شوان كەریم كابان

لەڕۆژی ئازادی و ژیانەوەدا، رۆحی گیانلەبەرێكیان كێشا!

  2021-03-21 23:47      252 جار بینراوە        کۆمێنت

نەورۆز جەژنی دێرینی كوردە، نەك هەر كورد بەڵكو بۆ بەشێكی تری گەلانی ناوچەكەش جەژن و بۆنەیەكی گرنگە. لای كورد جەژنی ئازادی و سەرفرازی و نوێبوونەوەو بەهارە، جەژنی ژیانەوەیە، جەژنی سەرلەنوێ دەستپێكردنەوەی ژیان و رۆح بەبەرا هاتنەوەی سروشتە. لەیەكەم رۆژی ساڵی نوێی كوردیدا و لەرۆژی نەورۆزدا، سەدان هەزار كەس لەكوردستاندا، دەچنە سەیران و گەشت، هەم بۆ ناوچەو شوێنە گەشتیارییەكان، هەم بۆ دەشت و دەریش. ئەمساڵیش ، ٢٠٢١ زاینی و٢٧٢١ كوردی، پاش ئەوەی ساڵی پار بەهۆی كەرەنتینەی كۆرۆنا، كەس نەیتوانی جەژن بكات، ژمارەیەكی ئێجگار زۆر خەڵكی كوردستان روویان كردە سەیرانگاو دەشتودەر، یەكێكیش لەو شوێنانە، دۆڵی خەلەكان بوو. لەو دۆڵەدا لەگەرمەی پشووی خەڵك و ئاهەنگێرانیاندا، دەبێتە تەقەو وێنەیەكی قێزەون دەردەكەوێت كە كەسێكە بەتەقە دوای بەرازێكی فەقیر كەوتووەو دوای ئەوەی چەند گولەیەكی پێوە ئەنێت، دەیكوژێت. ئەو ئاژەڵە كێوییە كە لەوانەیە بەناچاری بۆ ئاو خواردنەوەیەك هاتبێتە لای ئەو جۆگە ئاوەی لەو ناوەیە، یان ویستبێتی لەدەست ئەو قەرەباڵغییە هەڵبێت، لەلایەن مرۆڤێكەوە لەنەورۆزی ژیانەوەدا، ژیانی لێ دەسەندرێتەوە. بەڕاستی جێگای داخ و پەژارەیەكی زۆرە ئاوها بەئاسانی و لەنەورۆزداو بەبەرچاوی دەیان هاووڵاتییەوە كەسێك بێ رەحمانە ئەو كارەبكات.
یەكەم: بۆ دەبێ ئەو كەسە ئەو مافە بەخۆی بدات بڕیاری كوشتنی ئاژەڵێكی كێوی بدات.

دووەم: چۆن ئەبێ كەسێك لەو قەرەباڵغییەدا ئاوها بێ گوێدانە ژیانی خەڵك، تەقە بەناو سەیرانكاراندا بكات.
سێیەم: چۆن دەكرێت بەبەرچاوی ئەو هەموو ژن و منداڵەوە كارێكی لەو جۆرە بكرێت كە رەنگدانەوەی دەروونیی خراپ جێدێڵێت.
چوارەم: یەك هەفتەیە زۆربەی میدیاكان و دەزگا پەیوەندیدارەكان باس لەگرنگیی پاراستنی ژینگەی كوردستان و سروشتەكەی دەكەن، كەچی ئەو كارە قێزەونە لەنەورۆزدا روودەدات.                                                             رۆژێك بەر لەنەورۆز، هەندێك میدیای كوردستان، ئەوەیان بڵاوكردەوە كە لەكوردستان، زیاتر لەدوو سەد رێكخراوی ژینگەپارێز هەن، جگە لەدامەزراوە حكومییەكان، فەرموون بزانم ئەوانەو حكومەتیش بەرامبەر ئەو كارە هەڵوێستیان چی دەبێ؟

 

وتاری زیاتر

عیراق وڵاتی ئینقیلاب!‬ شوان كەریم كابان
2022-08-30 20:54      118 جار بینراوە

شیمال ئەلعیراق‬ شوان كەریم كابان
2022-08-02 21:59      90 جار بینراوە


بەهیوای دیدار‬ شوان كەریم كابان
2022-06-05 10:14      65 جار بینراوە







راستییەکان ناشاردرێنەوە‬ شوان كەریم كابان
2022-03-12 13:45      127 جار بینراوە



رەوتی سەدر چی دەوێ؟‬ شوان كەریم كابان
2022-02-22 18:57      114 جار بینراوە

ئاسایش بۆ کێ؟‬ شوان كەریم كابان
2022-02-20 16:54      103 جار بینراوە

سلێمانی نزیکترە یان نەجەف؟‬ شوان كەریم كابان
2022-02-05 20:14      108 جار بینراوە

ئاواتەکەی شەھد‬ شوان كەریم كابان
2022-01-08 16:35      120 جار بینراوە


وەرزش وسیاسەت‬ شوان كەریم كابان
2021-12-21 15:14      160 جار بینراوە

میدیای سەدەی بیست و یەک‬ شوان كەریم كابان
2021-12-19 17:32      150 جار بینراوە



نامرن ئەوانە‬ شوان كەریم كابان
2021-11-21 23:07      118 جار بینراوە




هەڵبژاردن وگومانەكان!‬ شوان كەریم كابان
2021-10-21 22:09      105 جار بینراوە




نوێترین هەواڵەکان

بیروڕا

سۆشیال میدیا

گەلەری

کەشو هەوا

زۆرترین سەردانکراو