شوان كەریم كابان

مەترسییەكی خۆ مەڵاس داو

  2020-12-14 22:26      223 جار بینراوە        کۆمێنت

پاش ریفراندۆمی تیمۆری خۆرهەڵات بۆ سەربەخۆیی و سەربەخۆبوونی لەنێو كیشوەری ئاسیاداو ئەمجا جیابوونەوەی دارفور لەسودان لەكیشوەری ئەفریكا، پێدەچێ ئاراستەكە پێچەوانە بووبێتەوەو جیهان، یان راستر بڵێین سیاسەتی نێودەوڵەتی وڵاتە زلهێزەكان، گۆڕانی بەسەر هاتووە لەبەرامبەر كێشە نەتەوەییەكان لەجیهاندا. 
ساڵی ٢٠١٧ لەكەتەلۆنیا كە هەرێمێكی ئۆتونۆمە لە ئیسپانیاو دەكەوێتە باكووری رۆژهەڵات، دەسەڵاتدارانی هەرێمەكە ریفراندۆمێكیان رێكخست بۆ دەنگدان لەسەر جیابوونەوەو سەربەخۆبوون، یان مانەوە لەچوارچێوەی ئیسپانیادا، زۆرینەوەی بەشداربووان دەنگیاندا بۆ سەربەخۆبوون. حكومەتی ئیسپانیا بەتوندی رووبەڕووی ئەم ویستە بووەوەو هێزی رەوانەی بەرشەلۆنە كردو پەرلەمانی داخست و لێپرسراوانی هەرێمەكەی گرت و سەرۆكی هەرێمەكەش خۆی دەربازكردو حكومەتی ئیسپانیا بڕیاری دەستگیركردنی دەركرد لەگەڵ ژمارەیەك وەزیری تر كە ئەوانیش خۆیان دەرباز كردبوو. لەهەمانكاتدا زۆربەی وڵاتانی ئەوروپا دژی هەڵوێستی هەرێمی كەتەلۆنیا بونو. ئەمە لەئەوروپا. لە ئەسیوبیا كە وڵاتێكە لەكیشوەری ئەفریقیا، هەفتەی رابوردوو پاش دوو هەفتە شەڕی حكومەتی ئەسیوبیا لەگەڵ هێزەكانی هەرێمی فیدرالی تیگرای كە دەكەوێتە باكووری ئەسیوبیا، سوپای حكومەت چووە میكیلی پایتەختی هەرێم و بەوەش ئەو هەرێمە لەڕووی یاساییەوە هەڵوەشایەوە!.
ساڵی ١٩٩٤ ناگورنۆ كەرەباخ لە ئازربایجان جیابووەوە، كە خۆشی لەسۆڤییەت جیاببووەوە، پاش جیابوونەوە بوە كۆماری ناگۆرنۆ كەرەباخ و لەدونیادا تەنیا ئەرمەنستان  پشتگیری كردو دانی پیادانا. لەساڵی١٩٩٤ ەوە ئەو كۆمارە بەو بارودۆخە مایەوە، تا چل رۆژ لەمەوبەر، شەڕ لەنێوان كۆمارەكەو كۆماری ئازەربایجان روویداو پاش مانگێك زیاتری شەڕو كاولكاری، ئازەربایجان كۆمارەكەی گرت، كە بەبەشێك لەخاكی خۆی دەزانێ و بەوەش پاش ٢٦ ساڵ ئەو كۆمارە فەوتا، ئەمە لەكیشوەری ئاسیا.

بیابانی خۆرئاوا كە لەئەفریكایە، دەكەوێتە باكووری مەغریب، باشووری مۆریتانیا، رۆژئاوای جەزائیر، پاش شەڕێكی درێژخایەن لەنێوان مەغریب و مۆریتانیا، مۆریتانیا لەبیابانی خورئاوا كشایەوە. لەگەرمەی شەڕدا، بەرەی پۆلیساریۆ دروستبوو كۆماری عەرەبی دیموكراتی بیابانی راگەیاند، لەوكاتەوە، مەغریب سێ لەسەر چواری بیابانەكەی بەدەستەوەیەو بەرەی پۆلیساریۆش بەشەكەی تری. لەنێوان هەردوولاشدا زنجیرەیەك شەڕو بەیەكدا هەڵشاخان روویداوە. لەسەر ئاستی نێودەوڵەتیش هیچ وڵاتێك خاوەندارێتی مەگریبی بۆ بیابانی خۆر ئاوا نەسەلماندووە.  
هەفتەی رابوردوو پاش دروستبوونی گرژی و ئاڵۆزی لەنێوان سوپای مەگریب و هێزەكانی پۆلیساریۆو ئارامبوونەوەی بارودۆخەكە، دوناڵدترامپ سەرۆكی ئەمریكا لەڕاگەیاندنێكدا خاوەندارێتی بیابانی خۆرئاوای گێڕایەوە بۆ مەگریب و بەدواشیدا، چەند وڵاتێكی عەرەبی پشتگیری خۆیان بۆ ئەو راگەیاندنە دەربری.                 ئەوەی ئاماژەمان پێدا، چەند نموونەیەكن كە هەڵوێستەو لێوردبوونەوەیان دەوێ و بۆنی مەترسی بەرفراوان بونیان لێ دێ !

 

وتاری زیاتر

عیراق وڵاتی ئینقیلاب!‬ شوان كەریم كابان
2022-08-30 20:54      118 جار بینراوە

شیمال ئەلعیراق‬ شوان كەریم كابان
2022-08-02 21:59      90 جار بینراوە


بەهیوای دیدار‬ شوان كەریم كابان
2022-06-05 10:14      65 جار بینراوە







راستییەکان ناشاردرێنەوە‬ شوان كەریم كابان
2022-03-12 13:45      127 جار بینراوە



رەوتی سەدر چی دەوێ؟‬ شوان كەریم كابان
2022-02-22 18:57      114 جار بینراوە

ئاسایش بۆ کێ؟‬ شوان كەریم كابان
2022-02-20 16:54      103 جار بینراوە

سلێمانی نزیکترە یان نەجەف؟‬ شوان كەریم كابان
2022-02-05 20:14      108 جار بینراوە

ئاواتەکەی شەھد‬ شوان كەریم كابان
2022-01-08 16:35      120 جار بینراوە


وەرزش وسیاسەت‬ شوان كەریم كابان
2021-12-21 15:14      160 جار بینراوە

میدیای سەدەی بیست و یەک‬ شوان كەریم كابان
2021-12-19 17:32      150 جار بینراوە



نامرن ئەوانە‬ شوان كەریم كابان
2021-11-21 23:07      118 جار بینراوە




هەڵبژاردن وگومانەكان!‬ شوان كەریم كابان
2021-10-21 22:09      105 جار بینراوە




نوێترین هەواڵەکان

بیروڕا

سۆشیال میدیا

گەلەری

کەشو هەوا

زۆرترین سەردانکراو