شوان كەریم كابان

چارەسەر بدۆزنەوە!

  2021-01-02 21:23      263 جار بینراوە        کۆمێنت

 

بەهەر هۆیەك بێ، هەق بێ یا ناهەق، خەتای هەرچییەك بێ، نزیكەی شەش ساڵ دەبێ، پەیوەندی نێوان هەرێم و حكومەتی فیدرال، هێندە خراپە كەس بەخیلیان پێ نابا، بەشێوەیەك بەغدا جگەلەوەی بودجەی بڕی بەهۆی كێشەی نەوت لەنێوان هەردوولاو بەهۆی ریفراندۆمیشەوە، جگە لە بەكارهێنانی چەكی ئابڵوقە، چەكی راستەقینەشی لەبەرامبەر نەتەوەیەك و جوگرفیایەك بەكارهێنا، كەبەپێی دەستوور بەشێكی گرنگ و سەرەكییە لە عیراقی فیدراڵ، عیراقێك كە كوردو گەلی كوردستان پایەیەكی سەرەكی بنیاتنانەوەی بوون پاش ساڵی ٢٠٠٣. ئەوەی ئێستا دەگوزەرێ لەنێوان هەرێم و بەغدا، لەنێوانی دوو وڵات یان دوو لایەن دەچێ كەسەد ساڵ بێ شەڕیان بێ. گومانی تێدا نییە كە حكومەتی هەرێم كەموكورتی زۆری هەیە،  گرفتی گەورەشی هەیە لەشەفافیییەت لەداهاتداو هەمووشمان ئەم گلەییەمان لێی هەیەو ئەمە جگە لەگرفتە سیاسییەكان و پەیوەندی خراپی نێوان حیزبەكان، كە ئەمانە كێشەی ناوخۆن و دەكرێ بەحیكمەتی حەكیمەكان و لەخۆبوردوویی چارەسەربكرێن، بەڵام دەكرێ بەغایەك كەهیچی بەسەر هیچەوە نەبێ و بۆ مووچە قەرزبكات و نەتوانێ ئەمنییەتی وڵاتەكەی بپارێزێ و زیاتر لە شەش هەزارو چوارسەد پرۆژەی وەهمی هەبێ و سێ سەد ملیار دۆلاری دیار نەمابێ و چەندین شاری ناوەڕاست و باشووری لەبێ خزمەتیدا بناڵێنێ و كەس كەسی بەدڵ نەبێ، بێت بەو شێوەیە لەگەڵ هەرێم مامەڵە بكات!

پاش زنجیرەیەك سەردان و كۆبوونەوەی هەمەلایەنی هاوسەرۆكی یەكێتیی نیشتمانیی كوردستان، هەڤاڵ لاهور شێخ جەنگی و سەردانی چەندجارەی وەفدی حكومەتی هەرێم بەسەرۆكایەتی هەڤاڵ قوباد تاڵەبانی و ئەنجامدانی دەیان كۆبوونەوە، كەچی هێشتا لەبەغدا دەنگێكی زۆر بەرز دژی هەرێم و كورد دەبیسترێ، ئەم دەنگە دەنگی خەڵكی سادەو ساكار نین، دەنگی كەسانی سیاسەتمەدارو پەرلەمانتاركانن كە جێی مەترسییەو ئەو بەڕێزانە قسەی سەیرو سەمەرە دەكەن. ئەشێ و ئاساییە زۆرمان هۆكارەكە بگێڕینەوە بۆ  بێ بەرنامەیی حكومەت وریفراندۆم و گەندەڵی...هتدو مافی خۆشمانە گلەیی و رەخنەو گازەندەشمان هەبێ، بەڵام ئەوەی لەبەغدا دەگوزەرێ مەترسیدارە!

بەندە ساڵی ٢٠٠٣ پاش رووخانی رژێمی بەعس بۆ كاری راگەیاندن كە ئەوكات راگەیاندنی یەكێتیی نیشتمانیی كوردستان یەكەم راگەیاندن  بوو لە بەغدا جێگیر بوو، لەبەغدا بووم و لەوێ چەند بەڕێزێكی عەرەبم ناسی، لەماوەی پێشوودا یەكێك لەو بەڕێزانە بەندەی بەشداری پێكردووە لەگروپێكی واتس ئەپدا كە ژمارەیەكی زۆر سیاسەتمەدارو پەرلەمانتارو راگەیاندنكاری تیادا بەشدارە، بەشێك لەو بەڕێزانە بەشێوەیەك بە هەق و ناهەق بەرامبەر هەرێم قسە دەكەن كە مەترسی زۆری لێ دەكرێ و بەكورتی و كوردی دەڵێن؛ دەبێ وەكو پارێزگاكانی تری عیراق، مامەڵە لەگەڵ هەرێم بكرێ، بەتایبەتیش پەرلەمانتارەكان، ئەمەش ئاماژەیەكە بۆ ئەوە كە ئەوەی وەفدی هەرێم لەبارەی بەشی هەرێم لەبودجەدا لەگەڵ حكومەتی فیدراڵدا رێكەوتنی لەسەر كردووە، لەپەرلەمان دەنگی لەسەر نەدرێ و پەكبخرێ. بۆیە دەبێ حكومەتی هەرێم لایەنەكان لەئێستاوە هەوڵی جدیتر بدەن، تاكو بەرلەوەی بودجە بكەوێتە نێو گفتوگۆی پەرلەمان، رێكەوتنی ساسی لەگەڵ لایەنە عیراقییەكان لەبارەوە بكرێ، دەنا بەدەردی یاسای پڕكردنەوەی كورتهێنانەكەی دەچێ، كە بەیاسای قەرز ناسراوە. بۆیە پێویستە حكومەتی هەرێم بۆ ئەگەری رەتكردنەوەی پشكی هەرێم لەبودجەدا خۆی ئامادە بكات و بەڕاوێژو هاوكاری هەموولایەك چارەسەری ئەم بارودۆخە بكات و كێشەی مووچەو كێشەكانی تر چارەسەربكات.

وتاری زیاتر

عیراق وڵاتی ئینقیلاب!‬ شوان كەریم كابان
2022-08-30 20:54      118 جار بینراوە

شیمال ئەلعیراق‬ شوان كەریم كابان
2022-08-02 21:59      90 جار بینراوە


بەهیوای دیدار‬ شوان كەریم كابان
2022-06-05 10:14      65 جار بینراوە







راستییەکان ناشاردرێنەوە‬ شوان كەریم كابان
2022-03-12 13:45      127 جار بینراوە



رەوتی سەدر چی دەوێ؟‬ شوان كەریم كابان
2022-02-22 18:57      114 جار بینراوە

ئاسایش بۆ کێ؟‬ شوان كەریم كابان
2022-02-20 16:54      103 جار بینراوە

سلێمانی نزیکترە یان نەجەف؟‬ شوان كەریم كابان
2022-02-05 20:14      108 جار بینراوە

ئاواتەکەی شەھد‬ شوان كەریم كابان
2022-01-08 16:35      120 جار بینراوە


وەرزش وسیاسەت‬ شوان كەریم كابان
2021-12-21 15:14      160 جار بینراوە

میدیای سەدەی بیست و یەک‬ شوان كەریم كابان
2021-12-19 17:32      150 جار بینراوە



نامرن ئەوانە‬ شوان كەریم كابان
2021-11-21 23:07      118 جار بینراوە




هەڵبژاردن وگومانەكان!‬ شوان كەریم كابان
2021-10-21 22:09      105 جار بینراوە




نوێترین هەواڵەکان

بیروڕا

سۆشیال میدیا

گەلەری

کەشو هەوا

زۆرترین سەردانکراو