شوان كەریم كابان

چەند بیرەوەرییەك لەڕۆژانی پرشكۆی بەر لەڕاپەڕین و راپەرین

  2021-03-06 16:05      257 جار بینراوە        کۆمێنت

سێهەم
هەموومان لەچاوەڕوانیدا بووین كەی عەدەد جیهازەكە بەڕاكردن بێت و بڵێ؛ دەستیپێكرد. ئەو چەند رۆژە بەرنامە ئاساییەكان و بانگەوازەكان و بەیاننامەو رێنماییەكان چەندجارێ پەخشدەكران. عەسران سەعات چوار  بێژەری كوردی لە ٤١ مەترییەكە ماڵئاوایی دەكردو بەهەموو لایەكی رادەگەیاند كە بەرنامەكانی ئیزگەی دەنگی گەلی كوردستان لەشەپۆلی٧٥ مەترییەكەوە بەردەوام دەبێت، دەستدەكرا بە پەخش بەئومێدی گەیشتنی هەواڵی نوێ. هەردوو ستاف و پەخشەكە چاویان لەوەبوو شەرەفی بڵاوكردنەوە هەواڵی دەستپێكردنی راپەرین بەوان ببڕێت. دەرەنجام ئەو تاجە ستافی ٤١ مەترییەكە نایە سەری و بەیانی (5/3/1991) لەئیزگەكەی شۆڕشەوە كاك باست حەمە غەریبی بێژەر كە پێشتر عەدەد جیهازی تیپی ٣٧ی شارباژێڕ بوو لەكۆتایی ١٩٨٧ دا هاتبووە ئیزگە، بانگی دەستپێكردنی راپەرینی لەشاری رانییە دا و ئیتر قورگ و قەڵەم، بەكوردی، كرمانجی خواروو ژورو، عەرەبی، كەوتنە كار بۆ بڵاوكردنەوەو رازاندنەوەی هەڵمەتی پێكەوەیی خەڵك و پێشمەرگەو رێكخستنەكان و مەفرەزە پارتیزانەكان و هەموو ئەوانەی بەشداربوون. ٤١ مەترییەكە پێ بەپێ هەواڵی رزگاركردنی بست بەبستی شاری رانییەی بڵاودەكردەوە. ئێمە  ستافی ٧٥ مەترییەكەش ئاواتە خوازبووین تا سەعات چوار شتێك بۆ ئێمەش بمێنێتەوە تاكو بەقەولی خۆمان كاك چیای بێژەر فوی پیابكات. بەڵام جەماوەرو پێشمەرگەو قارەمانە راپەڕیوەكانی شاری رانییە، تا عەسر هەموو شارەكەیان كۆنترۆڵكرد. 
٧٥ مەترییەكە تادرەنگانی شەو بەچڕو پڕی بەكوردی و عەرەبی چەندجارێك هەواڵی هەموو قۆڵ و هەڵمەتەكانی رانییەی پەخشكردو ئەو شەوە بەئومێدی بەردەوامبوونی راپەڕین پەخش راگیرا.                                                  بەیانی(6/3) هەواڵی راپەڕین لەتەكیەو بازیانەوە لەڕێی لاسلكییەوە گەیشت و ٤١ مەترییەكە بەلێدانی موسیقاو سرودی ئاسوودەبن و مۆسیقای مارشەوە، كردی بەهەڵڵاو ئەو سەروەرییەشی بۆ خۆی برد. تا دەمەو عەسر پەیتا پەیتا هەواڵی تازە دەهات، كە ٧٥ مەترییەكە كەوتە كار هێشتا هەواڵی رزگار كردنی هەندێ شوێن و ناوچەی تر مابوو،  تادرەنگانی شەو لەگەڵ بانگەوازی تازەو ئاگاداری نوێ و رێنمایی نوێ كە لەسەركردایەتی راپەڕینەوە دەگەیشتن بڵاودەكرانەوە.                                                     شوێنی كارو مانەوەی هەردوو ستاف ٤١ و٧٥ مەتری لەزەڵێ و سەقز زۆر بچووك بوو بەتایبەت شوێنی ٤١ مەترییەكە، شوێنی نووسین و پەخش و ئامێری پەخش یەك ژوور بوو، بەشێوەیەك كە دەنگی كوڵانی ئاو فیشكەی كتری و تەقە تەقی سەرقاپەكەی بەهۆی هەڵمەوە، مایكرۆفۆنی بەردەم بێژەر وەری بگرێ. لای ٧٥ مەترییەكە شتێ باشتر بوو، ژووری پەخش جیابوو، ژوورەكەی تر نووسەرو بێژەرو ئەنساتی تێدابوو، بەهێدفۆن گوێمان لەئیزگەكانی دەنگی ئەمریكا، مۆنتی كارلۆ، بی بی سی، ئیسرائیل و هەندێ ئیزگەی تر دەگرت و یەكسەری هەواڵە گرنگەكانمان تەرجومە دەكرد بەداڕشتنەوەو دەدرا بەبێژەرەكان بۆ خوێندنەوەیان. ئەوەی بۆ ئێمە مایەی خۆشحاڵی و شانازیش بوو، بڵاوكردنەوەی هەندێ هەواڵی راپەڕین بوو لەلایەن ئەو ئیزگانەوە لەزمانی ئیزگەی دەنگی گەلی كوردستانەوە.

 

وتاری زیاتر

عیراق وڵاتی ئینقیلاب!‬ شوان كەریم كابان
2022-08-30 20:54      118 جار بینراوە

شیمال ئەلعیراق‬ شوان كەریم كابان
2022-08-02 21:59      90 جار بینراوە


بەهیوای دیدار‬ شوان كەریم كابان
2022-06-05 10:14      65 جار بینراوە







راستییەکان ناشاردرێنەوە‬ شوان كەریم كابان
2022-03-12 13:45      127 جار بینراوە



رەوتی سەدر چی دەوێ؟‬ شوان كەریم كابان
2022-02-22 18:57      114 جار بینراوە

ئاسایش بۆ کێ؟‬ شوان كەریم كابان
2022-02-20 16:54      103 جار بینراوە

سلێمانی نزیکترە یان نەجەف؟‬ شوان كەریم كابان
2022-02-05 20:14      108 جار بینراوە

ئاواتەکەی شەھد‬ شوان كەریم كابان
2022-01-08 16:35      120 جار بینراوە


وەرزش وسیاسەت‬ شوان كەریم كابان
2021-12-21 15:14      160 جار بینراوە

میدیای سەدەی بیست و یەک‬ شوان كەریم كابان
2021-12-19 17:32      150 جار بینراوە



نامرن ئەوانە‬ شوان كەریم كابان
2021-11-21 23:07      118 جار بینراوە




هەڵبژاردن وگومانەكان!‬ شوان كەریم كابان
2021-10-21 22:09      105 جار بینراوە




نوێترین هەواڵەکان

بیروڕا

سۆشیال میدیا

گەلەری

کەشو هەوا

زۆرترین سەردانکراو