شوان كەریم كابان

ڤێرژنێكی نوێی تاڵیبان!

  2021-08-22 14:16      255 جار بینراوە        کۆمێنت

لەماوەی هەفتەی رابردوودا ، هەم قسەكەری رەسمی و هەم هەندێ بەرپرسی تاڵیبان، جیاواز لەساڵانی رابردوو لێدوانیان داوە: لێبوردنمان بۆ هەموو ئەوانە دەركردووە كە دوژمنایەتییان كردووین، رێگانادەین  خاكی ئەفغانستان ببێتە سەرچاوەی هەڕەشە بۆ وڵاتانی دراوسێ، شەڕ تەواو، رێگا بەمیدیای سەربەخۆ دەدەین كاری خۆیان بكەن و رەخنەش لەدەسەڵات بگرن بەمەرجێ رێز لەئیسلام و دابونەریتی وڵات بگرن، رێز لەژنان دەگرین و مافەكانیان بەپێی شەریعەتی ئیسلام پارێزراو دەبێ، مافی هەموو پێكهاتە ئایینی و مەزهەبی و نەتەوەییەكانی وڵات پارێزراو دەبێ، كار بۆ دانانی دەستوورێكی نوێ دەكەین بەپێی شەریعەت، دیموكراسییەت بۆ ئێمە نابێ و بەكەڵكی وڵاتی ئێمە نایەت، پێوەر بۆ هەڵسەنگاندنی هەڵوێستی هاووڵاتیان، پابەندبوونی نیشتیمانیانە، حكومەتێك دادەمەزرێنین بەبەشداری هەموولایەنەكان . هەموو ئەم لێدوانانە، زۆر جیاوازن لەگوفتارو لێدوانەكانی تری تاڵیبان لەچەند ساڵی رابوردودا، بەڵام ئایە تاڵیبان وادەكات، یان هەر تاڵیبانەكەی جاران دەبێ؟ هەندێ وڵات نەبێ، دەنا زۆربەی وڵاتان و چاودێرانی سیاسی بڕوایان وایە تاڵیبان ناگۆڕێ و زەحمەتە لەسایەی حوكمی تاڵیبان، ئازادی بیروڕاو میدیای ئازادو مافی ژنان و پێكهاتە مەزهەبی و نەتەوەییەكان پارێزراوبن. هەر بۆ نموونە: لە ئەفغانستان سەد تەلەڤزیۆن و سەدو پەنجا رادیۆو دەیان رۆژنامەو هەشت ئاژانسی هەواڵ و سەدان سایتی ئینتەرنێت هەن و دە هەزار كەس كاری تێدا دەكەن كە زۆربەیان كچ و ژنن، ئایە ئەمانە هەروا بەئاسان لەسایەی تاڵیباندا دەتوانن كاربكەن؟ لەلایەكی ترەوە چەندین رێكخراوی داكۆكی لەمافی ژنان لە بیست ساڵی رابوردوودا دروست بوون، ئایە ئەوانە چارەنووسیان چی دەبێ؟ لەماوەی رابوردودا دەیان هونەرمەندی پیاوو ژن لەهەموو بوارەكاندا پەیدا بوون و كاریان كردووە، ئەوانە دەبێ چی بكەن؟  ئەمانە چەند نموونەیەكن كە وەك كێشەن بۆ تاڵیبان و مامەڵەكردنی لەگەڵیان وەك پێوانەیەك دەبێ بۆ راستی و ناڕاستی گوتەو گوفتارەكانی، ئەمە جگە لەوەی تاڵیبان رووبەڕووی چەندین بەربڕكێی تر ئەبێتەوە، هەر لەبارودۆخی داڕماوی ئابووری ، تا مەسەلەی نووسینی دەستورور ێكخستنەوەی پەیوەندییە ئیقلیمی و نێودەوڵەتییەكانی و ئاشتبوونەوەی گشتی و دابینكردنی ئارامی و ئاسایش و چەندین ئەركی قورسی تر.
هەموو ئەو ئەركانە لەكاتێكدایە كە بزووتنەوەی تاڵیبان لای زۆربەی وڵاتانی رۆژئاوا لەلیستی تیرۆردایەو بەهۆی مێژووی ئەو بزووتنەوەیە تا ئێستا كەس بڕوا ناكات ئەم تاڵیبانەی ئەمجارە ڤێرژنێكی نوێ بێ!

 

وتاری زیاتر



راستییەکان ناشاردرێنەوە‬ شوان كەریم كابان
2022-03-12 13:45      84 جار بینراوە



رەوتی سەدر چی دەوێ؟‬ شوان كەریم كابان
2022-02-22 18:57      86 جار بینراوە

ئاسایش بۆ کێ؟‬ شوان كەریم كابان
2022-02-20 16:54      77 جار بینراوە


ئاواتەکەی شەھد‬ شوان كەریم كابان
2022-01-08 16:35      95 جار بینراوە


وەرزش وسیاسەت‬ شوان كەریم كابان
2021-12-21 15:14      110 جار بینراوە

میدیای سەدەی بیست و یەک‬ شوان كەریم كابان
2021-12-19 17:32      114 جار بینراوە



نامرن ئەوانە‬ شوان كەریم كابان
2021-11-21 23:07      98 جار بینراوە




هەڵبژاردن وگومانەكان!‬ شوان كەریم كابان
2021-10-21 22:09      84 جار بینراوە





كۆنگرەی ناكۆكەكان!‬ شوان كەریم كابان
2021-08-31 20:30      285 جار بینراوە




سەفەر بەخێر كاكە ستار‬ شوان كەریم كابان
2021-07-01 22:27      210 جار بینراوە



نوێترین هەواڵەکان

بیروڕا

سۆشیال میدیا

گەلەری

کەشو هەوا

زۆرترین سەردانکراو