شوان كەریم كابان

چەند بیرەوەرییەك لەڕۆژانی پڕشكۆی بەر لەڕاپەڕین و راپەڕین

  2021-03-06 22:37      251 جار بینراوە        کۆمێنت

چوارهەم
شەوی شەش لەسەر حەوتی (3/1991) شەوێكی پڕ دڵەڕاوكێ و چاوەڕوانی بوو بۆ هەموو لایەك، بروسكەی زمناكۆ بۆ ئازاد نێردرابوو  كە دەڵێ ٧ ی مانگ زەماوەند بكەن، ئێمەش دەگەینە لاتان. مەبەست ئەوە بوو لەسلێمانی راپەڕین دەست پێبكرێ، هەموو ترسمان لەوە بوو رژێمی بەعس زۆر توندو بەهەموو هێزی و هەموو چەكێك رووبەڕووی جەماوەرو پێشمەرگەو رێكخستنەكان و هەموو بەشداربووانی راپەڕینەكە بێتەوە، گەرچی دەشزانرا كە بەهۆی هێرشی هاوپەیمانانەوە گورزی گورچكبڕ بەر هێزەكانی رژێم كەوتبوو هەموویان بێ ورەو بێ ئومێد ببوون. لەڕێی بێتەلەوە هەواڵی دەستپێكردنی راپەڕین لەسلێمانی گەیشت، ٤١ مەترییەكە هەواڵەكەی راگەیاند، پەیتا پەیتا هەواڵی گرتنی دامودەزگا داپڵۆسێنەرەكانی رژێم لەناو شاری سلێمانی و دەوروبەری دەهات. لە ٤١ مەترییەكە ببووە هەڵا، كاك باست و كاك عباس ئەلبەدری، خۆمان گوتەنی گەرمیان كردبوو، لەگەڵ خوێندنەوەی هەواڵەكانی راپەڕین وەك بروسكە هەواڵ، چەندین پەخشانە شیعری پیاهەڵدان و دەستخۆشیش لەنێوانیاندا دەخوێندرایەوە. هەڤاڵانی ٤١ مەترییەكە لەڕێی بێتەلەوە ئاگاداریان كردین، كە كۆی هەواڵەكانی راپەڕین، لای ئێمە ٧٥ مەترییەكە بخوێندرێتەوە. هەواڵەكان تا دەمەو عەسر دەگەیشتن، زۆر شوێن گیراوو ئازاد كرابوون، چاو لەسەر بارەگای ئەمنە سوورەكە بوو، كە بەپێی بروسكەكان نزیكەی چوارسەد بەرپرسی رژێم و پیاوەكانی خۆیان تیا حەشار دابوو. تا پەخشی ٧٥ مەترییەكەش دەستی پێكرد، ئەمنە سوورەكە هەر نەگیرابوو. ئەوشەوە بەداڕشتنەوەی نوێوەو بەترش و خوێوە هەواڵی ئەو شوێنانەی بەڕۆژ ئازادكرابوون و گیرا بوون و بەهەواڵە نوێكان و هەواڵی شەهیدو بریندارەكانی پێشمەرگەو خەڵك، سەر لەئێوارەو شەو چەندینجار بڵاو كرانەوەو تا راگرتنی پەخشیش لەدوای نیوە شەو، هەواڵی نوێ لەبارەی ئەمنە سوورەكە نەبوو، تەنیا ئەوە نەبێ، شەڕ بەردەوامەو پیاوانی رژێم لەنێو بیناكەدا بەرگری دەكەن و هاوەنبارانی ناو شاری سلێمانیش دەكەن.                                 ئەو شەوەو رۆژی ٣/٨ چاوەڕێی هەواڵێ نوێ بووین، هەروەها هەواڵێك لەسەركردایەتییەوە هات كە ئەگەری ئەوە هەیە، ستافی ٤١ مەترییەكە پاش چەند رۆژێك بچێتە رانییە، پاشان پاش تەواو رزگاربوونی سلێمانی، ٧٥ مەترییەكەش دەبێ بەڕێبكەوێ بۆ ناو شار. ئەو هەواڵەمان زۆر پێ خۆش بوو و هەموو چاوەرێی رۆژی بەڕێكەوتن بووین.

 

وتاری زیاتر

عیراق وڵاتی ئینقیلاب!‬ شوان كەریم كابان
2022-08-30 20:54      116 جار بینراوە

شیمال ئەلعیراق‬ شوان كەریم كابان
2022-08-02 21:59      90 جار بینراوە


بەهیوای دیدار‬ شوان كەریم كابان
2022-06-05 10:14      65 جار بینراوە







راستییەکان ناشاردرێنەوە‬ شوان كەریم كابان
2022-03-12 13:45      127 جار بینراوە



رەوتی سەدر چی دەوێ؟‬ شوان كەریم كابان
2022-02-22 18:57      113 جار بینراوە

ئاسایش بۆ کێ؟‬ شوان كەریم كابان
2022-02-20 16:54      102 جار بینراوە

سلێمانی نزیکترە یان نەجەف؟‬ شوان كەریم كابان
2022-02-05 20:14      108 جار بینراوە

ئاواتەکەی شەھد‬ شوان كەریم كابان
2022-01-08 16:35      120 جار بینراوە


وەرزش وسیاسەت‬ شوان كەریم كابان
2021-12-21 15:14      160 جار بینراوە

میدیای سەدەی بیست و یەک‬ شوان كەریم كابان
2021-12-19 17:32      150 جار بینراوە



نامرن ئەوانە‬ شوان كەریم كابان
2021-11-21 23:07      118 جار بینراوە




هەڵبژاردن وگومانەكان!‬ شوان كەریم كابان
2021-10-21 22:09      105 جار بینراوە




نوێترین هەواڵەکان

بیروڕا

سۆشیال میدیا

گەلەری

کەشو هەوا

زۆرترین سەردانکراو