شوان كەریم كابان

ئه‌و نوێژه‌ی نه‌كرا

  2020-10-30 10:26      204 جار بینراوە        کۆمێنت

دوژمنایه‌تیی ئیسلام و جوله‌كه‌ و به‌تایبه‌تی عه‌ره‌ب و جوله‌كه‌ دوژمنایه‌تییه‌كی له‌مێژینه‌یه‌ و ده‌گه‌ڕێته‌وه‌ بۆ سه‌رهه‌ڵدانی ئاینی ئیسلام.

ئه‌م دوژمنایه‌تییه‌ له‌ دروستبوونی ده‌وڵه‌تی ئیسرائیله‌وه‌ به‌شێوازێكی تر سه‌ری هه‌ڵدایه‌وه‌ و چووه‌ قۆناغێكی تره‌وه‌ و عه‌ره‌ب و جوله‌كه‌ سه‌رله‌نوێ تێهه‌ڵچوونه‌وه‌، ئه‌گه‌رچی هه‌ردوولا خۆیان بێبه‌ری كرد له‌ دوژمنایه‌تیی ئایینی، عه‌ره‌ب ده‌ڵێت: «دژایه‌تییه‌كه‌مان له‌گه‌ڵ ئایینه‌كه‌ نییه‌، به‌ڵكو له‌گه‌ڵ بزووتنه‌وه‌ی زایۆنیزمه‌«. جوله‌كه‌ش ده‌ڵێت: «ئێمه‌ كێشه‌مان له‌گه‌ڵ عه‌ره‌ب و موسڵمانان نییه‌، به‌ڵكو كێشه‌مان له‌گه‌ڵ ئیسلام و عه‌ره‌بی توندڕه‌وه‌.

له‌ ساڵی 1947، ساڵێك به‌رله‌ دروستكردنی ده‌وڵه‌تی ئیسرائیل، به‌پێی به‌ڵێنی بلفۆر، هه‌تا 2006 عه‌ره‌ب و ئیسرائیل زنجیره‌یه‌ك شه‌ڕیان كردووه‌، 1947، 1948، 1967، 1973 و 2006 و له‌و شه‌ڕانه‌شدا 91 هه‌زار كه‌س له‌ عه‌ره‌ب به‌ سه‌رباز و میلیشیا و مه‌ده‌نییه‌وه‌ و 24 هه‌زار جوله‌كه‌ و عه‌ره‌به‌ هاوپه‌یمانه‌كانیشی كه‌ خه‌ڵكی لوبنان بوون، كوژران.

له‌و شه‌ڕانه‌دا لای عه‌ره‌ب هه‌شت ده‌وڵه‌ت به‌شێوه‌یه‌ك له‌ شێوه‌كان به‌شداربوون، كه‌ ئیمارات و به‌حرێنی تێدانه‌بووه‌! و هێزه‌كانی رێكخراوی رزگاریی فه‌له‌ستین و له‌هه‌شتاكانیشدا حزبوڵڵای لوبنانیشی هاته‌سه‌ر و دواتریش بزووتنه‌وه‌ی حه‌ماس و بزووتنه‌وه‌ی جیهاد و هه‌ندێك هێزی دیكه‌ی ئیسلامیش.

هه‌موو ئه‌و شه‌ڕانه‌ی تا 1973 روویاندا، به‌ رێكه‌وتنی نێوان میسر و ئیسرائیل كۆتایی هات و میسر له‌ شه‌ڕه‌كه‌ چووه‌ ده‌ره‌وه‌.

ساڵی 1993 -ش رێكخراوی رزگاریی فه‌له‌ستین، رێكه‌وتنی ئۆسلۆی له‌گه‌ڵ ئیسرائیلدا ئیمزاكرد و ده‌سه‌ڵاتی فه‌له‌ستین دامه‌زرا.

له‌ درێژه‌ی ئه‌و ململانێیه‌ و ده‌ركه‌وتنی ره‌حمه‌تی یاسر عه‌ره‌فات له‌سه‌ره‌تای شه‌سته‌كانه‌وه‌، زۆربه‌ی جار كه‌ دیداری ئه‌بو عه‌ممار له‌گه‌ڵ سه‌ركرده‌كانی عه‌ره‌ب، وته‌یه‌كی هه‌بوو زۆر جار دووباره‌ی ده‌كرده‌وه‌، ده‌یوت: «ئینشاڵڵا پێكه‌وه‌ له‌قودس نوێژ ده‌كه‌ین.

زه‌مان هات و زه‌مان رۆیشت، یاسر عه‌ره‌فات ئه‌و ئاواته‌ی برده‌ ژێر گڵه‌وه‌، به‌ڵام چه‌ند رۆژێك له‌مه‌وبه‌ر چه‌ند كه‌سێك له‌ ئیماراته‌وه‌، ئه‌و ئیماراته‌ی له‌ شه‌ڕی عه‌ره‌ب ئیسرائیلدا ده‌مه‌رقاچانێكیشی نه‌ته‌قاند، گه‌یشتنه‌ ئیسرائیل و به‌ پارێزگاریی هێزی ئه‌منیی ئیسرائیل چوونه‌ مزگه‌وتی ئه‌قسا له‌ قودس و له‌وێ نوێژیان كرد. پێشموانییه‌ هیچیان یاسر عه‌ره‌فاتی ره‌حمه‌تیشیان بیركه‌وتبێته‌وه‌!

وتاری زیاتر



راستییەکان ناشاردرێنەوە‬ شوان كەریم كابان
2022-03-12 13:45      84 جار بینراوە



رەوتی سەدر چی دەوێ؟‬ شوان كەریم كابان
2022-02-22 18:57      86 جار بینراوە

ئاسایش بۆ کێ؟‬ شوان كەریم كابان
2022-02-20 16:54      77 جار بینراوە


ئاواتەکەی شەھد‬ شوان كەریم كابان
2022-01-08 16:35      95 جار بینراوە


وەرزش وسیاسەت‬ شوان كەریم كابان
2021-12-21 15:14      110 جار بینراوە

میدیای سەدەی بیست و یەک‬ شوان كەریم كابان
2021-12-19 17:32      114 جار بینراوە



نامرن ئەوانە‬ شوان كەریم كابان
2021-11-21 23:07      98 جار بینراوە




هەڵبژاردن وگومانەكان!‬ شوان كەریم كابان
2021-10-21 22:09      84 جار بینراوە





كۆنگرەی ناكۆكەكان!‬ شوان كەریم كابان
2021-08-31 20:30      285 جار بینراوە


ڤێرژنێكی نوێی تاڵیبان! ‬ شوان كەریم كابان
2021-08-22 14:16      255 جار بینراوە



سەفەر بەخێر كاكە ستار‬ شوان كەریم كابان
2021-07-01 22:27      210 جار بینراوە


نوێترین هەواڵەکان

بیروڕا

سۆشیال میدیا

گەلەری

کەشو هەوا

زۆرترین سەردانکراو