شوان كەریم كابان

ئەوەی روودەدات وەرزش نییە!

  2021-02-14 17:03      269 جار بینراوە        کۆمێنت

ئەگەرچی ئێستا وەرزش لەزۆربەی هەرە زۆری وڵاتان بۆتە سەرچاوەی داهات و بازرگانی، بەڵام هەر ئەو مانایەی لەدەست نەداوە كە ئامرازێكە بۆ دۆستایەتی و رێزی یەك گرتن، ئەمە جگەلەوەی باڵوێزی وڵاتانە بۆ جیهان.  
وەرزش لەهەرێمی كوردستان بەهۆی بارودۆخی خراپی دارایی و هەروا سیاسیشەوە، وەك هەموو كایەكانی تری ژیان، تزوشی قەیران بووە. هەندێ یانە لەبەر نەبوونی سەرچاوەی داهات، هەڵوەشێنرانەوە، هەندێكی تر بەشێوەیەك تووشی قەیران بوون، شتێكیان ماوە لەكار بكەون و بەشێكیشیان ناتوانن وەك پێویست مووچەی یاریزانەكانیان بەتەواوی بدەن، یان مەسرەفی یانەكەیان بكەن. هەندێكیشیان بەهۆی دەستگیرۆكردنیان بارودۆخیان باشە. لەگەڵ هەموو ئەوانەشدا، پەتای كۆرۆنا گرفتێكی تری بەردەم چالاكییە وەرزشییەكان بوو ئێستا وردە وردە دەستییان پێكردۆتەوە، بەتایبەت تۆپی پێ كە خولەكانی هەفتانە بەڕێوەدەچن. ئەوەی مایەی سەرنج و تێڕامانە، ئەو گرژی و ئاڵۆزیانەیە كە لەچوارچێوەی هەندێك لەیارییەكاندا روودەدەن تائاستی شەڕە دەست و پەلاماردانی یەكترو هێرشكردنە سەر ناوبژیوانەكان و رۆژنامەوانان. لەیارییەكانی خولی نایابی تۆپی پێی هەرێمی كوردستان لەهەفتەی رابوردوو، لەچەند یارییەكدا گرژی و ئاڵۆزی و شەڕ روویاندا كە شایستەی ئەو چالاكییە گرنگە نین، لەهەموو ئەو یارییانەدا، بەشێوەیەكی ناشارستانی هێرش پەلامار روویانداو ژمارەیەكی زۆر هاندەریش چوونە نێو گۆڕەپانەكان و بەشداری شەڕو ئاژاوەكان بوون. هەروەها ئێستا لەزۆربەی یارییەكاندا زۆر بەئاسانی هاندەران دەتوانن بچنە نێو گۆڕەپانی یارییەكەو سەر لەیاریزان و ناوبژیوانیش تێكبدەن.
شەڕو ئاژاوەو گەڕەلاوژێی نێو یاریگاكان خەریكە دەبێتە دیاردەو ئەو چالاكییە گرنگە ناشیرین دەكات و تێكدەدات، بۆیە ئەركی لایەنی پەیوەندیدارە، بەر لەپەرەسەندنی ئەو بارودۆخە بگرێت و سنوورێك بۆ ئاژاوەی نێو یاریگاكان بگرێت تاكو وەرزش هەر بەجوانی و گەورەیی بمێنێتەوە.

 

وتاری زیاتر

عیراق وڵاتی ئینقیلاب!‬ شوان كەریم كابان
2022-08-30 20:54      196 جار بینراوە

شیمال ئەلعیراق‬ شوان كەریم كابان
2022-08-02 21:59      168 جار بینراوە


بەهیوای دیدار‬ شوان كەریم كابان
2022-06-05 10:14      117 جار بینراوە







راستییەکان ناشاردرێنەوە‬ شوان كەریم كابان
2022-03-12 13:45      200 جار بینراوە



رەوتی سەدر چی دەوێ؟‬ شوان كەریم كابان
2022-02-22 18:57      166 جار بینراوە

ئاسایش بۆ کێ؟‬ شوان كەریم كابان
2022-02-20 16:54      155 جار بینراوە

سلێمانی نزیکترە یان نەجەف؟‬ شوان كەریم كابان
2022-02-05 20:14      173 جار بینراوە

ئاواتەکەی شەھد‬ شوان كەریم كابان
2022-01-08 16:35      174 جار بینراوە


وەرزش وسیاسەت‬ شوان كەریم كابان
2021-12-21 15:14      217 جار بینراوە

میدیای سەدەی بیست و یەک‬ شوان كەریم كابان
2021-12-19 17:32      197 جار بینراوە



نامرن ئەوانە‬ شوان كەریم كابان
2021-11-21 23:07      168 جار بینراوە




هەڵبژاردن وگومانەكان!‬ شوان كەریم كابان
2021-10-21 22:09      154 جار بینراوە




نوێترین هەواڵەکان

بیروڕا

گەلەری

کەشو هەوا

زۆرترین سەردانکراو