتییەكەی مام واتا ئەو یەكێتییەی لە 1975 وە تا ئەمڕۆ هەموو یەكێتییەكان، بە تێكۆشەر ‌و بیر رووناك ‌و بیرمەندەكان ‌و خاوەن نەزەرانی رێكخراوەیی ‌و پێشمەرگایەتی ‌و هەموو ناونیشانێكی خەباتی هەمەلایەنەی ئەم حزبە. كاری بۆ دەكەن ‌و كاری لەسەر دەكەن، تەلارەكەی بەرز دەكەنەوە ‌و سواقی كەلێن ‌و كەموكوڕییەكانی دەدەن. یەكێتییەكەی مام تایتڵ نییە بۆ مام جەلال بە تەنیا، بەڵكو تایتڵە بۆ هەموو ئەوانەی مام جەلال رابەرایەتی دەكردن ‌و بە شانازییەكی هاوبەشەوە كاروانە حزبی ‌و رێكخراوەییەكەیان سەردەخست. مام جەلال لێرە ناونیشانی رابەرێكی گەورەی كوردایەتی نییە كە لەم ناونیشانەدا هەموو كورد شەریك ‌و هاوبەشمانن، بەڵكو مام جەلال جێی باسی حزبایەتی ‌و یەكێتیایەتی، ناونیشانە بۆ ناوەڕۆكی هەموو كۆششی رێكخراوەیی ‌و دامەزراوەیی یەكێتییەكان بە هەموو مینبەر ‌و دونیابینییەكانەوە بیرۆكەی یەكێتییەكەی مام واتا یەكێتی دوێنێ ‌و ئەمڕۆ ‌و داهاتووش. چونكە ئەمە رەوتێكی لە سەرەتاوە ‌و بۆ ئەمڕۆ ‌و چارەنووسی داهاتووش.

-ئیرادەیەك هەیە بێ راوەستان، دەیەوێ ئەم ئەركە تەواو بكا ‌و ئاوڕ لە رابردووی ئاخر ‌و بەڵام ‌و چونكە، نەداتەوە، چونكە ئیتر بەپێی پێویست زۆری قسە لەسەر كراو كاتێتی جێبەجێ بكرێت. ئەم ئیرادەیە نە حزبایەتی بە یانەی فیكری ‌و بنمیچی بێ كۆتایی زۆر بڵێی بێ سەمەر دەبینێ ‌و نە تێكۆشانی رێكخراوەییش بە ناوەندی بەرژەوەندپەرستی ‌و كەس پەرستی ‌و (كاكەبرایی) دەزانێ. ئەم ئیرادەیە حزبایەتی بە ئامرازی زیندووی تێكۆشان بۆ ئەركە نەتەوەیی ‌و دیموكراتی ‌و نیشتمانییەكان دەزانێت.

ئەم ئیرادەیە هەیە، ئەگەرچی هێڵی پچڕاو ‌و باریك ‌و لەپێ كەوتوو گەرەكێتی ئەم رەوتە رابگرێ ‌و بیانووی فاریزە ‌و وێرگویل ‌و بڕ ‌و بیانووی بیروكراسی بۆ بێنێتەوە، بەڵام رەوتەكە راناوەستێ ‌و هەر دەڕوا ‌و بە رێگرەكانی وتووە بۆ رابردوو ناگەڕێتەوە، تەواو بوو.

ئیرادەكەیە كە یەكێتی باش بكاتەوە،چاكسازی حزبی ‌و یەكێتییانەی تیا بكات ‌و بیانوو خاو وخلیچكی ‌و پەكخستن نەهێڵێت. قۆناغی پێشوو نەما، تەواو بوو.

وتاری زیاتر









راستکردنەوەی رێڕەوی ئیدارە‬ کوردستانی نوێ‌
2021-07-31 11:26      437 جار بینراوە








نوێترین هەواڵەکان

بیروڕا

سۆشیال میدیا

گەلەری

کەشو هەوا

زۆرترین سەردانکراو