شوان كەریم كابان

رۆژی شەهیدانی باڵەكایەتی

  2021-05-17 20:06      211 جار بینراوە        کۆمێنت

 یەكێتیی نیشتمانیی كوردستان لەساڵی ١٩٧٦ەوە تائێستا شەهید دەبەخشێ بەكوردستان، ئەشێ هەندێ كەس كە بەناو هێنانی یەكێتی و شۆڕش و پێشمەرگە پەست بن و دڵیان تەنگ بێ، بەبیانووی ئەوەی هەندێ سەركردە گەندەڵكارن و گلەیی و گازەندە هەیە، دەیانەوێ مێژووی پڕ خەبات و تێكۆشان بشارنەوە، یان ناشیرینی بكەن، بەڵام ئەوە راستییەكی مێژوویی و ئێستای حاشا هەڵنەگرە، یەكێتی، شۆرش، بەئێستاشەوە دووانەیەكی لەیەك دانەبڕاون، ئەم حەقیقەتە لەشەڕی داعش بەشێوەیەكی بەرچاو بەرجەستە بوو لەكاتێكدا پێشمەرگەكانی یەكێتیی نیشتیمانیی كوردستان لەچوارچێوەی هێزەكانی وەزارەتی پێشمەرگە، لەزۆربەی بەرەكان لەپاڵ پێشمەرگەكانی تری هاوڕێیان لەبەرەكانی لەسەنگەری هەرە پێشەوەی شەڕی دژی داعش دەجەنگان و لەم خەباتەشدا قوربانییەكی زۆریان داو لەژمارەی شەهیدبووندا، پێشەنگی هاوڕێكانیان بوون و زیاتر لە ١٦٠٠ شەهیدی بەخشی. 
هەركاتێكیش كوردستان بكەوێتە بەر هەڕەشەو مەترسی، بەدڵنییاییەوە ئەوە پێشمەرگەكانی یەكێتین لەسەنگەرەكانی پێشەوەی شەڕ دەبن. ئەمە لەكاتێكدا هەندێ كەس هەن جگە لەقسەی زل و رەخنەو گاڵتەكردن بەمێژووی شۆڕش، ئامادەنین سەعاتێك لەبەر هەتاو لەپێناو نیشتمانەكەیاندا بوەستن و چاوەڕێش دەكەن ببنە گەورەی میللەت.  
یەكێتی هێندە شەهیدی زۆرە لەخەباتی درێژو بەردەوامیدا، دەڤەرێك نییە بەسەدان شەهیدی ئەم حیزبەی تیادا نەبێ، ئەمە مانای ئەوە نییە حیزبەكانی تر ئەوانەی خەباتی شاخیان هەیەو ئێستاش هێزیان هەیە، شەهیدیان نەبەخشیبێ، بەڵام ژمارەی شەهیدانی یەكێتی زۆر زیاترن، یەكێك لەو دەڤەرانە دەڤەری باڵەكایەتێیە كە هەم لەشۆڕشی ئەیلول هەم لەشۆڕشی نوێ گەلەكەشماندا بەسەرۆكایەتی یەكێتیی نیشتمانیی كوردستان، مەڵبەندی شۆڕش بووە. لەشۆڕشی نوێدا، شوێنی پێشمەرگەو لانكی خەبات و مەڵبەندی تێكۆشەران بوو، هەر ئەمەش وایكرد ژمارەیەكی زۆر لە پیاوو كوڕان و رۆڵەكانی ئەم دەڤەرە ببنە پێشمەرگەو لەخەباتی درێژخایەنی یەكێتی و لە بەردەوامبوونی ئەو خەباتە تائێستا سەدان شەهیدو هەزاران بریندار ببەخشن و شارو شارۆچكەكانی بكەونە ژێر هێرشی هەمەجۆری رژێمی رووخاوی عیراق. ژمارەی شەهیدەكانی یەكێتی لەم دەڤەرە زیاتر لە١٣٠٠ شەهیدن و سەرقافڵەكەیان سەركردەو فەرماندەو پارتیزان، حەسەن كوێستانییەو كاروانەكەش سەدان فەرماندەو پێشمەرگەی دلێری تیایە، لەبەر ئەم هۆیە، یەكێتی رۆژی (٥/١٧) ی هەموو ساڵێكی كردۆتە رۆژی شەهیدانی باڵەكایەتی  كە رۆژی شەهیدبوونی حەسەن كوێستانی و شەش لەهاوریَِكانێتی وەك رێزو وەفاو پێزانین بۆ قوربانیدانی ئەو دەڤەرە تێكۆشەرە.
هەزاران سڵاو لەگیانی پاكی شەهیدانی باڵەكایەتی و سەرجەم شەهیدانی كوردستان.

 

وتاری زیاتر

عیراق وڵاتی ئینقیلاب!‬ شوان كەریم كابان
2022-08-30 20:54      116 جار بینراوە

شیمال ئەلعیراق‬ شوان كەریم كابان
2022-08-02 21:59      90 جار بینراوە


بەهیوای دیدار‬ شوان كەریم كابان
2022-06-05 10:14      65 جار بینراوە







راستییەکان ناشاردرێنەوە‬ شوان كەریم كابان
2022-03-12 13:45      127 جار بینراوە



رەوتی سەدر چی دەوێ؟‬ شوان كەریم كابان
2022-02-22 18:57      113 جار بینراوە

ئاسایش بۆ کێ؟‬ شوان كەریم كابان
2022-02-20 16:54      102 جار بینراوە

سلێمانی نزیکترە یان نەجەف؟‬ شوان كەریم كابان
2022-02-05 20:14      108 جار بینراوە

ئاواتەکەی شەھد‬ شوان كەریم كابان
2022-01-08 16:35      120 جار بینراوە


وەرزش وسیاسەت‬ شوان كەریم كابان
2021-12-21 15:14      160 جار بینراوە

میدیای سەدەی بیست و یەک‬ شوان كەریم كابان
2021-12-19 17:32      150 جار بینراوە



نامرن ئەوانە‬ شوان كەریم كابان
2021-11-21 23:07      118 جار بینراوە




هەڵبژاردن وگومانەكان!‬ شوان كەریم كابان
2021-10-21 22:09      105 جار بینراوە




نوێترین هەواڵەکان

بیروڕا

سۆشیال میدیا

گەلەری

کەشو هەوا

زۆرترین سەردانکراو