د.سەردار عەزیز

دەنگدان لەئەمریکا، ئایا ئەمریکییەکان ئاوڕێک لەخۆیان دەدەنەوە؟

  2020-11-02 14:57      232 جار بینراوە        کۆمێنت

رۆژی سێشەممە بەکاتی ئەمریکا دوا رۆژی دەنگدانە. دەنگدانی ئەمجارە وەک هیچ جارێکی تر نییە، میلیشیایەکی زۆر لەسەر پێن. یەکێک لەکاندیدەکان هەڕەشەی ئەوە دەکات کە قبوڵی ناکات. هەرچەندە ئەمریکا بەوە ناسراوە کە دەنگدان تیادا هەرگیز دادپەروەرانە نەبووە، چونکە سیستەمی جێریماندەرینگ و رێگریکردنی جۆراو جۆر لەدەنگدەری دیموکراتەکان، لەگەڵ ئیلکتۆرال کۆلیج، دۆخێکی زۆر نا دادپەروەریان دروستکردووە، بەڵام ئەمجارە قوڕەکە خەستترە.
ئەم هەڵبژاردنە لەچەندین ئاستی تردا جیاوازە. وەک سیڤین وەرپیم پێمان دەڵێت لەڕۆژانی جەنگی جیهانی دووەمدا ئەمریکا بڕیاریدا کە باڵادەستی سەربازیی بکاتە بنەمای باڵادەستی لەدونیادا. بەدیدی ئەو ئەم پرینسیپە نەبووە هۆکاری ئەوەی کە ئەمریکا ئاشتی بۆ دونیا بهێنێت، بەڵکو ئەمریکا بەدوای شەڕدا دەگەڕاو شەڕ بەدوای ئەمریکادا. بەجۆرێک بازنەیەکی داخراو لەشەڕو بەردەوامی شەڕ هاتە ئاراوە. وەک پۆل کەنەدی پێمان دەڵێت لەکتێبە مەزنەکەیدا، هەڵكشان و داکشانی زلهێزەکانی، ١٥٠٠-٢٠٠٠، باڵادەستی یان هەژەمۆنی زۆرجار دەبێتە هۆکار کۆتایی هەژەمۆنییەت و داڕوخان. چونکە هەژەمۆنیەت تێچوونی زۆرە. شەڕەکانی ئەمریکا هەتا ئێستا ٦ تریلیۆن دۆلار لەسەر ئەو وڵاتە کەوتووە. ئەم بارگرانییە وەهای کردووە کە ئەمریکا پشت لەناوەوەی بکات. ئەوانەی کە پشتگوێخراون زۆرن و خاوەن دیدی جۆراوجۆرن و تووڕەن. بەشێکی زۆر لەقاعیدەی هەردوو پارتە سیاسییەکە پێکدەهێنن. هەرچەندە وەها دەردەکەون کە دژ بەیەکن، بەڵام لەزۆر رووەوە هاودیدن، سەرباری جیاوازی زمانی دەربڕین و ئامرازیان . هەموو دژ بە واشنتۆن و نوخبەی سیاسی و سیستەم و شەڕە ناکۆتاکان و نادادپەروەری ئابوری و زۆر خەسڵەتی ترن.
لەکاتێکدا سێشەممەی ئەمریکا دوا ڕۆژی دەنگدانە، بەڵام ئەم وەرزی بانگەشەیە کەمترین باسی سیاسەتی دەرەوەی تیادا کرا، باس لەشەڕ نەکرا. هەرکاتێکیش بەخێرایی باسی ئەمانە کرابێت ئەوا لەڕوانگەی ناوخۆوە بووە، هەروەها بۆ دژایەتی بووە.
نوخبەی ئەمریکی لەژێر فشاردایە کە ئاوڕێك لەناوەوەی بداتەوە. ئاوڕێک لەمیلیشیا ڕاستڕەوەکانی، لەلاوە میلانیالەکانی (ئەوانەی لەدەوروبەری ساڵی ٢٠٠٠دا لەدایکبوون)، لەکێشەی ڕەگەز، لە دۆخی ئابووری. هەموو ئەمانە فشارن بۆ ئەوەی ئەمریکا پشت لەسەربازەکانی بکات. هەر گەلێک سەربازەکانی بپەرستێت هەمیشە لەقەراغی مەرگدایە. ئەمە بۆ ئێمەی کوردیش راستە. یەکێک لەفەلسەفە سەرەکییەکانی دونیا سەربازی ئەوەیە کە دەبێت سەرباز هەبێت بۆئەوەی بە کارنەهێنرێت.
هەرچەندە ئەمریکا خاوەنی هەرە بەهیزترین سوپای جیهانە، بەڵام هەمیشە براوە نییە. ئەم راستییە مایەی تراژیدیایە بۆ ئەمریکا. لەکاتێکدا ئەمریکا سەرقاڵی زاڵکردنی سەربازەکانی بووە، هێزەکانی تر لەبوارەکانی تردا براوەبوون لێی. بەپێچەوانەی ستیڤنەوە، من بڕوام بەوە نییە ئەگەر ئەمریکا سەربازەکانی بکشێنێتەوە ئەوا ئاشتی بەرقەرار دەبێت. بەڵام بە نەکشانەوەشی هەر ئاشتی بەرقەرار نابێت. کەواتە ئاشتی دۆخێکی سروشتی نییە. بەپێچەوانەوە شەڕ دۆخی سروشتی مرۆڤە. 
کاتێک ئەمریکاییەکان دەڕۆن بۆ دەنگدان ڕەنگە بیر لەبوارێکی تەسک و خەسڵەتێکی بێ بەهاو ئامانجێکی تایبەت بکەنەوە، بەڵام هەموو دونیا دەکەوێتە ژێر کاریگەری ئەو کارەیانەوە. وەک دەنگدان لەدونیای کوردیدا دەریدەخات، مرۆڤی دەنگدەرو پرۆسەی دەنگدان کردەیەکی سیاسی نییە، بەڵکو کارێکە لەهەناوو کەلتوورو بەهاو نەریت و باوەڕو ئەفسانەو سیستەمی خزمایەتی و ڕق و کینەو بێزاری و تووڕەیی و هەستی ساتەوەختیی و زۆر پاڵنەری تری ناعەقڵانیەوە سەرچاوە دەگرێت. 
هەمووان چاوەڕوانین، بەڵام ئەمجارە ڕەنگە چەندین هەفتەی بوێت هەتا دەزانین کێ بەڕاستی براوەیە.

وتاری زیاتر

بۆ کۆچ؟‬ د.سەردار عەزیز
2021-11-13 21:32      117 جار بینراوە


بۆچی سەربەخۆکان سەرنەکەوتن؟‬ د.سەردار عەزیز
2021-10-16 17:57      125 جار بینراوە

قەیرانەکانی خێزانی کوردی‬ د.سەردار عەزیز
2021-09-16 13:36      199 جار بینراوە

ناین ئیلێڤن ٩١١‬ د.سەردار عەزیز
2021-09-11 17:27      747 جار بینراوە


کۆمیونیزم و جیهادیزم لەگوند‬ د.سەردار عەزیز
2021-08-27 11:18      146 جار بینراوە

کەوتنی کابول ‬ د.سەردار عەزیز
2021-08-16 19:04      565 جار بینراوە



تڕەکەڵەکی کازمی‬ د.سەردار عەزیز
2021-07-24 15:40      411 جار بینراوە

تارماییەکانی مەکگۆرک‬ د.سەردار عەزیز
2021-07-17 19:27      757 جار بینراوە


ئەردۆگان و یاریی کورد‬ د.سەردار عەزیز
2021-07-10 17:15      404 جار بینراوە

پاش ئەوروپا‬ د.سەردار عەزیز
2021-07-10 10:08      229 جار بینراوە


بایدن و ئەردۆگان پاش دیدار‬ د.سەردار عەزیز
2021-06-18 13:53      134 جار بینراوە

بایدن و ئەردۆگان‬ د.سەردار عەزیز
2021-06-09 10:10      195 جار بینراوە



ئایا خاکی کوردستان فرۆشراوە؟‬ د.سەردار عەزیز
2021-06-02 18:57      178 جار بینراوە

جەمشیدو مەعریفەی بێ رێچکە‬ د.سەردار عەزیز
2021-05-31 14:48      259 جار بینراوە

نەفرەتی بێدەوڵەتیی!‬ د.سەردار عەزیز
2021-05-29 17:57      169 جار بینراوە

ئایا مەترسی لەئارادایە؟‬ د.سەردار عەزیز
2021-05-22 17:55      174 جار بینراوە


دەستوورێک بۆ هەرێم؟!‬ د.سەردار عەزیز
2021-05-10 14:31      197 جار بینراوە

سەما لە سەردەمی بازاڕدا‬ د.سەردار عەزیز
2021-05-03 15:14      174 جار بینراوە

بایدن و جینۆسایدی ئەرمەنی؟‬ د.سەردار عەزیز
2021-05-01 16:30      151 جار بینراوە

قەیرانی گەشە لە کوردستان‬ د.سەردار عەزیز
2021-04-26 18:41      264 جار بینراوە


نوێترین هەواڵەکان

بیروڕا

سۆشیال میدیا

گەلەری

کەشو هەوا

زۆرترین سەردانکراو