د.سەردار عەزیز

کەوتنی کابول

  2021-08-16 19:04      131 جار بینراوە        کۆمێنت

هەوڵدەدەم بەشێوازی مەلزەمە، ئەم رووداوە راڤە بکەم. پرسیارو وەڵامی کورت
بۆچی ئەمریکا کشایەوە؟
نزیکەی ١٠ ساڵە کەس لە واشنتۆن باوەڕی بەوە نەماوە لە ئەفغانستان هیچ بەرەوپێشچوونێک بێتە ئاراوە، ئەمریکا زیاتر لە ٨٠ بلیۆن دۆلاری تیادا سەرفکرد. بەڵام وەک عیراق توێژێکی گەندەڵ لێی سوودمەندبوون.
بۆچی تاڵیبان وەها بەخێرایی هاتنەوە؟
تاڵیبان لەگوندەکاندا بوونیان هەبوو. حکومەت لەشار. هەرگیز تەواو نەبوون. پۆلیس و سەرباز چەند مانگ بوو مووچەیان وەرنەگرتبوو. بۆیە وتیان شەڕ بۆ ئەشرەفخان ناکەین، لەکاتێکدا هەموو توانایەکیان هەبوو، کەواتە بونیادی سوپا تەنها چەک و راهێنان نییە. 
ئایا بایدن چ قازانجێکی لێدەکات؟
خێراترین دەستکەوت ئەوەیە کە دەیەوێت لەهەڵبژاردنی میدتێرمدا بە خەڵک بڵێت، جەنگی ناکۆتام کۆتایی پێهێنا. ئەمە خواستێکی گشتی خەڵکی ئەمریکایە. لەمەودوا کە سەردەمی تاک جەمسەریی تەواوبوو، دەبێت بەوردی ئاگامان لەسیاسەتی ناوخۆی وڵاتە زلهێزەکان بێت.
ئایا پاکستان چ رۆڵێکی هەبوو؟
پاکستان و تاڵیبان دۆستن، بەڵام پرسەکە لەجێگایەکی ترە. هیند هەوڵی دەدا لەڕێگای بەندەری چابەهاری ئێرانییەوە دەستی بگاتە ئەفغانستان، ئەم پرۆژەیە لەلایەن ئەمریکاوە پشتیوانی لێدەکرا. بەندەری چابەهار تەنها ٧٦ کم لە گواداری پاکستانییەوە دوورە. بەندەری گوادار پرۆژەی چین و پاکستانە لەدەریای عەرەبی و زەریای هیندی. هیند دەیویست پاکستان دابڕێت و رێگرێک بۆ پرۆژەی پشتێنەو رێگای چین دروست بکات. بەهاتنی تاڵیبانی دۆستی پاکستان ئەم پرۆژەیە وەستا. ئێستا تورکیا دەیەوێت بەهاوکاری پاکستان لەناوچەکە رۆڵی هەبێت.
ئایا کێ زەرەرمەندە؟
ئەگەر تاڵیبان دەستاودەست نەکەن وەک پەیمانیان بە قەتەرییەکان داوە، ئەوا دەکەونە ژێر ئابلۆقە. لەکاتێکی وەهادا دەبنە کێشە بۆ ناوچەکەو دەروبەری. هەندێک دەڵێن ئێران و چین زیانمەند دەبن، ئەگەر تاڵیبان هەزارە بچەوسێنێتەوە، ئایا ئێران بێدەنگ دەبێت؟ بەڵام بێگومان وڵاتانی کەنداو دەیانەوێت سوود لە تاڵیبان وەربگرن بۆ فشار لەسەر ئێران. ئەوەی لەڕێگای داعشەوە لە عیراق بۆیان نەکرا. 
چ وانەیەکی تیایە بۆ ئێمە؟
کەوتنی کابول دەیان وانەی بەنرخی تیادایە لەهونەری حوکمڕانی. وەک کورد ئەفغانەکان مودموین بوو بن لەسەر پشتیوانی دەرەکی. گەندەڵی بەرفراوان بوو. شەرعییەت نەبوو. حکومەت لەخەڵک دابڕابوو. 
ئایا ئەمریکا تاوانبارە؟
هەندێک دەڵێن نەدەبوو بایدن بڕوات. هەندێکی تر دەڵێن هەرکەی ئەمریکا بڕۆشتایە ئەمەی روویدەدا، ناشکرێت بۆ هەتا هەتایە ئەمریکا لەوێ بێت.
چی گرنگە؟
گرنگترین وانە کاتە. رەنگە لەکات و سەردەمێکدا ببیتە جێگای بایەخ. لەوە دڵنیابە بۆ هەتا هەتایی نییە. ئەگەر ئەو هەلە لەدەست بدەیت ئەستەمە بۆت بگەڕێتەوە.

وتاری زیاتر

بۆ کۆچ؟‬ د.سەردار عەزیز
2021-11-13 21:32      54 جار بینراوە


بۆچی سەربەخۆکان سەرنەکەوتن؟‬ د.سەردار عەزیز
2021-10-16 17:57      62 جار بینراوە

قەیرانەکانی خێزانی کوردی‬ د.سەردار عەزیز
2021-09-16 13:36      82 جار بینراوە

ناین ئیلێڤن ٩١١‬ د.سەردار عەزیز
2021-09-11 17:27      74 جار بینراوە


کۆمیونیزم و جیهادیزم لەگوند‬ د.سەردار عەزیز
2021-08-27 11:18      55 جار بینراوە



تڕەکەڵەکی کازمی‬ د.سەردار عەزیز
2021-07-24 15:40      139 جار بینراوە

تارماییەکانی مەکگۆرک‬ د.سەردار عەزیز
2021-07-17 19:27      179 جار بینراوە


ئەردۆگان و یاریی کورد‬ د.سەردار عەزیز
2021-07-10 17:15      124 جار بینراوە

پاش ئەوروپا‬ د.سەردار عەزیز
2021-07-10 10:08      144 جار بینراوە


بایدن و ئەردۆگان پاش دیدار‬ د.سەردار عەزیز
2021-06-18 13:53      90 جار بینراوە

بایدن و ئەردۆگان‬ د.سەردار عەزیز
2021-06-09 10:10      132 جار بینراوە



ئایا خاکی کوردستان فرۆشراوە؟‬ د.سەردار عەزیز
2021-06-02 18:57      102 جار بینراوە

جەمشیدو مەعریفەی بێ رێچکە‬ د.سەردار عەزیز
2021-05-31 14:48      159 جار بینراوە

نەفرەتی بێدەوڵەتیی!‬ د.سەردار عەزیز
2021-05-29 17:57      99 جار بینراوە

ئایا مەترسی لەئارادایە؟‬ د.سەردار عەزیز
2021-05-22 17:55      102 جار بینراوە


دەستوورێک بۆ هەرێم؟!‬ د.سەردار عەزیز
2021-05-10 14:31      152 جار بینراوە

سەما لە سەردەمی بازاڕدا‬ د.سەردار عەزیز
2021-05-03 15:14      108 جار بینراوە

بایدن و جینۆسایدی ئەرمەنی؟‬ د.سەردار عەزیز
2021-05-01 16:30      87 جار بینراوە

قەیرانی گەشە لە کوردستان‬ د.سەردار عەزیز
2021-04-26 18:41      151 جار بینراوە



نوێترین هەواڵەکان

بیروڕا

سۆشیال میدیا

گەلەری

کەشو هەوا

زۆرترین سەردانکراو