شوان كەریم كابان

مووچەو كرێ و ئیمتیازاتی خانەنشینی سەرۆكەكانی ئەمریكا

  2020-11-08 15:19      216 جار بینراوە        کۆمێنت

كاتی خۆیەتی و بەبیانووی هەڵبژاردنی سەرۆكایەتی ئەمریكا، هەندێ زانیاری بزانین لەبارەی ئەوەی سەرۆكە كار تەواوبووەكانی ئەمریكا تا مردن چی وەردەگرن و حكومەتی ئەمریكا چییان بۆ دەكات.
هەموو سەرۆكەكانی ئەمریكا بەپێی دەستوور مووچەیان هەیەو خۆیان و ماڵ و مناڵیان هەموو ساڵانی سەرۆكایەتییەكەیان لەكۆشكی سپی نیشتەجێ دەبن و هەموو مەسرەفێكیان لەو ساڵانەدا لەسەر دەوڵەتە، مانای وایە مووچەكەیان بە مفتی بۆ دەمێنێتەوە.
پاش تەواوبوونی ماوەی سەرۆكایەتییەكەیان، جا چوار ساڵ بێ یان ٨ ، وەك خانەنشین دەژمێردرێن و مووچەیان بۆ دەبڕدرێتەوە تا لە ژیاندا مابن. هەروەها تا سەردەمی ئۆباما بۆ ماوەی دە ساڵ پاسەوانی تایبەتیان  بۆ دادەنرا، بەڵام ئەو یاسایەی ساڵی ١٩٩٧ دەرچوو، باراك حسین ئۆباما، سەرۆكی پێشووتری ئەمریكا گۆڕی بۆ تامردن.
مووچەی خانەنشینی بەیاسایەك لەساڵی ١٩٥٨ رێكخراو لەساڵی ٢٠٠١ ەوە بەمووچەی ساڵانەی ٤٠٠ هەزار دۆلار دیاریكرا. هەروەها دەوڵەت ئەركی چاودێری تەندروستی بۆ سەرۆكی خانەنشین بوو لەسەر ئاستێكی باڵا لەئەستۆ دەگرێت و لەتایبەتترین خەستەخانەی سەربازی چارەسەریان بۆ دەكرێت. لەهەمانكاتدا تێچووی پۆست و هەندێ مەسرەفی تر هەر لەئەستۆی دەوڵەت دەبێ، لەنێوانیشیاندا مەسرەفی ئۆفیسی تایبەتی سەرۆكی خانەنشین كراو. لەكاتێكدا گەر سەرۆكی خانەنشینكراو مەبەستی بوو كەسێك بۆ سەرپەرشتی كارەكانی  دیاریبكات، ئەوا حكومەتی ئەمریكا مووچەكەی لەئەستۆ دەگرێت، بەمەرجێ ساڵانە لە ١٥٠ هەزار دۆلار  زیاتر نەبێ تا یەك ساڵ و نیو، دواتر ساڵانە دەبێتە ٩٦ هەزار دۆلار. لەهەمانكاتدا هاوسەری سەرۆكی خانەنشین كراو ساڵانە بیست هەزار دۆلار مووچەی دەبێ.

ئەوەی روون و ئاشكرایە، سەرۆكەكانی ئەمریكا بەشی هەرە زۆریان ئاستی بژێوی ژیانیان لەئاستێكی بەرزدایە كەدەبنە سەرۆك و هەندێكیان ملیۆنێریش بوون، بۆیە زۆر كێشەی مووچەیان نییە. ئەمە جگەلەوەی دوای خانشین بوونیان پارەیەكی زۆریان دەستدەكەوێت لەڕێی بەشدارییان لەدیبەیتە نێودەوڵەتییەكان و راوێژ پێكردنیان و وانەگوتنەوەو بڵاوكردنەوەی بیرەوەرییەكانیان. بۆ نموونە ؛ بیل كلنتۆن ملیۆنەها دۆلاری لەبڵاوكردنەوەی بیرەوەرییەكانی دەستكەوت كە لەژێر ناوی ژیانمدا بڵاویكردەوە.  هەروەها هیلاری كلنتۆنی وەزیری دەرەوەی پێشووتری ئەمریكاو هاوسەری كلنتۆن، بڕی ١٤ ملیۆن دۆلاری پێشەكی وەرگرت بۆ بڵاوكردنەوەی بیرەوەرییەكانی، هەردووكیشیان چەندین ملیۆن دۆلاری تریان لەوانە گوتنەوەو ئەو دیدارانەی تێدا بەشداربوون، دەستكەوتووە.

لێرەدا پرسیارێك دێتە پێش، ئایە سەرۆكەكانی هەرە پێشووتری ئەمریكا مووچەی خانە نشینی و ئیمتیازاتی تریان هەبووە؟ وەڵامەكە بەڵێ یە! جۆرج واشنتۆن لەنیوەی دوەمی سەدەی هەژدەدا ، بڕی ٢٥ هەزار دۆلاری وەردەگرت ، كە بەنرخی ئێستا دەكاتە بڕی ٧٠٠ هەزار دۆلار.

وەرگیراوەو وەرگێڕدراوە بەدەستكارییەوە

 

وتاری زیاتر

عیراق وڵاتی ئینقیلاب!‬ شوان كەریم كابان
2022-08-30 20:54      118 جار بینراوە

شیمال ئەلعیراق‬ شوان كەریم كابان
2022-08-02 21:59      90 جار بینراوە


بەهیوای دیدار‬ شوان كەریم كابان
2022-06-05 10:14      65 جار بینراوە







راستییەکان ناشاردرێنەوە‬ شوان كەریم كابان
2022-03-12 13:45      127 جار بینراوە



رەوتی سەدر چی دەوێ؟‬ شوان كەریم كابان
2022-02-22 18:57      114 جار بینراوە

ئاسایش بۆ کێ؟‬ شوان كەریم كابان
2022-02-20 16:54      103 جار بینراوە

سلێمانی نزیکترە یان نەجەف؟‬ شوان كەریم كابان
2022-02-05 20:14      108 جار بینراوە

ئاواتەکەی شەھد‬ شوان كەریم كابان
2022-01-08 16:35      120 جار بینراوە


وەرزش وسیاسەت‬ شوان كەریم كابان
2021-12-21 15:14      160 جار بینراوە

میدیای سەدەی بیست و یەک‬ شوان كەریم كابان
2021-12-19 17:32      150 جار بینراوە



نامرن ئەوانە‬ شوان كەریم كابان
2021-11-21 23:07      118 جار بینراوە




هەڵبژاردن وگومانەكان!‬ شوان كەریم كابان
2021-10-21 22:09      105 جار بینراوە




نوێترین هەواڵەکان

بیروڕا

سۆشیال میدیا

گەلەری

کەشو هەوا

زۆرترین سەردانکراو