شوان كەریم كابان

چەند بیرەوەرییەك لەڕۆژانی پڕشكۆی بەر لەڕاپەڕین و راپەڕین

  2021-03-20 14:33      301 جار بینراوە        کۆمێنت

یانزەیەم
لەبری ئەوەی ئەو شەوە درەنگ لەسلێمانی بین، لەئێوارەیەكی زووەوە لەو مەرزەی كانی خان بەدیوی ئێراندا گیرمان خواردو بەفریشمان لێ باری. بەهەموو حسابێك وامان دانابوو نانی ئێوارە گەر شەویش درەنگ بێ لە سلێمانی بخۆین، بەڵام بۆچونەكەمان كورتی هێنا. هەوا زۆر ساردبوو، بۆئەوەی گەرممان بێتەوە ، جار جار شۆفێری پاسەكە سلفێكی لەسەیارەكە ئەداو پێنج دەقەیەك گەرمییەكەی دادەگیرسان، شتێك گەرمی پێ دەبەخشین. وردە وردە برسیمان بوو، نانیشمان نەخواردایە كێشە نەبوو، بەڵام لەكاتی وادا زۆرتر برسیت ئەبێ، هەندێ هەڤاڵ پسكیتیان پێ بوو، كەوتینە پسكیت خواردن، لەپڕ لایت لەدەرەوە لەلای راستی سەیارەكە دەركەوت، پرسیار كرا ؛ كەسی خۆمان نەچۆتە دەرێ، وەڵام نەخێر بوو. لەپڕ لەدەرگای پاسەكە درا، نزیكترین كەس كردییەوە، سەیرمان كرد دوو پاسدار بوون، شتیان بەدەستەوە بوو، سڵاویان كردو بەشێوە زمانی كوردی لوڕی گوتیان؛ ئەو نان و خورمایەمان بۆ هێناون، بەخوا هەر ئەوەشمان هەیە دەبێ ببورن. بەسوپاسەوە لێمان وەرگرتن و زۆریش مەمنون بووین. دەرگا داخرایەوەو رەحمەتی كاك قادری حاجی عەلی گوتی؛ جەماعەت من شتێكم پێیە لەبەر بێ نانی باسم نەكرد، بەڵام مادام نان پەیدابوو، ها بەشی بكەن و بیخۆن، بەشی خۆشم بەن. قابلەمەیەك گۆشتی سوورەوەكراو بوو هەر كێلۆو نیوێك دەبوو. خواردن ئێوارە پەیدا بوو، هەرچەندە شەویش بوو. نان و خورماو گۆشت خورا. گەیشتینە سەعات یانزە وردە وردە بێدەنگی دروستبوو، ئەگەر چی خەیاڵی ئیزگەو راپەرین هەر لەخەیاڵماندا بوو بەهۆی رادیۆی هەڤاڵانەوە ئاگاداری گۆرانكاڕییەكان بووین،  هەندێ هەڤاڵ وەنەوزیان ئەداو بەتەما بوون بخەون، بەڵام ئەو خەونە مەحاڵ بوو. كاك حاكم برایم كە لە ئیزگە كاری دەكرد، خاتوو شكریەی هاوسەریشی لەگەڵی بووكە لەخانەوادەیكی شەهیدپەروەرو تێكۆشەرەو خۆشی تێكۆشەری رێی كوردایەتی بوو، كوڕەكەیان هەر چوار پێنج مانگ تەمەنی بوو، یەك بینە دەگریا، نەیەهێشت كەس بخەوێ، پرسیارم كرد بۆ دەگری؟ شوكری خان گوتی ئاوی گەرمی نەماوە بۆ شیرو حیسابی ئەم مانەوەیەمان نەكردبوو. منیش گوتم چارەی ئاوی گەرم ئەكەم، برادەران پێیان سەیر بوو. بەكاك فوئادم گوت كە سەرپەرشتی كۆكردنەوەی كەلوپەلەكانی ئیزگەی  كردبوو؛ ئەزانی قاپ و مەنجەڵاكان لەكوێی لۆرییەكەدایە؟ گوتی بەڵێ لەژێر مێزەكاندایەو زۆریش لەپشتی لۆرییەكەوە دوور نییە. وتم با بڕۆین. پێكەوە بەلایتەوە چووینە خوارێ و چووینە نێو لۆرییەكەو لەژێر مێزەكاندا لەدووەم گوێنیدا، تاویەكی نیوە قابلەمەمان دۆزییەوە كە قوڵییەكی باشی هەبوو. لەدەرەوە لەپانتاییەكی پاكی ئەو بەفرەلوكەیەی باریبوو، پڕمان كردو گەڕاینەوە نێو پاسەكە. برادران گوتیان ؛ ئەوە بەچی ئەتوێنیتەوەو گەرمیشی ئەكەیت؟ وتم چاوەڕێ بن. یەك دەستە مۆمم دەرهێنا لەجانتاكە، بەشی سەرەوەی نایلۆنەكەم لێ كردەوە بەپەڕۆیەك گرتم و لەناوەراستی پاسەكەدا دانیشتم ، كاك فوئادیش بەرامبەرم بەتاوەكەوە، مۆمەكانمان لەژێر تاوەكەدا داگیرساند، وردە وردە بەفرەكە كەوتە توانەوە، ماوەیەكی پێچوو، بەدەم قسەو باسەوە ئاوەكە گەرم بوو ، دامانە شوكری خان، شیرێكی باشیان بۆ گرتەوەو دایان بەمناڵەكەو پاش تەواوكردنی شیرەكە، خەوی لێكەوت و بێدەنگی باڵی بەسەر نێو باسەكەدا كێشا.  تائێستا كە لەگەڵ كاك حاكمدا یەك ئەبینین باس لەو شەوە دەكات. ئەوشەوەمان لەوێ بردە سەر، هەروەها رۆژی دواتریش تا پاشنیوەڕۆ تراكتۆرێكی سوپای پاسداران هات بۆ راكێشانی لۆرییەكە.

 

وتاری زیاتر

عیراق وڵاتی ئینقیلاب!‬ شوان كەریم كابان
2022-08-30 20:54      116 جار بینراوە

شیمال ئەلعیراق‬ شوان كەریم كابان
2022-08-02 21:59      90 جار بینراوە


بەهیوای دیدار‬ شوان كەریم كابان
2022-06-05 10:14      65 جار بینراوە







راستییەکان ناشاردرێنەوە‬ شوان كەریم كابان
2022-03-12 13:45      127 جار بینراوە



رەوتی سەدر چی دەوێ؟‬ شوان كەریم كابان
2022-02-22 18:57      113 جار بینراوە

ئاسایش بۆ کێ؟‬ شوان كەریم كابان
2022-02-20 16:54      102 جار بینراوە

سلێمانی نزیکترە یان نەجەف؟‬ شوان كەریم كابان
2022-02-05 20:14      108 جار بینراوە

ئاواتەکەی شەھد‬ شوان كەریم كابان
2022-01-08 16:35      120 جار بینراوە


وەرزش وسیاسەت‬ شوان كەریم كابان
2021-12-21 15:14      160 جار بینراوە

میدیای سەدەی بیست و یەک‬ شوان كەریم كابان
2021-12-19 17:32      150 جار بینراوە



نامرن ئەوانە‬ شوان كەریم كابان
2021-11-21 23:07      118 جار بینراوە




هەڵبژاردن وگومانەكان!‬ شوان كەریم كابان
2021-10-21 22:09      105 جار بینراوە




نوێترین هەواڵەکان

بیروڕا

سۆشیال میدیا

گەلەری

کەشو هەوا

زۆرترین سەردانکراو