شوان كەریم كابان

بەبیانووی كۆچی دوایی سەرۆك وەزیرانی مەملەكەتی بەحرەین! دۆستە دیموكراتەكانی رۆژئاوا!

  2020-11-14 17:02      228 جار بینراوە        کۆمێنت

خەڵكی هەموو ئەوروپا بەگشتی هەوڵ و تێكۆشانی زۆریاندا تاكو وڵاتەكانیان گەیاند بەم رۆژەی ئێستا تیایداین، بەقوربانیدانی گیانیشەوە، ماندووبونی زۆر، شەڕی ناوخۆ ، شۆڕش، داهێنان، شەڕ لەگەڵ كەنیسە، چەسپاندنی یاسا، داهێنانی دیموكراسی و ئازادی و مافەكانی مرۆڤ، هەروەها ئەمریكاش. گومانیشی تیانییە رۆڵێكی گەورەیان گێڕاوە لە بەرەو پێشبردنی مرۆڤایەتی لەهەموو بوارەكانداو ئێستاش هاووڵاتیانیان لەژیانێكی ئارام و سەقامگیردا بەسەر ئەبەن، جگە لەمەترسی كۆرۆناو هەندێ كێشەی ورد نەبێ. بەڵام لەگەڵ هەموو ئەمانەشدا وڵاتانی رۆژئاوا بەشی خۆیان گلەییان لەسەرەو دەكرێ لەسەر زۆر هەڵوێست گلەییان لێ بكرێ. بەشی هەرەزۆری وڵاتانی ئەوروپاو ئەمریكاش، داگیر كاری و شەڕو شۆری زۆریان ناوەتەوە، بریتانیا، فرەنسا، هۆڵەندا، بەلژیك، ئیتالیا، ئیسپانیا، پورتوگال، ئەڵمانیا..هتد، دەیان وڵاتیان داگیركردبوو هەندێكیان تائێستاش لەدەرەنجامی ئەو داگیركارییە دەناڵێنن. هەروەها ئەمریكا لەپاش جەنگی دووەمی جیهانییەوە، داگیركاری و شەڕو شۆری زۆری ناوەتەوە. 
بەهەرحاڵ مەبەستی بەندە ئەم لایەنەی هەڵسوكەوتی رۆژ ئاوا نییە، بەڵكو هێندەی ئەوان قسە لەسەر دیموكراسی و ئازادی دەكەن، كەچی هەندی دۆست و هاوكاریان هەیە لەم ناوچەیەی ئێمە، تووشی سەرسوڕمانت دەكەن. هەفتەیەك لەمەوبەر سەرۆك وەزیرانی مەمملەكەتی بەحرەین، شێخ خلیفەی كوڕی سەلمان ئال خلیفە دوای پەنجا ساڵ لەمانەوەی لەو پۆستەدا كۆچی دوایی كرد، كە زۆرترین ماوەی سەرۆك وەزیرییە لەسەرجەم وڵاتانی دونیادا. لەبەحرەین پێش سەربەخۆیی و پاش سەربەخۆییش لەساڵی ١٩٧١دا هەر بنەماڵەی ئال خەلیفە حاكمن و هەموو پۆستە كرنگەكان بەدەست ئەوانەوەیەو ئۆپۆزسیونیش وەزعی لەوپەڕی خراپیدایە، بەڵام بارودۆخی ئابووری زۆر سەقامگیرە. شانشینی عەرەبی سعودی لەساڵی ١٧٤٤ بنەماڵەی ئال سعود حوكمی دەكەن و هەموو دەسەڵاتەكانیان لەدەستدایە وڵاتەكەش بەناوی خۆیانەوەیەو حیزب و ئۆپۆزسیۆنیشی تیانییەو دیموكراسی و مافی مرۆڤیش لەوێ قەدەغەیە، بەڵام بەشێكی باشی خەڵكەكەی ئاستی ژیانیان باشە. ئیمارات هەروا، دوبنەماڵە دەستیان بەسەر هەموو جومگەكانی حوكم و ئابووریدا گرتووە، كە ئال نهیان و ئال مەكتومن، دیموكراسی و ئەوانەش نین لەوێ. ئەلحەق لەڕووی ئابوورییەوە لەپلەیەكی باڵادان. كوێت هەروەها، گەرچی كوەیت جیا لەم چەند وڵاتەی باسمان كرد هەر لەسەرەتای شەستەكانەوە تاڕادەیەك ئازادی رۆژنامەگەری تیایەو لەبواری رووناكبیری و هونەریشدا رۆڵی هەیە. بەڵام لەوێش یەك بنەماڵە حاكمە كە بنەماڵەی ئاڵ سەباحە.

سەرسوڕمانەكە لەوەدایە كە لەپەیوەندی رۆژئاوا لەگەڵ ئەو وڵاتە بەڕێزانەی باسمان كردن، دیموكراسی و مافی مرۆڤ و ئازادی هیچ باس وخەبەرێكی نییە، بەڵام ئەبێ لیبیاو میسرو جەزائیرو سوریاو عیراق و تونس و ئێران و بیلاروسیاو روسیاو چین ...هتد دیموكراس بن و مافی مرۆڤ و ئازادی تیایاندا بەرقەرار بێ!

 

وتاری زیاتر

عیراق وڵاتی ئینقیلاب!‬ شوان كەریم كابان
2022-08-30 20:54      116 جار بینراوە

شیمال ئەلعیراق‬ شوان كەریم كابان
2022-08-02 21:59      90 جار بینراوە


بەهیوای دیدار‬ شوان كەریم كابان
2022-06-05 10:14      65 جار بینراوە







راستییەکان ناشاردرێنەوە‬ شوان كەریم كابان
2022-03-12 13:45      127 جار بینراوە



رەوتی سەدر چی دەوێ؟‬ شوان كەریم كابان
2022-02-22 18:57      113 جار بینراوە

ئاسایش بۆ کێ؟‬ شوان كەریم كابان
2022-02-20 16:54      102 جار بینراوە

سلێمانی نزیکترە یان نەجەف؟‬ شوان كەریم كابان
2022-02-05 20:14      108 جار بینراوە

ئاواتەکەی شەھد‬ شوان كەریم كابان
2022-01-08 16:35      120 جار بینراوە


وەرزش وسیاسەت‬ شوان كەریم كابان
2021-12-21 15:14      160 جار بینراوە

میدیای سەدەی بیست و یەک‬ شوان كەریم كابان
2021-12-19 17:32      150 جار بینراوە



نامرن ئەوانە‬ شوان كەریم كابان
2021-11-21 23:07      118 جار بینراوە




هەڵبژاردن وگومانەكان!‬ شوان كەریم كابان
2021-10-21 22:09      105 جار بینراوە




نوێترین هەواڵەکان

بیروڕا

سۆشیال میدیا

گەلەری

کەشو هەوا

زۆرترین سەردانکراو