شوان كەریم كابان

خەباتی سەردەمی نوێ!

  2021-04-03 14:15      220 جار بینراوە        کۆمێنت

جاران، خەبات و تێكۆشان لەپێناوی بەدێهێنانی ئامانجەكان، كە لەپێناو رزگاری گەلی كوردستان و سەرفرازی و ئازادی بوو، پڕبوو لەزەحمەت و چەرمەسەری و دەردیسەری و قوربانیدان و گیان بەختكردن و چوونە بەر پەتی سێدارەو قایمكردن لەسوچی زیندان و دەیان ئاستەنگی تر، ئاوهاش كەس بەماندووبوونی كەسەكانی نەدەزانی و قوربانییەكانیش هەر بەپەنهانی دەمانەوەو بەئاستەم كەس پێی دەزانی، چونكە لەبنەڕەتدا، كارەكتەرەكانی خەبات، خەڵكانێكی لەخۆبوردووی خۆنەویست بوون، چاوەڕێی هیچ پاداشتێك نەبوون. خەبات و تێكۆشان ، شێوازی زۆربوو، هەبوون دەبوونە پێشمەرگەو لەشاخ و لەڕیزی پێشمەرگەی لایەنێكی سیاسیدا تێدەكۆشان، جا یا شەهید دەبوون دەچوونە كاروانی نەمرانەوە، یاخود دەمانەوەو ئازادی كوردستانیان بەچاوی خۆیان دەبینی. هەبوون لەڕیزی رێكخستنەكاندا خەباتیان دەكرد، رووبەڕووی گەورەترین مەترسی دەبوونەوە لەشارو شارۆچكەكاندا، گەر لەلایەن رژێمەوە ئاشكرا بوونایە، تووشی گرتن و ئەشكەنجەو دەرەنجامیش، ئیعدام دەبوون و شەهید دەبوو. هەشبوون ، وڵات بەوڵات، شار بەشار، دەگەڕان، لەهەموو دەرگاكانیان دەدا، تاكو كێشەی گەلەكەیان بگەیەننە هەموو لایەك و پشتگیری بۆ پەیدا بكەن. هەشبوون بۆ خۆڕاگری و چۆكدانەدان بۆ دوژمن  تێدەكۆشان. ئاوهاش چاوەڕێ نەبوون كەس بەماندووبوون و زەحمەت و قوربانیدانیان بزانێ و دەستخۆشییان لێبكرێ ، بەڵكو بەئەركی خۆیانیان دەزانی، بەڵام ئێستا جۆرێكی ترە، بەدەر لەتێكۆشەرو مرۆڤە راستەقینەكان ، لای هەندێك ئێستا جنێودان و هەڵسوكەوتی سەیرو سەمەرە بۆتە رێگای خەبات و تێكۆشان، ئەوەی بەپۆلیس ئەڵێ؛ موچەكەت جوانە.......، دەبێتە پاڵەوان و دەیان وێنەی لەگەڵدا دەگیرێ، هەندێكیش  تێكۆشان لای ئەوان پێڵاوو بوتڵی ئاو هاویشتنەو بەوە ئەیانەوێ ببنە سۆپەرمانی سۆسیال میدیاو هەندێكی تریش بەزۆر درۆ كردن. مەخابن ئێستا  خەبات لای هەندێ كەس ئاوایە !

 

وتاری زیاتر

عیراق وڵاتی ئینقیلاب!‬ شوان كەریم كابان
2022-08-30 20:54      118 جار بینراوە

شیمال ئەلعیراق‬ شوان كەریم كابان
2022-08-02 21:59      90 جار بینراوە


بەهیوای دیدار‬ شوان كەریم كابان
2022-06-05 10:14      65 جار بینراوە







راستییەکان ناشاردرێنەوە‬ شوان كەریم كابان
2022-03-12 13:45      127 جار بینراوە



رەوتی سەدر چی دەوێ؟‬ شوان كەریم كابان
2022-02-22 18:57      114 جار بینراوە

ئاسایش بۆ کێ؟‬ شوان كەریم كابان
2022-02-20 16:54      103 جار بینراوە

سلێمانی نزیکترە یان نەجەف؟‬ شوان كەریم كابان
2022-02-05 20:14      108 جار بینراوە

ئاواتەکەی شەھد‬ شوان كەریم كابان
2022-01-08 16:35      120 جار بینراوە


وەرزش وسیاسەت‬ شوان كەریم كابان
2021-12-21 15:14      160 جار بینراوە

میدیای سەدەی بیست و یەک‬ شوان كەریم كابان
2021-12-19 17:32      150 جار بینراوە



نامرن ئەوانە‬ شوان كەریم كابان
2021-11-21 23:07      118 جار بینراوە




هەڵبژاردن وگومانەكان!‬ شوان كەریم كابان
2021-10-21 22:09      105 جار بینراوە




نوێترین هەواڵەکان

بیروڕا

سۆشیال میدیا

گەلەری

کەشو هەوا

زۆرترین سەردانکراو