شوان كەریم كابان

سەفەر بەخێر كاكە ستار

  2021-07-01 22:27      210 جار بینراوە        کۆمێنت

لەشاخ تۆم ناسی، لەوێش ، ئارام وخاكی ولەسەرخۆ ، بێدەنگ، لەقسەكردن وپێكەوە دانیشتن، بۆ ھەندێ مەسەلە بەپێكەنینێكی قوڵ رای خۆتت دەربری. زەمان ھات ورۆیشت، جارێكی تر لە فێستڤاڵی نەورۆز وھەڵەبجە، زیاتر لە دە رۆژ پێكەوە بوین . دوای راپەڕینیش، ساڵی ١٩٩٢ و١٩٩٣ پێكەوە لە تەلەفزیۆنی گەلی كوردستان بوین . لەساڵی ١٩٩٧ ەوە تاكو ٢٠٠٦ جارێكی تر لەھەمان دەزگای میدیایی ھاوكاربووین . تۆ پێشمەرگەی دێرین جواننوس وھونەرمەندی گۆرانی بێژ وكارمەندی تەنسیق، لەھەموو ئەو كارانەدا، دلسۆز ، جددی، بێ فیزو لەخۆبوردو، خۆشەویستی ھاورێكانیشی بوو. كاك ستار شارەزاییەكی باشی ھەبوو لە جواننوسیدا ، سەرەتاكانی تەلەفزیۆن ، بەشی زۆری تایتڵی بەرنامەو بابەتەكان، بەدەست وخەتە جوانەكەی ئەو نوسراون. یەكێك بوو لەكارمەندە سەرەكییەكانی بەشی تەنسیق ، لەدونیای ھونەریشدا پشكی خۆی ھەبوو خاوەن دەنگێكی ھێمن وئارامی بوو لەگۆرانی گوتندا. ھیچ كاتێك بە گرژو مۆنی نەت دەبینی ، مەگەر لە بابەتێك ، یا ھەڵوێستێك نیگەران بوایە، ئەوەشی زووە دەردەبری وقسەی خۆی دەكرد وبەدواشیدا بەپێكەنینێك كەشەكەی تەڕوبڕ ئەكردەوە. كاكەستار بەر لەچەند ساڵێك نەخۆشی بەرۆكی گرت، ئازایانە روبەڕوی بوەوەو خۆی نەدا بەدەستەوە وكەوتە ململانێیەكی درێژ لەگەڵیدا . بەداخەوە، دەرەنجام ئەو نەخۆشییە زەفەری پێھێناو بەیانی ٦/٣٠ دڵەگەورەكەی لەلێدان خست وماڵ ئاوایی لە خێزان وھاورێیانی كرد . ھەزاران سڵاو لەگیانی پاكی كاكە ستار كەریم ، بەدڵنیاییشەوە یادویادە وەریی لەدهڵماندا ھەر دەمێنێ.

 

وتاری زیاتر



راستییەکان ناشاردرێنەوە‬ شوان كەریم كابان
2022-03-12 13:45      84 جار بینراوە



رەوتی سەدر چی دەوێ؟‬ شوان كەریم كابان
2022-02-22 18:57      86 جار بینراوە

ئاسایش بۆ کێ؟‬ شوان كەریم كابان
2022-02-20 16:54      77 جار بینراوە


ئاواتەکەی شەھد‬ شوان كەریم كابان
2022-01-08 16:35      95 جار بینراوە


وەرزش وسیاسەت‬ شوان كەریم كابان
2021-12-21 15:14      110 جار بینراوە

میدیای سەدەی بیست و یەک‬ شوان كەریم كابان
2021-12-19 17:32      113 جار بینراوە



نامرن ئەوانە‬ شوان كەریم كابان
2021-11-21 23:07      98 جار بینراوە




هەڵبژاردن وگومانەكان!‬ شوان كەریم كابان
2021-10-21 22:09      84 جار بینراوە





كۆنگرەی ناكۆكەكان!‬ شوان كەریم كابان
2021-08-31 20:30      285 جار بینراوە


ڤێرژنێكی نوێی تاڵیبان! ‬ شوان كەریم كابان
2021-08-22 14:16      254 جار بینراوە





نوێترین هەواڵەکان

بیروڕا

سۆشیال میدیا

گەلەری

کەشو هەوا

زۆرترین سەردانکراو