د.سەردار عەزیز

ئێران و ئەمریکا، بەرەو داخستنی پەنجەرەکە

  2021-03-27 15:42      245 جار بینراوە        کۆمێنت

بەهاتنی بایدن هیوای ئەوە هاتە ئاراوە کە ئێران و ئەمریکا دەگەڕێنەوە بۆ رێککەوتنەکەی سەردەمی ئۆباما. هۆکاری ئەم پێشبینی و گەشبینییە زۆربوو. نزیکێتی ئۆباماو بایدن، بانگەشەی بایدن بۆ گەڕانەوە بۆ رێککەوتنەکە لەکاتی کەمپەیندا، هەبوونی لۆبییەکی بەهێزی ئێرانی نزیک لەدیموکراتەکانەوە. بەڵام سەرباری دەنگۆو باسکردن و هەوڵی بچووک هەتا ئێستا هیچ ئاماژەیەک لەئارادا نییە کە گەڕانەوە بۆ گفتوگۆکە فەراهەم دەبێت.
لێرەدا بەکورتی ئارگومێنتی ئەوە دەخەمەڕوو کە بۆچی بایدن پەلەی نییە یان نایەوێت بگەڕێتەوە بۆ رێککەوتنەکە. پاشان وەڵامی ئەو پرسیارە دەدەمەوە کە ئایا ئێران چی دەکات.
رۆژانی رابردوو بینیمان شەقامەکانی بەغدا پڕبوون لەچەکداری میلیشیاکان. هۆکاری ئەمەو ئامانجی ئەمە تەنها یەکێک نییە، بەڵکو زۆرە. بەڵام بەدڵنیاییەوە یەکێک لەهۆکارەکانی نمایشی فشارە لەسەر ئەمریکاو دۆستەکانی لەعیراق. ئەمە لەجێگاکانی تریش دەبینین لەهەمانکاتدا. سیاسەتی ئێرانی ئاشکرایە، کە خۆی لەچەند هەنگاوێکدا دەبینێتەوە. یەکەم، بەم ئەم کارانە ئێران دەیەوێت خۆی بیری کۆمەڵگای نێودەوڵەتی بخاتەوە کە دۆخی خراپەو پێویستە ئەمریکا ئابڵۆقەی لەسەر لاببات ئەگینا دەتوانێت کاری تێکدان بکات لەزۆر شوێن. دووەم، ئەڵتەرناتڤی نەگەڕانەوە بۆ رێککەوتنی ئەتۆمی شلۆقانی سەرتاپا ناوچەکەیە، دۆستەکانی ئێران لە واشنتۆن دەیانەوێت ئەم پەیامە بگەیەنن. هەموو ئێرانییە ئەمریکییەکان وەک یەک قسە دەکەن لەمبارەوە. 
بەڵام بایدن هەست بەفشار ناکات، چونکە لەڕاستیدا گەڕانەوە بۆ رێککەوتنی ئەتۆمی لەبری ئەوەی فشار لەسەر بایدن لاببات فشاری زۆری لەسەر دروست دەکات. بایدن پەروەردەی سێناتە. چاک شارەزای کۆنگرێسە. ئەوەی لەئێستادا فشارە لەسەری دۆخی سەختی ناوخۆی ئەمریکایە، لەئاستی کۆڤید، ئابووری، ژێرخان، کۆچبەر. ئەوەی بڕیار لەسەر سەرکەوتن و سەرنەکەوتنی ئیدارەی بایدن و دیموکراتەکان دەدات ئێران نییە، بەڵکو دۆخی ناوخۆیە. بۆیە بایدن نایەت کۆنگریس لەخۆی بئاڵسکێنێت و هەموو کارەکانی لەناوەوە تووشی شکست بن، لەبەر ئێران. 
ئێران باش ئەمە دەزانێت بۆیە لەهەوڵی بەردەوامدایە بۆئەوەی ئەو پەیامە بنێرێت کە ئەگەر ئاوڕی لێنەدەنەوە، ئەوا ناوچەکە تێکدەدات، بەڵام ئێران کۆریای باکوور نییە، هەرچەندە هەوڵدەدات بەڕێچکەی ئەودا بڕوات. 
لەلایەکی ترەوە ئەگەر سەیری ئەجیندای هەڵبژاردنەکانی ئەمریکا بکەیت ئەوا ساڵی داهاتوو هەڵبژاردنی نیوەییە، میدتێرم، لەکاتی وەهادا دانوستان ناکرێت. پاشان لەهەڵبژاردنی سەرۆکایەتی نزیک دەبینەوە، دیسانەوە دانوستان ناکرێت، بەگشتی لەخولی یەکەمی بایدن-دا مەحاڵە لەو پرسە نزیک ببنەوە، مەگەر ئێران بەتەواوی رەفتاری بگۆڕێت بەجۆرێک کە کۆنگریس لێی رازی بێت. 
لەئێستادا لەنەبوونی هیچ جۆرێک لەباوەڕ بەیەکترکردن لەنێوان هەردوولادا، ئەوا چاوەڕوان ناکرێت ئێران رەفتاری خۆی بگۆڕێت. لەڕاستیدا ئەگەری زۆرە لایەنگرانی رێککەوتن لەگەڵ ئەمریکادا لەپاش هەڵبژاردن کەمتربن. ئێستا دەنگۆی ئەوە هەیە کە ئێران و چین رێککەوتنی ٢٥ ساڵە لەنێوانیاندا واژۆ دەکەن. ئەمەش جۆرێکە لەفشار، بەڵام ئەمریکا، ئەمریکای جاران نییە، ئێستا ناوەوە لەهەموو شتێک گرنگترە، لەدەرەوە چین. 
بۆیە رەنگە برادەرانی رەبع اللە زیاتر سەرقاڵبن لەماوەی داهاتوودا.

وتاری زیاتر

بۆ کۆچ؟‬ د.سەردار عەزیز
2021-11-13 21:32      117 جار بینراوە


بۆچی سەربەخۆکان سەرنەکەوتن؟‬ د.سەردار عەزیز
2021-10-16 17:57      125 جار بینراوە

قەیرانەکانی خێزانی کوردی‬ د.سەردار عەزیز
2021-09-16 13:36      199 جار بینراوە

ناین ئیلێڤن ٩١١‬ د.سەردار عەزیز
2021-09-11 17:27      747 جار بینراوە


کۆمیونیزم و جیهادیزم لەگوند‬ د.سەردار عەزیز
2021-08-27 11:18      146 جار بینراوە

کەوتنی کابول ‬ د.سەردار عەزیز
2021-08-16 19:04      565 جار بینراوە



تڕەکەڵەکی کازمی‬ د.سەردار عەزیز
2021-07-24 15:40      411 جار بینراوە

تارماییەکانی مەکگۆرک‬ د.سەردار عەزیز
2021-07-17 19:27      757 جار بینراوە


ئەردۆگان و یاریی کورد‬ د.سەردار عەزیز
2021-07-10 17:15      404 جار بینراوە

پاش ئەوروپا‬ د.سەردار عەزیز
2021-07-10 10:08      229 جار بینراوە


بایدن و ئەردۆگان پاش دیدار‬ د.سەردار عەزیز
2021-06-18 13:53      134 جار بینراوە

بایدن و ئەردۆگان‬ د.سەردار عەزیز
2021-06-09 10:10      195 جار بینراوە



ئایا خاکی کوردستان فرۆشراوە؟‬ د.سەردار عەزیز
2021-06-02 18:57      178 جار بینراوە

جەمشیدو مەعریفەی بێ رێچکە‬ د.سەردار عەزیز
2021-05-31 14:48      259 جار بینراوە

نەفرەتی بێدەوڵەتیی!‬ د.سەردار عەزیز
2021-05-29 17:57      169 جار بینراوە

ئایا مەترسی لەئارادایە؟‬ د.سەردار عەزیز
2021-05-22 17:55      174 جار بینراوە


دەستوورێک بۆ هەرێم؟!‬ د.سەردار عەزیز
2021-05-10 14:31      197 جار بینراوە

سەما لە سەردەمی بازاڕدا‬ د.سەردار عەزیز
2021-05-03 15:14      174 جار بینراوە

بایدن و جینۆسایدی ئەرمەنی؟‬ د.سەردار عەزیز
2021-05-01 16:30      151 جار بینراوە

قەیرانی گەشە لە کوردستان‬ د.سەردار عەزیز
2021-04-26 18:41      264 جار بینراوە


نوێترین هەواڵەکان

بیروڕا

سۆشیال میدیا

گەلەری

کەشو هەوا

زۆرترین سەردانکراو