شوان كەریم كابان

كۆنگرەی ناكۆكەكان!

  2021-08-31 20:30      534 جار بینراوە        کۆمێنت

رۆژی (28/8/2021) كۆنگرەی بەغدا بۆ هاوكاری و هاوبەشی- (مۆتمر بغداد للشراكە والتعاون) رێكخرا، كۆنگرەكە بۆ ئێستای عیراقی دۆخ ئاڵۆز گرنگ بوو لەڕووی پرۆتوكۆڵ و رێكخستنیشەوە، كارێكی بەرچاوبوو. كێ لەو كۆنگرەیەدا بەشداربوو؟ جگە لە عیراق، میسر، سعودییە، ئوردون، توركیا، ئێران، ئیمارات، قەتەر، كوەیت و بەرپرسی هەندێ رێكخراوی ناوچەیی و جیهانی، هەروەها سەرۆكی فرەنساش بەشدارێكی گرنگی كۆنگرەبوو. هەموو ئەو بەشداربووانە لەسەر بانگهێشتی رەسمی عیراق ئامادەبوون، بەئومێدی هاوكاری عیراق لەهەموو بوارەكانداو هەروەها بەدیهێنانی سەقامگیری و ئارامیی كەدەروازەی هەنگاونانە بەرەو ئایندەیەكی گەش بۆ گەلانی عیراق. 
ئەوەی جێی سەرنج و پرسیارە ئەوەیە: چۆن ئەو وڵاتە ناكۆكانە دەتوانن باری لەق و لاسەنگی عیراق هاوسەنگ و كۆك بكەنەوە؟ هەموو وڵاتە عەرەبییە بەشداربووەكان، سوننە مەزهەبن و لەگەڵ حوكمی شیعە لەعیراقدا ناكۆكن! زۆربەی بەشداربووەكان لەگەڵ ئێراندا پەیوەندییەكانیان پڕ كێشەو گرێ و گۆڵە. ئیمارات و سعودییە لەگەڵ قەتەر پەیوەندییان خراپە، گەرچی هەوڵ هەیە بۆ چارەسەر. توركیا بەهۆی هاوكاری قەتەرو هەندێ رۆڵی لەناوچەكەدا، سعودییەو ئیمارات تێبینی زۆریان لەسەری هەیە. كوەیت ئێستاش بەدەست پاشماوەی داگیركارییەكەی عیراق لەساڵی ١٩٩١ەوە دەناڵێنێ. سعودییەو ئیمارات پەیوەندییەكانیان ساردی تێكەوتووەو لەبنەڕەتدا كێشەیەكی لەمێژینەی سنووریان هەیە. كوەیت و سعودییە لەسەر شێوازی بەڕێوەبردنی ئەنجومەنی هاوكاری كەنداو هاوڕا نین. 
میسرو توركیا بەهۆی ئیخوان موسلیمینەوە نێوانیان خراپە. فرەنساو توركیا كۆمەڵێك ئاڵۆزی لەنێوانیاندایە. ئوردون گومانی لە سعودییەو ئیمارات هەیە دەستیان لەو هەڵەدا هەبووبێ كەماوەیەك لەمەو پێش بۆ تێكدانی بارودۆخی ئوردون درا. توركیاو ئێران جگە لەجیاوازی مەزهەب كۆمەڵێك كێشە لەنێوانیاندا هەیە گەر بچووكیش بن. عیراق گرفتی ئاوی هەیە لەگەڵ هەردوو وڵاتی توركیاو ئێران. ئەوەی كێشەیەكی دیارو بەرچاوی نەبێ لەگەڵ هەموویان ، فرەنسایە، ئەویش دراوسێی عیراق نییەو چەند هەزار كیلۆمەترێك لە عیراقەوە دوورەو وەك چاودێرانیش دەڵێن؛ پێدەچێ فرەنسا كار بۆ ئەوە بكات وەك فریادڕەسێك بگەڕێتەوە بۆ ناوچەكە . كۆنگرەكەی بەغدا پڕ بوو لەلایەنی ناكۆك و ناتەبا لەگەڵ یەكتر، ئایا دەتوانن دەرمانی دەردی عیراق بكەن ؟

 

وتاری زیاتر

عیراق وڵاتی ئینقیلاب!‬ شوان كەریم كابان
2022-08-30 20:54      84 جار بینراوە

شیمال ئەلعیراق‬ شوان كەریم كابان
2022-08-02 21:59      73 جار بینراوە


بەهیوای دیدار‬ شوان كەریم كابان
2022-06-05 10:14      53 جار بینراوە







راستییەکان ناشاردرێنەوە‬ شوان كەریم كابان
2022-03-12 13:45      111 جار بینراوە



رەوتی سەدر چی دەوێ؟‬ شوان كەریم كابان
2022-02-22 18:57      102 جار بینراوە

ئاسایش بۆ کێ؟‬ شوان كەریم كابان
2022-02-20 16:54      92 جار بینراوە


ئاواتەکەی شەھد‬ شوان كەریم كابان
2022-01-08 16:35      110 جار بینراوە


وەرزش وسیاسەت‬ شوان كەریم كابان
2021-12-21 15:14      145 جار بینراوە

میدیای سەدەی بیست و یەک‬ شوان كەریم كابان
2021-12-19 17:32      131 جار بینراوە



نامرن ئەوانە‬ شوان كەریم كابان
2021-11-21 23:07      112 جار بینراوە




هەڵبژاردن وگومانەكان!‬ شوان كەریم كابان
2021-10-21 22:09      96 جار بینراوە




نوێترین هەواڵەکان

بیروڕا

سۆشیال میدیا

گەلەری

کەشو هەوا

زۆرترین سەردانکراو