د.سەردار عەزیز

پاش هێرشەکەی هەولێر، چی دەگوزەرێت؟

  2021-02-20 21:26      175 جار بینراوە        کۆمێنت

پاش هێرشی میلیشیا عیراقییەکان بۆ سەر هەولێر، دۆخێکی پڕ لەچاوەڕوانی و مشتومڕ دروستبووە، ئەوەی ئەو شەوە روویدا پەیامی روونی ئێران بوو بۆ ئەمریکا. 
لەو ڕۆژەوە پرسیارەکە ئەوەیە ئایا ئەمریکا چی دەکات؟ هەتا ئێستا ناروونییەک هەیە، ئەوەی راستەوخۆ لە واشنتۆنەوە هاتووە، پەیامێکی ناڕوونە، کە تێکەڵەیەکە لەمافی بەرپەرچدانەوەو دیپلۆماسی. ئەگەر ئەمە بەمشێوەیە بمێنێتەوە ئەوا ئیدارەی بایدن زۆر بەلاوازی دەردەکەوێت، عەرەبەکانی کەنداو ترسی ئەوەیان لێ نیشتووە کە ئەمە ببێت بەئەمری واقیع. 
سەرەتا پاشخانێک بەدۆخەکە دەدەین پاشان ئاماژە بەجوڵەکان دەکەین ئینجا چەند پەیڤێکی کورت لەسەر ئەگەرەکان.
پاشخان
لە ئەمریکا دوو بەرە دروستبووە. بەرەیەک کە چەپە، دژ بەئیسرائیل و( عەرەب)، یان سعودیەیە. ئەمە بەرەیە نزیکە لەئێرانەوە، کۆمەڵێک چەمکی هەڵگرتووە کە خۆی لەدژە کۆلۆنیالی و کەپیتالیزمی بەرپرس لەهەموو خراپەکان و شکستی جەنگ لەچارەسەری کێشەکان. هەروەها بوارێکی فراوانی بۆ لۆبیی ئێرانی رەخساندووە کە کاری خۆی بکات لەبوارو ئاستی جیاوازدا. هەندێک کەسێكی وەک ڕۆبەرت مالی زۆر نزیک لەم بەرەیە دەبینن. مالی هەتا ئێستا تاکە کەسە کە زۆرترین مشتومڕی بەدوای خۆیدا هێنابێت، لەنێو هەموو کەسایەتییەکانی ناو ئیدارەی ترەمپ. 
بەرەیەکی تر دۆستی ئیسرائیل و عەرەبەکانی کەنداون و ئێران بەمەترسی بۆ بەرژەوەندی ئەمریکاو هاوپەیمانەکانی لەقەڵەم دەدەن. ئەم بەرەیە کۆنەو زیاتر لەکۆمارییەکانەوە نزیکە. 
زاڵبوونی ئەم بەرەی چەپ و ئیسلامییە، هۆکاری ئەوەیە کە دیموکراتەکان هەوڵدەدەن لەپێگەی ئیسرائیل کەمبکەنەوە. ئۆباما تاکە سەرۆک بوو کە سەردانی ناوچەی رۆژهەڵاتی ناوەڕاستی کرد، بەبێ ئەوەی سەردانی ئیسرائیل بکات. دواکەوتنی تەلەفۆنەکەی نێوان بایدن و نەتانیاهۆ بەگشتی لەم ڕوانگەیەوە دەخوێندرایەوە. هەموو ئەمانە تەبایە لەگەڵ هەوڵی کەمکردنەوەی بایەخی رۆژهەڵاتی ناوەڕاست لای ئەمریکییەکان. 
کەواتە لەئاستی سەرزەمینی فیکریدا وەرچەرخانێک هەیە. بەڵام واقیع شتێکی ترە.
ئێستا چی دەگوزەرێت 
بایدن و نەتانیاهو بۆ ماوەی کاژێرێک قسەیانکرد. لێدوانەکانیش وەهان کە تەلەفونێکی زۆر باش بووە. دیارە کاتەکەی ئاماژەی ئەوەمان ئەداتێ کە پرسی چۆنێتی مامەڵە لەگەڵ ئێراندا کرۆکی پەیوەندییە تەلەفۆنییەکە بووە. رەنگە رووداوەکەی هەولێر پاڵنەری ئەم پەیوەندییە بووبێت. بلینکن پەیوەندی بە کازمییەوە کردووە، کە هاوکاری بکات لەدۆزینەوەی بەرپرسانی هێرشەکە. ئەمە خۆی لەجۆرێک لەنوکتە دەچێت، چونکە نە کازمی توانای ئەوەی هەیە و نە ئەنجامدەرانیش نهێنین. ئاشکرابوونی ئەنجامدەران بەشێکە لەناردنی پەیامی سیاسی رووداوەکە. 
لەهەمانکاتدا وەزیری دەرەوەی ئەمریکا داوای لە بەریتانیا و ئەڵمانیاو فەرەنسا کردووە کە هەتا سێشەممە وەڵامی بدەنەوە، بۆئەوەی چی بکەن بەرامبەر ئێران. ئەمە جەختکردنەوەیە لەسەر ئەو پەیمانەی کە ئیدارەی بایدن دای کە بەتەنهایی و بێ هاوپەیمانانی هیچ هەنگاوێک نانێت.
رۆژی هەینی یانی سبەینێ کۆنفرانسی ئاسایشی میونخ بەشێوازی ئۆنلاین دەست پێدەکات. وەها چاوەڕوان دەکرێت کە پرسی ئێران کرۆکی پەیامەکانی بایدن و مێرکڵ و ئەوانی تر بێت. 
دیداری ئەم جارەی میونخ وەها دەردەکەوێت کە پەیامی سەردەمێکی نوێ بێت. بەلای سازدەرانی کۆنفرانسەکەوە، سەردەمی ترەمپ سەردەمی ناڕۆژئاواییبون بوو. بەڵام ئێستا ئەو سەردەمە تێپەڕێنراوە. لە نامەیەکدا کە بە ئیمەیڵ نێردراوە، ئەوە روونکراوەتەوە. 
Dear friends of the MSC,Joe Biden, Angela Merkel, Emmanuel Macron, Boris Johnson, António Guterres, Jens Stoltenberg, Ursula von der Leyen, Charles Michel, Tedros Adhanom Ghebreyesus, John F. Kerry, and Bill Gates will participate at the event titled "Beyond Westlessness: Renewing Transatlantic Cooperation, Meeting Global Challenges."
شایانی باسە هەتا ئێستا ئێران و ئەمریکا راستەوخۆ لەپەیوەندیدا نەبوون. قەتەر لەهەوڵی میانگیریدایەو لەگەڵ هەردوولادا لەپەیوەندیدا بووە. مێرکڵ پەیوەندی بە ڕۆحانیەوە کردووە. ئێرانییەکان دەیانەوێت لەهەموو ئاستێکدا فشار بکەن هەتا ئەمریکا ناچاربێت بەبێ مەرج بگەڕێتەوە بۆ ڕێککەوتنە کۆنەکە. بەڵام وەها دەرناکەوێت. 
ئەگەری چی هەیە؟
ئەوەی جێگای سەرنجە فشارە فرە ئاستەکانی ئێرانە، وەک ڕێگایەک بۆ ناچارکردنی ئەمریکا بۆ گەڕانەوە بۆ رێککەوتنەکە. ئێران لەئاستی فەرمی، لەئاستی دەزگایی، ئای ئی ئەی ernational Atomic Energy Agency (IAEA)، هەروەها بە ناڕاستەوخۆ لەهێرشەکەی هەولێر لەفشاردایە. ئەم لۆجیکە هەتا ئاستێک جێگای سەرنجە. ئایا ئەمریکا بەفشار ناچار دەبێت بەگەڕانەوە بۆ رێککەوتنەکە. یان هیرشەکان دۆخەکە قورستر دەکەن. دیارە ئەوروپییەکان دەیانەوێت لەگەڵ ئێراندا رێککەوتن هەبێت، بۆئەوەی دەستکەوتی ئابووری بەدەستبهێنن. بەڵام ئەمە بۆ ئەمریکا وەها نییە. ملکەچبوونی ئەمریکا بە فشار، زۆر لەبەردەم ڕوسیا و چین و تورکیادا لاوازی دەکات. جگە لەهێزەکانی تری دۆستی نیگەران دەکات 
ئەمریکا لەمڕووەوە لەدۆخێکی بێرەو بردەدایە. لەکاتێکدا وەها دەردەکەوێت فشار دەکات لەسەر سعودیە، بەڵام لەهەمانکاتدا لەڕووی سەربازییەوە لەپەیوەندیدان بۆ پتەوکردنی زیاتر پەیوەندییەکە.
هەتا ڕۆژانی داهاتوو ناوچەکەو دونیا چاوەڕوان و نیگەرانن. ئایا بایدن ناچار دەکرێتەوە بە قوڕو لیتەی رۆژهەڵاتی ناوەڕاست یان دەتوانێت لێی قوتاربێت.


وتاری زیاتر

بۆ کۆچ؟‬ د.سەردار عەزیز
2021-11-13 21:32      117 جار بینراوە


بۆچی سەربەخۆکان سەرنەکەوتن؟‬ د.سەردار عەزیز
2021-10-16 17:57      125 جار بینراوە

قەیرانەکانی خێزانی کوردی‬ د.سەردار عەزیز
2021-09-16 13:36      199 جار بینراوە

ناین ئیلێڤن ٩١١‬ د.سەردار عەزیز
2021-09-11 17:27      747 جار بینراوە


کۆمیونیزم و جیهادیزم لەگوند‬ د.سەردار عەزیز
2021-08-27 11:18      146 جار بینراوە

کەوتنی کابول ‬ د.سەردار عەزیز
2021-08-16 19:04      565 جار بینراوە



تڕەکەڵەکی کازمی‬ د.سەردار عەزیز
2021-07-24 15:40      411 جار بینراوە

تارماییەکانی مەکگۆرک‬ د.سەردار عەزیز
2021-07-17 19:27      757 جار بینراوە


ئەردۆگان و یاریی کورد‬ د.سەردار عەزیز
2021-07-10 17:15      404 جار بینراوە

پاش ئەوروپا‬ د.سەردار عەزیز
2021-07-10 10:08      229 جار بینراوە


بایدن و ئەردۆگان پاش دیدار‬ د.سەردار عەزیز
2021-06-18 13:53      134 جار بینراوە

بایدن و ئەردۆگان‬ د.سەردار عەزیز
2021-06-09 10:10      195 جار بینراوە



ئایا خاکی کوردستان فرۆشراوە؟‬ د.سەردار عەزیز
2021-06-02 18:57      178 جار بینراوە

جەمشیدو مەعریفەی بێ رێچکە‬ د.سەردار عەزیز
2021-05-31 14:48      259 جار بینراوە

نەفرەتی بێدەوڵەتیی!‬ د.سەردار عەزیز
2021-05-29 17:57      169 جار بینراوە

ئایا مەترسی لەئارادایە؟‬ د.سەردار عەزیز
2021-05-22 17:55      174 جار بینراوە


دەستوورێک بۆ هەرێم؟!‬ د.سەردار عەزیز
2021-05-10 14:31      197 جار بینراوە

سەما لە سەردەمی بازاڕدا‬ د.سەردار عەزیز
2021-05-03 15:14      174 جار بینراوە

بایدن و جینۆسایدی ئەرمەنی؟‬ د.سەردار عەزیز
2021-05-01 16:30      151 جار بینراوە

قەیرانی گەشە لە کوردستان‬ د.سەردار عەزیز
2021-04-26 18:41      264 جار بینراوە


نوێترین هەواڵەکان

بیروڕا

سۆشیال میدیا

گەلەری

کەشو هەوا

زۆرترین سەردانکراو