شوان كەریم كابان

یەخە خوارەكەی كازمی و حاڵی عیراق!

  2020-12-19 22:02      195 جار بینراوە        کۆمێنت

(17/12) مستەفا كازمی سەردانی توركیای كردو لەكۆشكی سەرۆكایەتی  لەمەراسیمێكی تایبەت سەرۆك كۆماری توركیا، رەجەب تەیب ئۆردوگان پێشوازی لێكرد، كاتێك كازمی لەئۆتۆمبێلەكە لەنێو كۆشكی سەرۆكایەتیدا دابەزی، بەپێی پرۆتۆكۆل ئوردوگان چوو بەرەو پیری و سڵاویان لەیەكتر كردو لەوێدا، ئوردوگان یەخەی خواربووی كراسەكەی كازمی چاككرد. ئەم رووداوە رووداوێكی دەگمەنە لەدیداری سەرۆك و بەرپرس و دیپلۆماتكارەكاندا. بەدڵنییاییەوە رەجەب تەیب ئۆردوگان، بەنیەتێكی دۆستانەو جەنتڵمانانە ئەو كارەی كرد، بەڵام مانای زۆر هەڵدەگرێ.
خواریی یەخەی كراسەكەی مستەفا كازمی، گوزارشت لەخوارو خێچی بارودۆخی عیراق دەكات. خۆپیشاندانە دەستكردەكانی مانگی تشرینی یەكەمی ساڵی ٢٠١٩ كە نەیارەكانی عادل عەبدولمەهدی لەپشتەوە بوون، مەبەست لێی گۆڕانكاری بوو لەسەر ئاستی سیاسی و بارودۆخی ئابووری و خزمەتگوزارییەكانیش، پاش بێنەو بەردەیەكی زۆرو رەتكردنەوەی چەند كاندیدێك، مستەفا كازمی دیاریكرا، لەو كاتەوە بارودۆخەكە بەرەو خراپتر دەچێ و چاوەڕوانی باشتری لێ ناكرێ، بارودۆخی سیاسی و پەیوەندی نێوان لایەنە سیاسییەكان ، بەرەو خراپتر چووە، دۆخی ئابووری خراپترو ترسناكتر بووە، پەیوەندی نێوان هەرێم و بەغدا، ئالۆزترو خراپتر بووە، ئەوەی كە كراوەو تاڕادەیەك هەموو لایەك پێی رازین دیاریكردنی كاتی هەڵبژاردنی پێشوەختە، ئەمیش قسەی تەزویركردنی زۆری لەسەر دەكرێ. 
ئەوەی روون و ئاشكرا دیارە ئەوەیە، كە كێشەی عیراق هەر بە رێككردنەوەی خواریی یەخەكەی كازمی چارەسەر نابێ، بەڵكو خواری زۆر لەعیراقدا هەیەو پێویستی بەڕێك كردنەوە هەیە. پرسیارەكە ئەوەیە، ئەو هەموو خواروخێچییە بەكازمی و هەڵبژاردنی پێشوەخت رێكدەبنەوە؟

 

وتاری زیاتر



راستییەکان ناشاردرێنەوە‬ شوان كەریم كابان
2022-03-12 13:45      84 جار بینراوە



رەوتی سەدر چی دەوێ؟‬ شوان كەریم كابان
2022-02-22 18:57      86 جار بینراوە

ئاسایش بۆ کێ؟‬ شوان كەریم كابان
2022-02-20 16:54      77 جار بینراوە


ئاواتەکەی شەھد‬ شوان كەریم كابان
2022-01-08 16:35      95 جار بینراوە


وەرزش وسیاسەت‬ شوان كەریم كابان
2021-12-21 15:14      110 جار بینراوە

میدیای سەدەی بیست و یەک‬ شوان كەریم كابان
2021-12-19 17:32      114 جار بینراوە



نامرن ئەوانە‬ شوان كەریم كابان
2021-11-21 23:07      98 جار بینراوە




هەڵبژاردن وگومانەكان!‬ شوان كەریم كابان
2021-10-21 22:09      84 جار بینراوە





كۆنگرەی ناكۆكەكان!‬ شوان كەریم كابان
2021-08-31 20:30      285 جار بینراوە


ڤێرژنێكی نوێی تاڵیبان! ‬ شوان كەریم كابان
2021-08-22 14:16      255 جار بینراوە



سەفەر بەخێر كاكە ستار‬ شوان كەریم كابان
2021-07-01 22:27      210 جار بینراوە


نوێترین هەواڵەکان

بیروڕا

سۆشیال میدیا

گەلەری

کەشو هەوا

زۆرترین سەردانکراو